പാലക്കാട് എസ്.എസ്.എ. പരിധിയിലുള്ള ഓട്ടിസം സെന്ററുകളില്‍ റിസോസ് അധ്യാപകരെ ആവശ്യമുണ്ട്. സ്‌പെഷല്‍ എജുക്കേഷനില്‍ (ഓട്ടിസം സ്‌പെക്ട്രം ഡിസോര്‍ഡര്‍) ഡിപ്ലൊമ/ഡിഗ്രിയുള്ളവര്‍ക്ക് അപേക്ഷിക്കാം.

അര്‍ഹരായവര്‍ നവംബര്‍ 10ന് വൈകീട്ട് അഞ്ചിനകം ബന്ധപ്പെട്ട രേഖകള്‍ സഹിതം സിവില്‍ സ്റ്റേഷനിലുള്ള എസ്.എസ്.എ. ജില്ലാ ഓഫീസില്‍ അപേക്ഷ നല്‍കണം. 
 

ജില്ലയില്‍ പഞ്ചായത്ത് വകുപ്പില്‍ ലൈബ്രേറിയന്‍ ഗ്രേഡ് കഢ (കാറ്റഗറി നം.539/2016) തസ്തികയില്‍ തെരഞ്ഞെടുപ്പിന്റെ ഭാഗമായ പൊതു പരീക്ഷ നവംബര്‍ എട്ട് രാവിലെ 7.30 മുതല്‍ 9.15 വരെ ജില്ലയിലെ വിവിധ കേന്ദ്രങ്ങളില്‍ നടക്കും.

പ്രവേശന ടിക്കറ്റ് keralapsc.gov.in ല്‍ ലഭിക്കും. ഉദ്യോഗാര്‍ഥികള്‍ പ്രവേശന ടിക്കറ്റ് പ്രൊഫൈലില്‍ നിന്നും യുസര്‍ ഐ.ഡി.യും പാസ് വേഡും ഉപയോഗിച്ച് ഡൗണ്‍ലോഡ് ചെയ്യണം.  

മലമ്പുഴ ഗവ.ഹയര്‍ സെക്കന്‍ഡറി സ്‌കൂളിലെ ഹയര്‍ സെക്കന്‍ഡറി വിഭാഗത്തില്‍ ഫിസിക്‌സ് എച്ച്.എസ്.എസ്.ടി(ജൂനിയര്‍)ന്റെ ഒഴിവുണ്ട്. ദിവസവേതനാടിസ്ഥാനത്തില്‍ നിയമിക്കപ്പെടാന്‍

താത്പര്യമുള്ള നിശ്ചിത യോഗ്യതയുള്ളവര്‍ നവംബര്‍ ഒമ്പതിന് രാവിലെ 10ന് അസ്സല്‍ സര്‍ട്ടിഫിക്കറ്റുകള്‍ സഹിതം ഹയര്‍ സെക്കന്‍ഡറി ഓഫീസില്‍ എത്തണമെന്ന് പ്രിന്‍സിപ്പല്‍ അറിയിച്ചു. 
 

കൈത്തറി പ്രചാരണത്തിന്റെ ഭാഗമായി പാലക്കാട് ജില്ലാ വ്യവസായ കേന്ദ്രം വിദ്യാര്‍ഥികള്‍ക്കായി നടത്തിയ പെയിന്റിങ് മത്സരത്തിലെ വിജയികളെ പ്രഖ്യാപിച്ചു. വിഭാഗം പേര്, സ്‌കൂള്‍ ക്രമത്തില്‍ ആദ്യ മൂന്ന് സ്ഥാനക്കാരുടെ വിവരങ്ങള്‍ താഴെ കൊടുക്കുന്നു.

എല്‍.പി.വിഭാഗം : വി.ആര്യ, സെന്റ് റാഫേല്‍ കത്തീഡ്രല്‍ സ്‌കൂള്‍, പാലക്കാട്. എസ്.അഷ്‌ന, ജി.വി.എല്‍.പി.എസ്. ചിറ്റൂര്‍.  ഇ.അമല്‍കൃഷ്ണ, സ്വാതി സെന്‍ട്രല്‍ സ്‌കൂള്‍, വാണിയംകുളം.
യു.പി.വിഭാഗം : വി.വരദപ്രിയ,ശബരി സെന്‍ട്രല്‍ സ്‌കൂള്‍ ,ചെര്‍പ്പളശ്ശേരി. യു.ഹസീബ, ബി.എസ്.എസ്.ഗുരുകുലം,ആലത്തൂര്‍. എച്ച്.ധനേഷ്, എസ്.എന്‍.പി.എസ്. കൊല്ലങ്കോട്.

മസ്തിഷ്‌ക ഭിന്നശേഷിയുള്ളവര്‍ക്ക് നാഷനല്‍ ട്രസ്റ്റ് ആക്റ്റ് അനുശാസിക്കുന്ന അവകാശം ഉറപ്പാക്കുന്നതിന് ജില്ലാ കലക്ടര്‍ അധ്യക്ഷയായ ജില്ലാതല ലോക്കല്‍ ലെവല്‍കമ്മിറ്റി യോഗം  ജില്ലാ കലക്ടറുടെ ചേംബറില്‍ ഇന്ന് (നവംബര്‍ ഏഴ് ) ഉച്ചയ്ക്ക് രണ്ടിന് ചേരും. നേരത്തെ അപേക്ഷ നല്‍കി സമിതിയുടെ ഗൃഹസന്ദര്‍ശനം പൂര്‍ത്തിയായവരുടെ അപേക്ഷകള്‍ മാത്രമാണ് പരിഗണിക്കുക.ഇവര്‍ക്ക് നേരത്തെ അറിയിപ്പ് നല്‍കിയിട്ടുണ്ട്.

പാലക്കാട് താലൂക്കിന് കീഴില്‍ വരുന്ന കുടിയേറ്റക്കാരേയും ലൈഫ്മിഷന്‍ പദ്ധതിയില്‍ ഉള്‍പ്പെടുത്തുവാന്‍ ആവശ്യമായ നടപടി സ്വീകരിക്കാന്‍ പെരുവെമ്പ് ഗ്രാമപഞ്ചായത്ത് വൈസ്പ്രസിഡന്റ് ബാബുവിന്റെ അധ്യക്ഷതയില്‍ ചേര്‍ന്ന പാലക്കാട് താലൂക്ക് വികസനസമിതി യോഗം തീരുമാനിച്ചു. ഇക്കാര്യം സര്‍ക്കാറിന്റെ ശ്രദ്ധയില്‍പ്പെടുത്താനും യോഗം തീരുമാനിച്ചു.

ശിശുദിനാഘോഷറാലിക്ക് നേതൃത്വം നല്‍കുന്ന കുട്ടികളുടെ പ്രധാനമന്ത്രിയായി പള്ളിക്കുറുപ്പ് ശബരി ഹയര്‍സെക്കന്‍ഡറി സ്‌കൂളിലെ നാലാം ക്ലാസ് വിദ്യാര്‍ഥി സാന്‍ജോ ബിനോയ്-യെ തിരഞ്ഞെടുത്തു. ജില്ലാ ശിശുക്ഷേമ സമിതി സംഘടിപ്പിച്ച 'വര്‍ണോത്സവം' ശിശുദിന കലോത്സവത്തില്‍ എഎല്‍.പി.വിഭാഗം പ്രസംഗ മത്സരത്തില്‍ ഒന്നാം സ്ഥാനം നേടിയാണ് സാന്‍ജോ കുട്ടികളുടെ പ്രധാനമന്ത്രിയായത്. 

ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ നവംബര്‍ 14ലെ ശിശുദിനാഘോഷങ്ങളുടെ മുന്നോടിയായി സംഘടിപ്പിച്ച 'വര്‍ണോത്സവം' കൊടുവായൂര്‍ അങ്കണവാടി  സെന്ററില്‍ നടന്നു. പ്രസംഗം, ക്വിസ്, നാടന്‍പാട്ട്, സംഘഗാനം, ലളിതഗാനം, ദേശഭക്തിഗാനം, ജലച്ഛായ ചിത്രരചന തുടങ്ങിയ ഇനങ്ങളിലായി ജില്ലയിലെ വിവിധ വിദ്യാലയങ്ങളില്‍ നിന്നായി നൂറു കണക്കിന് കുട്ടികള്‍ പങ്കെടുത്തു.

മൃഗസംരക്ഷണ  വകുപ്പിന്റെ ആഭിമുഖ്യത്തില്‍ മലമ്പുഴ മൃഗസംരക്ഷണപരിശീലന കേന്ദ്രത്തില്‍ നവംബര്‍ ഒന്‍പതിന്  ടര്‍ക്കി വളര്‍ത്തലില്‍ സൗജന്യ പരിശീലനം നടത്തും. താത്പര്യമുള്ളവര്‍ നേരിട്ടോ 0491 2815454 , 8281777080  നമ്പറുകളിലോ രജിസ്റ്റര്‍ ചെയ്യണം.

രജിസ്റ്റര്‍ ചെയ്തവര്‍ ആധാര്‍ നമ്പറുമായി രാവിലെ 10 -നകം പരിശീലനകേന്ദ്രത്തില്‍ എത്തണമെന്ന് അസിസ്റ്റന്റ് ഡയറക്ടര്‍ അറിയിച്ചു.

വൈദ്യുതി അപകടങ്ങള്‍ തടയുന്നതുമായി ബന്ധപ്പെട്ട സമിതി നവംബര്‍ 10ന് രാവിലെ 11.30ന് ജില്ലാ കലക്ടറുടെ ചേംബറില്‍ യോഗം ചേരും. ജില്ലയില്‍ വൈദ്യുതിയുമായി ബന്ധപ്പെട്ടുണ്ടായ അപകടങ്ങള്‍, സുരക്ഷാ ക്രമീകരണങ്ങള്‍ എന്നിവ യോഗം ചര്‍ച്ച ചെയ്യും.