നവംബര്‍ മാസത്തെ സ്യൂട്ട് കോണ്‍ഫറന്‍സ് 25ന് വൈകീട്ട് മൂന്നിനും അതിനു ശേഷം ജില്ലാ എംപവേര്‍ഡ് കമ്മറ്റി മീറ്റിംഗും കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും.

അന്താരാഷ്ട്ര മാധ്യമ ദിനാചരണ പരിപാടികളുടെ ഭാഗമായി നാളെ (നവംബര്‍ 17) വയനാട് പ്രസ് ക്ലബില്‍ പ്രഭാഷണം നടത്തും.  'മാധ്യമ നിഷ്പക്ഷതയുടെ കാണാപ്പുറങ്ങള്‍' എന്ന വിഷയത്തില്‍ രാവിലെ 10 ന് കേരള മീഡിയ അക്കാദമി ചെയര്‍മാന്‍ ആര്‍.എസ്. ബാബു മുഖ്യപ്രഭാഷണം നടത്തും.  വി.ജി.വിജയന്‍ സ്മാരക പ്രഭാഷണം ഒ.കെ.ജോണി  നടത്തും.

കൊച്ചി: സ്വതന്ത്രവും മൂലധനതാത്പര്യമില്ലാത്തതും ക്രൗഡ് ഫണ്ടിംഗ് വഴി പ്രവര്‍ത്തിക്കുന്നതുമായ നൂതന മാധ്യമ സംരംഭങ്ങളില്‍ പ്രതീക്ഷയര്‍പ്പിച്ച് ദേശീയ മാധ്യമദിനാചരണം. ദിനാചരണത്തിന്റെ ഭാഗമായി ജില്ല ഇന്‍ഫര്‍മേഷന്‍ ഓഫീസും തേവര സേക്രഡ് ഹാര്‍ട്ട് കോളേജിലെ എസ്എച്ച് കോളേജ് ഓഫ് കമ്മ്യൂണിക്കേഷനും സംയുക്തമായി വിലക്കുകളും വെല്ലുവിളികളും-മാധ്യമസ്വാതന്ത്രം ഇന്ന് എന്ന വിഷയത്തില്‍ സെമിനാര്‍ സംഘടിപ്പിച്ചു. മാധ്യമപ്രവര്‍ത്തകനും റിപ്പോര്‍ട്ടര്‍ ടിവി സീനിയര്‍ ന്യൂസ് എഡിറ്ററുമായ അഭിലാഷ് മോഹനന്‍ മുഖ്യപ്രഭാഷണം നടത്തി.

മദ്യ വര്‍ജ്ജനത്തിനായുള്ള സഹകരണ പ്രസ്ഥാനത്തിന് രൂപം നല്‍കേണ്ട സമയം അതിക്രമിച്ചതായി സി.കെ.ശശീന്ദ്രന്‍ എം.എല്‍.എ പറഞ്ഞു.  ലഹരി മുക്ത വിദ്യാലയങ്ങള്‍ ലക്ഷ്യമാക്കി ജില്ലാ ലീഗല്‍ സര്‍വീസസ് അതോറിറ്റി ആരംഭിച്ച യുവ രക്ഷ പദ്ധതിയുടെ ജില്ലാതല ഉദ്ഘാടനം മുട്ടില്‍ ഡബ്‌ള്യൂ എം.ഒ കോളജില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം.

ശബരിമല: ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ സന്നിധാനത്തെ മീഡിയ സെന്റര്‍ ദേവസ്വം മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. മണ്ഡല- മകരവിളക്കു കാലത്ത് സര്‍ക്കാര്‍ വകുപ്പുകള്‍ നടത്തുന്ന പ്രവര്‍ത്തനങ്ങളുടെ പ്രചാരണത്തിനും തീര്‍ഥാടകര്‍ക്ക് ആവശ്യമുള്ള വിവരവിനിമയത്തിനുമുള്ള പ്രവര്‍ത്തനങ്ങള്‍ മീഡിയ സെന്ററില്‍ നടക്കും.

ദേവസ്വം പ്രസിഡന്റ് എ.പത്മകുമാര്‍, ബോര്‍ഡ് അംഗങ്ങളായ കെ.രാഘവന്‍, കെ.പി.ശങ്കരദാസ്, ദേവസ്വം സെക്രട്ടറി കെ.ആര്‍ ജ്യോതിലാല്‍ തുടങ്ങിയവര്‍ ഉദ്ഘാടന ചടങ്ങില്‍ പങ്കെടുത്തു. മീഡിയ സെന്റര്‍ ഫോണ്‍-04735 202664. ഇമെയില്‍- ുൃറമെിിശറമിമാ2018@ഴാമശഹ.രീാ

ശബരിമല: മുന്‍ ചീഫ് സെക്രട്ടറി ആര്‍.രാമചന്ദ്രന്‍ നായര്‍ തുളസീവനം എന്ന തൂലികാ നാമത്തില്‍ രചിച്ച ഭക്തിരസ പ്രധാനമായ സംസ്‌കൃത കീര്‍ത്തനങ്ങള്‍ ആലാപിക്കുന്ന സംഗീത സദസ് സന്നിധാനം ഓഡിറ്റോറിയത്തില്‍ നടന്നു. ദേവസ്വം മന്ത്രി കടകം പള്ളി സുരേന്ദ്രന്‍ ഉദ്ഘാടനം ചെയ്തു. കഴിഞ്ഞ 45 വര്‍ഷമായി എല്ലാ വൃശ്ചികം ഒന്നിനും തുളസീവനം സംഗീത സദസ് സന്നിധാനത്ത് നടത്താറുണ്ട്.

ശബരിമല: തീര്‍ഥാടകര്‍ക്ക് മെച്ചപ്പെട്ട ചികിത്സാ സൗകര്യങ്ങള്‍ ഏര്‍പ്പെടുത്തുന്നതിനായി സന്നിധാനത്ത് നിര്‍മാണം പൂര്‍ത്തിയാക്കിയ ആശുപത്രി കെട്ടിടം ആരോഗ്യ മന്ത്രി കെ.കെ.ശൈലജ ടീച്ചര്‍ ഉദ്ഘാടനം ചെയ്തു. ദേവസ്വം മന്ത്രി കടകംപള്ളി സുരേന്ദ്രന്‍ അധ്യക്ഷത വഹിച്ചു. ദേശീയ ആരോഗ്യ ദൗത്യം ഫണ്ടില്‍ നിന്നുള്ള 5.43 കോടി രൂപ ചെലവിട്ടാണ്് മൂന്ന് നിലകളുള്ള കെട്ടിടത്തിന്റെ നിര്‍മാണം പൂര്‍ത്തിയാക്കിയത്. 1,692 സ്‌ക്വയര്‍ മീറ്റര്‍ വിസ്തീര്‍ണമുണ്ട്്. അടിയന്തര വൈദ്യസഹായം ഏര്‍പ്പെടുത്തുന്നതിനുള്ള സൗകര്യം ആശുപത്രിയില്‍ എപ്പോഴും ലഭ്യമായിരിക്കും.

മലപ്പുറം ജില്ലയില്‍ പത്ര പ്രവര്‍ത്തക പെന്‍ഷന്‍, പത്രപ്രവര്‍ത്തകേതര പെന്‍ഷന്‍,ആശ്രിത പെന്‍ഷന്‍ എന്നിവ കൈപ്പറ്റുന്നവര്‍ ഗസറ്റഡ് ഓഫിസര്‍ സാക്ഷ്യപ്പെടുത്തിയ ലൈഫ് സര്‍ട്ടിഫിക്കറ്റ് നവംബര്‍ 25 നകം ജില്ലാ ഇന്‍ഫര്‍മേഷന്‍ ഓഫിസില്‍ ഹാജരാക്കണം.

    സംസ്ഥാന വ്യവസായ വാണിജ്യ വകുപ്പിന്റെ കീഴില്‍ മഞ്ചേരി, പയ്യനാടുളള കോമണ്‍ ഫെസിലിറ്റി സര്‍വ്വീസ് സെന്ററില്‍ റബ്ബര്‍ പാലില്‍ നിന്നും ഡ്രൈ റബ്ബറില്‍ നിന്നും ഉല്‍പന്നങ്ങള്‍ നിര്‍മ്മിച്ച് റബ്ബറധിഷ്ഠിത വ്യവസായങ്ങള്‍ ആരംഭിക്കാന്‍ താല്‍പര്യമുളളവര്‍ക്കുവേണ്ടി നവംബര്‍ 16 മുതല്‍ 18 വരെ പ്രായോഗിക പരിശീലന പരിപാടി നടത്തുന്നു.
താല്‍പര്യമുളളവര്‍ക്ക്  നവംബര്‍ 15-ാം തിയ്യതി വൈകുന്നേരം അഞ്ച്  വരെ പേര് രജിസ്റ്റര്‍ ചെയ്യാം. വിവരങ്ങള്‍ക്ക് അസിസ്റ്റന്റ് ഡയറക്ടര്‍,കോമണ്‍ ഫെസിലിറ്റി സര്‍വ്വീസ്  സെന്റര്‍, പയ്യനാട് (പി.ഒ), മഞ്ചേരി, മലപ്പുറം വിലാസവുമായി ബന്ധപ്പെടുക. ഫോണ്‍ :0483 2768507