പാല കുടുംബകോടതി ജഡ്ജി മുരളി ഗോപാല്‍ പണ്ടാലയ്ക്ക് ഏറ്റുമാനൂര്‍ കുടുംബകോടതി ജഡ്ജിയുടെ പൂര്‍ണ അധിക ചുമതല നല്‍കി.

പി.എന്‍.എക്‌സ്.4865/17

ഏറ്റുമാനൂര്‍ കുടുംബ കോടതി ജഡ്ജി ഡി. സുരേഷ് കുമാറിനെ എറണാകുളം കുടുംബകോടതി ജഡ്ജിയായി സ്ഥലംമാറ്റി നിയമിച്ചു.

പി.എന്‍.എക്‌സ്.4864/17

ആഗസ്റ്റ് 2013 ല്‍ സെമസ്റ്റര്‍ സ്‌കീമില്‍ അഡ്മിഷനായതും ജൂലൈ 2017 ല്‍ നടന്ന അഖിലേന്ത്യാ ട്രേഡ് ടെസ്റ്റില്‍ സപ്ലിമെന്ററിയായി ഒന്ന് മുതല്‍ നാല് വരെയുള്ള സെമസ്റ്റര്‍ പരീക്ഷകള്‍ എഴുതിയതുമായ ട്രെയിനികളുടെ പരീക്ഷാ ഫലം www.det.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു.

പി.എന്‍.എക്‌സ്.4863/17

* ഡിസ്‌പെന്‍സറുകളുടെ ഉദ്ഘാടനം ഇന്ന് (നവംബര്‍ 16) ജലവിഭവമന്ത്രി നിര്‍വഹിക്കും

 ശബരിമല തീര്‍ത്ഥാടകര്‍ക്ക് ജലവിഭവ വകുപ്പിന്റെ കീഴിലുളള കേരള വാട്ടര്‍ അതോറിറ്റി ചൂടുവെളളവും തണുത്തവെളളവും സാധാരണ വെളളവും വിതരണം ചെയ്യുന്നതിന് 250 എല്‍.പി.എച്ച് ശേഷിയുളള 12 ഡിസ്‌പെന്‍സര്‍ യൂണിറ്റുകള്‍ പമ്പ മുതല്‍ സന്നിധാനം വരെ 12 സ്ഥലങ്ങളില്‍ സ്ഥാപിച്ചു.  ഡിസ്‌പെന്‍സറികളുടെ  ഉദ്ഘാടനം ജലവിഭവ വകുപ്പുമന്ത്രി മാത്യു ടി. തോമസ് ഇന്ന്  (നവംബര്‍ 16) വൈകുന്നേരം 3.30ന് പമ്പയില്‍  വാട്ടര്‍ അതോറിറ്റി ഓഫീസ് പരിസരത്ത് നിര്‍വഹിക്കും.  ചടങ്ങില്‍ രാജു എബ്രഹാം എം.എല്‍.എ അധ്യക്ഷത വഹിക്കും.  ആന്റോ ആന്റണി എം.പി പങ്കെടുക്കും.

സംസ്ഥാനത്തെ ആദിവാസി ഊരുകള്‍ കേന്ദ്രമാക്കി സംസ്ഥാന യുവജന കമ്മീഷന്‍ സംഘടിപ്പിക്കുന്ന പി.എസ്.സി പരീക്ഷാ പരിശീലന ക്ലാസ്സിന്റെ ഉദ്ഘാടനം വെറ്റിലപ്പാറ ഹയര്‍സെക്കണ്ടറി സ്‌കൂളില്‍ യുവജനകമ്മീഷന്‍ ചെയര്‍പേഴ്‌സണ്‍ ചിന്ത ജെറോം നിര്‍വഹിച്ചു. സംസ്ഥാനത്ത് ആദ്യമായാണ് ആദിവാസി ഊരുകള്‍ കേന്ദ്രീകരിച്ച് യുവജന കമ്മീഷന്‍ പി.എസ്.സി പരീക്ഷാ പദ്ധതി നടപ്പാക്കുന്നത്. തൃശൂര്‍ ജില്ലയിലെ അതിരപ്പിളളി ഗ്രാമപഞ്ചായത്തിലെ പതിമൂന്ന് ആദിവാസി കോളനികളിലെ യുവതീയുവാക്കള്‍ക്കായി വാഴച്ചാല്‍, മലക്കപ്പാറ പ്രദേശങ്ങളിലെ സ്‌കൂളുകള്‍ കേന്ദ്രീകരിച്ചാണ് പരിശീലന ക്ലാസ്സുകള്‍ നല്‍കുക.

എല്‍.ഐ.സി.ഓഫ് ഇന്ത്യ സര്‍ക്കാര്‍ സഹകരണത്തോടെ കയര്‍ തൊഴിലാളി ക്ഷേമനിധി അംഗങ്ങള്‍ക്കായി നടപ്പിലാക്കിയിട്ടുള്ള ആം ആദ്മി ബീമായോജന ഇന്‍ഷുറന്‍സ് പദ്ധതിയില്‍ അംഗങ്ങളായിട്ടുള്ള തൊഴിലാളികള്‍ സ്വന്തം ആധാറും, ബാങ്ക് അക്കൗണ്ടും, പോളിസിയുമായി ബന്ധപ്പിക്കേണ്ടതാണ്.

കയര്‍ തൊഴിലാളി ക്ഷേമനിധി ബോര്‍ഡുവഴി ആബി ഇന്‍ഷുറന്‍സ് അംഗങ്ങളായവര്‍, ഇന്‍ഷുറന്‍സ് അംഗത്വകാര്‍ഡും, ബാങ്ക്പാസ്സ്ബുക്കും, ആധാറും, അക്ഷയ/ കുടുബശ്രീ/ജനസേവനകേന്ദ്രങ്ങള്‍വഴി 5 രൂപ സര്‍വ്വീസ് ചാര്‍ജ്ജ് നല്‍കി  ബന്ധിപ്പിക്കണമെന്ന് ക്ഷേമനിധി ഓഫീസര്‍ അറിയിച്ചു.
 

കുടുംബശ്രീയും ഹെല്‍ത്ത് ആക്ഷന്‍ ബൈ പീപ്പിള്‍ (ഹാപ്പ്) ഉം നടത്തുന്ന സാന്ത്വനം പദ്ധതിയുടെ കിറ്റ് വിതരണ സംസ്ഥാനതല ഉദ്ഘാടനം തൃശൂര്‍ ജില്ലാ പഞ്ചായത്ത് പ്രസിഡണ്ട് ഷീല വിജയകുമാര്‍ നിര്‍വഹിച്ചു. കുടുംബശ്രീ ജില്ലാ മിഷന്‍ കോ-ഓഡിനേറ്റര്‍ കെ.വി.ജ്യോതിഷ് കുമാര്‍ അദ്ധ്യക്ഷത വഹിച്ചു.

ഹാപ്പ് ഡയറക്ടര്‍ ഡോ.വിജയ്കുമാര്‍ പദ്ധതി വിശദീകരിച്ചു. കുടുംബശ്രീ അസിസ്റ്റന്റ് കോ-ഓര്‍ഡിനേറ്റര്‍ കെ.രാധകൃഷ്ണന്‍ സ്വാഗതവും ജില്ലാ പ്രോഗ്രാം മാനേജര്‍ ആദര്‍ശ് പി ദയാല്‍ നന്ദിയും പറഞ്ഞു.
 
 

തൃശൂര്‍ പ്രസ് ക്ലബ് ഹാള്‍ : ദേശീയ മാധ്യമദിനം-മാധ്യമങ്ങളും ഭരണനിര്‍വ്വഹണവും സെമിനാര്‍, ഉദ്ഘാടനം : മേയര്‍ അജിത ജയരാജന്‍, രാവിലെ 11 മണി.

സി-ഡിറ്റ് നടത്തുന്ന മാറ്റ്‌ലാബ് പരിശീലനത്തിന് അപേക്ഷ ക്ഷണിച്ചു. 20 നും 26 നും മദ്ധ്യേ പ്രായമുളള പട്ടികജാതി വിഭാഗത്തില്‍പ്പെട്ടവര്‍ക്ക് അപേക്ഷിക്കാം. നാലു മാസത്തെ പരിശീലനത്തിന് ഇലക്‌ട്രോണിക്‌സ്, ഇലക്ട്രിക്കല്‍, കമ്പ്യൂട്ടര്‍ സയന്‍സ്, ഐ.ടി, അപ്ലൈഡ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം / എം.സി.എ പാസ്സായവര്‍/ കോഴ്‌സ് പൂര്‍ത്തീകരിച്ചവര്‍ക്കും  ബി.എസ്.സി (കമ്പ്യൂട്ടര്‍ സയന്‍സ്/ഇലക്‌ട്രേണിക്‌സ്) പാസ്സായവര്‍ക്കും അപേക്ഷിക്കാം.