കുടുംബശ്രീ എന്‍.ആര്‍.എല്‍.എം ആദിവാസി വികസന പദ്ധതിയുടെ ഭാഗമായി നിലമ്പൂര്‍ നഗരസഭയിലും അമരമ്പലം, ചുങ്കത്തറ, കരുളായി, മുത്തേടം, എടക്കര, പോത്തുകല്‍, വഴിക്കടവ്, ചാലിയാര്‍, കരുവാരക്കുണ്ട്, താഴേക്കോട്, എടവണ്ണ ഗ്രാമ പഞ്ചായത്തുകളിലും നടപ്പിലാക്കുന്ന പദ്ധതിയിലെ വിവിധ ഒഴിവിലേക്കായി അപേക്ഷ ക്ഷണിച്ചു.

    ഭക്ഷ്യ സുരക്ഷാ കമ്മീഷന്റെ നിര്‍ദ്ദേശ പ്രകാരം ജില്ലയിലെ ഹോസ്പിറ്റല്‍ കാന്റീനുകള്‍, കോളേജ് മെസ്സുകള്‍, ഓഫീസ് കാന്റീനുകള്‍ തുടങ്ങി 97 സ്ഥാപനങ്ങള്‍ പരിശോധന നടത്തി.  ശുചിത്വ മാനദണ്ഡങ്ങള്‍ പാലിക്കുന്നതിനും എഫ്.എസ്.എസ്.എ ലൈസന്‍സ് എടുക്കുന്നതിനും കര്‍ശന നിര്‍ദ്ദേശം നല്‍കി.  13000 രൂപ പിഴ ചുമത്തി.  പരിശോധനയില്‍ ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണര്‍, വിവിധ സര്‍ക്കിളുകളിലുള്ള ഭക്ഷ്യ സുരക്ഷാ ഓഫീസര്‍മാര്‍ എന്നിവര്‍ പങ്കെടുത്തു.  ഫോണ്‍ 0483 2732121.

    തദ്ദേശ സ്വയംഭരണ സ്ഥാപനങ്ങളുടെ 2017-18 ലെ പദ്ധതി ഭേദഗതികള്‍ക്ക് അംഗീകാരം നല്‍കുന്നതിന് ജില്ലാ ആസൂത്രണ സമിതി യോഗം നവംബര്‍ ഏഴിന് വൈകീട്ട് 3.30ന് ജില്ലാ പഞ്ചായത്ത് സമ്മേളന ഹാളില്‍ ചേരും.

    തയ്യല്‍ തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ കൈപ്പറ്റുന്നവരില്‍ ഇനിയും ആധാര്‍ ഹാജരാക്കാത്തവര്‍ തുടര്‍ന്ന് പെന്‍ഷന്‍ ലഭിക്കുന്നതിന് ആധാര്‍ ഹാജരാക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

    എംപ്ലോയ്‌മെന്റ് എക്‌സ്‌ചേഞ്ച് മുഖേന പാര്‍ട്ട് ടൈം സ്വീപ്പര്‍മാരുടെ നിയമനത്തിനായി കലക്‌ട്രേറ്റില്‍ ആഗസ്റ്റ് 22, 25 തിയ്യതികളില്‍ നടന്ന അഭിമുഖത്തില്‍ പങ്കെടുത്തവരുടെ മാര്‍ക്ക് ലിസ്റ്റ് കലക്‌ട്രേറ്റിലെ നോട്ടീസ് ബോര്‍ഡില്‍ പ്രസിദ്ധീകരിച്ചിട്ടുണ്ട്.

    സംസ്ഥാന യുവജനക്ഷേമ ബോര്‍ഡും ജില്ലാ പഞ്ചായത്തും സംയുക്തമായി എടവണ്ണയില്‍ സംഘടിപ്പിക്കുന്ന ജില്ലാ കേരളോത്സവത്തിലെ മത്സര ഇനങ്ങളായ വായ്പാട്ട്, മണിപ്പൂരി, കഥക്, ഒഡീസി, സിത്താര്‍, ഫ്‌ളൂട്ട്, വീണ, ഹാര്‍മോണിയം (ലൈറ്റ്), ഗിറ്റാര്‍ തുടങ്ങിയ മത്സരങ്ങള്‍ക്ക് അപേക്ഷ ക്ഷണിച്ചു.  താല്‍പര്യമുള്ളവര്‍ നവംബര്‍ 15ന് വൈകുന്നേരം അഞ്ചിനകം ജില്ലാ പഞ്ചായത്തില്‍ അപേക്ഷ നല്‍കണം. ഫോണ്‍ 0483 2734933.

പ്രവാസി ചിട്ടികളുടെ സവിശേഷതകള്‍ നാട്ടില്‍ പ്രചരിപ്പിക്കുന്നതിന്റെ ഭാഗമായി കെ.എസ്.എഫ് പ്രവാസി ബന്ധു സംഗമങ്ങള്‍ നടത്തും. പ്രവാസി സംഘടനുകളുടെ സഹകരണത്തോടെയാണ് പരിപാടി നടത്തുക. ഇതിന്റെ ഭാഗമായി ജില്ലയിലെ ആദ്യ സംഗമം  ഇന്ന് (നവംബര്‍ 5) രാവിലെ 11 മണിക്ക് മഞ്ചേരി ടൗണ്‍ ഹാളില്‍ നടക്കും. തദ്ദേശ സ്വയം ഭരണവകുപ്പ് മന്ത്രി ഡോ. കെ.ടി. ജലീല്‍ ഉദ്ഘാടനം ചെയ്യും. അഡ്വ. എം.ഉമ്മര്‍ എം.എല്‍.എ അധ്യക്ഷത വഹിക്കും. എല്ലാ നിയോജക മണ്ഡലങ്ങളിലും സംഗമങ്ങള്‍ നടത്താനാണ് കെ.എസ്.എഫ്. ഇ പദ്ധതിയിട്ടിരിക്കുന്നത്.

    എം.ആര്‍. വാക്‌സിനേഷന്‍ ഉള്‍പ്പെടെയുള്ള രോഗ പ്രതിരോധ കുത്തിവെപ്പുകള്‍ ജില്ലയില്‍ പരിപ്പൂര്‍ണ്ണ വിജയമാക്കുന്നതിന് പ്രത്യേക പരിഗണ നല്‍കുമെന്ന് നാഷണല്‍ ഹെല്‍ത്ത് മിഷന്‍ (എന്‍.എച്ച്.എം) സ്റ്റേറ്റ് മിഷന്‍ ഡയറക്ടര്‍ കേശവേന്ദ്രകുമാര്‍ പറഞ്ഞു.  എം.ആര്‍. വാക്‌സിനേഷന്‍ ഉള്‍പ്പെടെയുള്ള രോഗ പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിന് ജില്ലയില്‍ എത്തിയതായിരുന്നു അദ്ദേഹം.
    സാമൂഹിക മാധ്യമങ്ങളിലൂടെ എം.ആര്‍. വാക്‌സിനേഷനെതിരെ പ്രചാരണം നടത്തിയ മൂന്ന് പേര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട് സംസ്ഥാന പൊലീസ് മേധാവിക്ക് പരാതി നല്‍കിയതായി അദ്ദേഹം പറഞ്ഞു.