'ചുദാന്‍ സുഗി...മിഡില്‍ ലെവല്‍ പഞ്ച്, ജോദന്‍ സുഗി...ഫേസ് ലെവല്‍ പഞ്ച്...'എല്ലാ ഞായറാഴ്ചകളിലും മട്ടന്നൂര്‍ നഗരസഭ സി ഡി എസ് ഹാളില്‍ നിന്നും ഇത് കേള്‍ക്കാം. കരാട്ടെയുടെ കരുത്തില്‍ സ്വയം പ്രതിരോധം തീര്‍ക്കാന്‍ ഒരുങ്ങുകയാണ് 21 വനിതകള്‍ ഇവിടെ. കുടുംബശ്രീയുടെ ധീരം പദ്ധതിയിലൂടെ.

സ്വാതന്ത്ര്യ ദിനാഘോഷത്തിന്റെ മുന്നോടിയായി  ആഗസ്റ്റ് 10 മുതല്‍ 12 വരെ ഉച്ചക്ക് 2.30 ന് റിഹേഴ്‌സല്‍ പരേഡും 13ന് രാവിലെ 7.30ന് സ്വാതന്ത്ര്യദിനാഘോഷ ഫൈനല്‍ റിഹേഴ്‌സല്‍ പരേഡും  15ന് സെറിമോണിയല്‍ പരേഡും കണ്ണൂര്‍ പൊലീസ് മൈതാനിയില്‍ നടത്തും. മേല്‍ പരിപാടിയില്‍ പങ്കെടുക്കേണ്ട മുഴുവന്‍ കേഡറ്റുകള്‍ക്കും/വിദ്യാര്‍ഥികള്‍ക്കും അവധി ദിവസം ഉള്‍പ്പെടെ ബസ് കണ്‍സഷന്‍ അനുവദിക്കണം.  വീഴ്ച വരുത്തുന്ന ബസ് ജീവനക്കാര്‍ക്കെതിരെ കര്‍ശന നിയമനടപടി സ്വീകരിക്കുമെന്ന് റീജ്യണല്‍ ട്രാന്‍സ്‌പോര്‍ട്ട് ഓഫീസര്‍ അറിയിച്ചു.

മാലിന്യ മുക്തം നവകേളം എന്ന ലക്ഷ്യം നിറവേറ്റുന്നതിന്റെ ഭാഗമായി ശുചിത്വ മാലിന്യ സംസ്‌കരണ പ്രൊജക്ടുകള്‍ ഉള്‍പ്പെടത്തി പരിഷ്‌കരിച്ച തദ്ദേശ സ്വയംഭരണ സ്ഥാപനങ്ങളുടെ 2023-24 വാര്‍ഷിക പദ്ധതി ഭേദഗതി അംഗീകാരവുമായി ബന്ധപ്പെട്ട ജില്ലാ ആസൂത്രണ സമിതി യേഗം ആഗസ്റ്റ് ഒമ്പതിന് ഉച്ചക്ക് 2.30ന് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ ചേരും.

 ശുചിത്വവും ഖരമാലിന്യ സംസ്‌കരണവും കൂടുതൽ ഫലപ്രദമായി ജില്ലയിൽ നടപ്പിലാക്കാൻ എല്ലാ സർക്കാർ വകുപ്പുകളും സ്വന്തം ഉത്തരവാദിത്തങ്ങൾ നിറവേറ്റണമെന്ന് ജില്ലാ കലക്ടർ എസ് ചന്ദ്രശേഖർ പറഞ്ഞു. മാലിന്യ സംസ്‌കരണം തദ്ദേശ സ്ഥാപനങ്ങളുടെ മാത്രം ഉത്തരവാദിത്തമല്ല. ഖരമാലിന്യ സംസ്‌കരണം നടപ്പിലാക്കുന്നതിനായി ഡിപിസി ഹാളിൽ ചേർന്ന വകുപ്പ് മേധാവികളുടെ യോഗത്തിൽ സംസാരിക്കുകയായിരുന്നു കലക്ടർ.

അഞ്ച് വയസ്സുവരെയുള്ള കുട്ടികളില്‍ വാക്സിന്‍ എടുക്കാത്തതോ ഭാഗികമായി എടുത്തിട്ടുള്ളതോ ആയവരെ പൂര്‍ണ വാക്സിനേഷനിലേക്ക് എത്തിക്കുന്നതിനായി നടപ്പാക്കുന്ന മിഷന്‍ ഇന്ദ്രധനുഷ് സമ്പൂര്‍ണ വാക്‌സിനേഷന്‍ തീവ്രയജ്ഞം 5.0  പരിപാടിയുടെ ജില്ലാതല ഉദ്ഘാടനം ജില്ലാ ആശുപത്രിയില്‍

പ്രകൃതിദത്ത നിറങ്ങളുമായി 'നാച്വറൽ സ്‌കിൻ കെയർ' ഖാദി വസ്ത്രങ്ങൾ പയ്യന്നൂർ ഖാദി കേന്ദ്രം ഓണക്കാലത്ത് വിപണിയിലെത്തിക്കുകയാണെന്ന് കേരള ഖാദി ഗ്രാമ വ്യവസായ ബോർഡ് വൈസ് ചെയർമാൻ പി ജയരാജൻ അറിയിച്ചു. ഇതിന്റെ വിൽപന ഉദ്ഘാടനം കണ്ണൂർ ഖാദി ഗ്രാമസൗഭാഗ്യയിൽ അദ്ദേഹം നിർവഹിച്ചു. ഖാദി തുണിത്തരങ്ങളിൽ ആദ്യമായി ആയുർവേദ സസ്യങ്ങൾ, പഴങ്ങൾ, മറ്റ് പ്രകൃതി ദത്ത സ്രോതസ്സുകൾ എന്നിവയിൽ നിന്നും വേർതിരിച്ചെടുക്കുന്ന ചായം ഉപയോഗിച്ചു കൊണ്ട് തീർത്തും പരിസ്ഥിതി സൗഹൃദമായ ഖാദി ഉത്പന്നങ്ങളാണ് നിർമ്മിച്ചത്. 'നാച്വറൽ സ്‌കിൻ കെയർ' ഖാദിയിൽ സ്ത്രീകൾക്കു പുരുഷൻമാർക്കും കുട്ടികൾക്കുമുള്ള കുർത്തകളാണ് വിപണിയിലിറക്കിയത്.

കോട്ടയം: ഇതരസംസ്ഥാന തൊഴിലാളികളുമായി ബന്ധപ്പെട്ട വിവരങ്ങൾ അതിഥി പോർട്ടലിൽ രജിസ്റ്റർ ചെയ്യാം. ജില്ലയിലെ ഏഴ് അസിസ്റ്റന്റ് ലേബർ ഓഫീസുകളിലും ചങ്ങനാശേരി പായിപ്പാട് പ്രവർത്തിക്കുന്ന ഫെസിലിറ്റേഷൻ സെന്ററിലും അതിഥി തൊഴിലാളി രജിസ്‌ട്രേഷൻ ആരംഭിച്ചിട്ടുണ്ട്. കരാറുകാർ, തൊഴിലുടമകൾ, ഇതര സംസ്ഥാന തൊഴിലാളികൾ എന്നിവർക്ക് സ്വന്തമായും athidhi.lc.kerala.gov.in എന്ന പോർട്ടലിൽ രജിസ്റ്റർ ചെയ്യാം. ഹെൽപ് ഡസ്‌ക് ഫോൺ നമ്പറുകൾ ചുവടെ

കോട്ടയം: ജില്ലയിൽ എക്‌സൈസ് ഡ്രൈവർ തസ്തികയിലേക്ക്്് (കാറ്റഗറി നമ്പർ: 405/2021) കേരള പബ്ലിക് സർവീസ് കമ്മിഷൻ നടത്തുന്ന തെരഞ്ഞെടുപ്പിന്റെ ഭാഗമായി നടന്ന ശാരീരിക അളവെടുപ്പിൽ യോഗ്യത നേടാതെ അപ്പീൽ നൽകി പ്രായോഗിക പരീക്ഷയിൽ പങ്കെടുത്ത് വിജയിച്ച ഉദ്യോഗാർത്ഥികൾക്കായുള്ള  ശാരീരിക പുനരളവെടുപ്പ് ഓഗസ്റ്റ് 10ന് ഉച്ചകഴിഞ്ഞ് രണ്ടുമണി മുതൽ പി.എസ്.സി. ആസ്ഥാനത്ത് നടക്കും. ഉദ്യോഗാർത്ഥികൾ ഉച്ചയ്ക്ക് 12 മണിക്ക് ബന്ധപ്പെട്ട രേഖകൾ സഹിതം ഹാജരാകണം. വിശദാംശങ്ങൾക്കായി പ്രൊഫൈൽ പരിശോധിക്കുക.

കോട്ടയം: മത്സ്യത്തൊഴിലാളി ക്ഷേമനിധി ബോർഡ് മുഖേന മത്സ്യത്തൊഴിലാളികൾക്കും അനുബന്ധത്തൊഴിലാളികൾക്കും വിതരണം ചെയ്യുന്ന ആനുകൂല്യങ്ങൾ സമയബന്ധിതമായി വിതരണം ചെയ്യുകയെന്ന ലക്ഷ്യത്തോടെ മത്സ്യഗ്രാമങ്ങൾ കേന്ദ്രീകരിച്ച് ഓഗസ്റ്റ് 15 മുതൽ 30വരെ അംശാദായ സമാഹരണ പരിപാടി നടത്തുന്നു. മത്സ്യത്തൊഴിലാളികൾ, അനുബന്ധത്തൊഴിലാളികൾ, മത്സ്യബന്ധന യാനം ഉടമകൾ, മത്സ്യബന്ധന ഉപകരണങ്ങളുടെ ഉടമകൾ തുടങ്ങിയവർ ക്ഷേമനിധി ബോർഡിലേക്ക് അടയ്ക്കാനുള്ള അംശദായ തുക കുടിശി ക   സഹിതം അടയ്ക്കണം.

കോട്ടയം: ദേശീയ കൈത്തറിദിനമായ ഇന്നലെ(ഓഗസ്റ്റ് 7) ജില്ലാ വ്യവസായകേന്ദ്രത്തിന്റെ ആഭിമുഖ്യത്തിൽ കൈത്തറി ദിനാഘോഷവും മുതിർന്ന തൊഴിലാളികളെ ആദരിക്കലും സംഘടിപ്പിച്ചു. മറവൻതുരുത്ത് എസ്.എം.കെ.പി സമാജം ഹാളിൽ നടന്ന പരിപാടി ജില്ലാ വ്യവസായകേന്ദ്രം ജനറൽ മാനേജർ എം. വി. ലൗലി  ഉദ്ഘാടനം ചെയ്തു. ജില്ലാ വ്യവസായ കേന്ദ്രം മാനേജർ കെ.എസ് അജിമോൻ അധ്യക്ഷനായിരുന്നു. ഡെപ്യൂട്ടി രജിസ്ട്രാർ ആർ. റഹ്‌മത്ത്, ഉപജില്ലാ വ്യവസായ ഓഫീസർ സി.ഡി സ്വരാജ്, ജൂനിയർ കോ -ഓപ്പറേറ്റീവ് ഇൻസ്പെക്ടർ ടി. എ സൗമ്യ എന്നിവർ പ്രസംഗിച്ചു.