എക്‌സൈസ് വകുപ്പില്‍ ഡ്രൈവര്‍ (കാറ്റഗറി നമ്പര്‍ 405/2021) തസ്തികയുടെ തിരഞ്ഞെടുപ്പിന്റെ ഭാഗമായി നടന്ന ശാരീരിക അളവെടുപ്പില്‍ യോഗ്യത നേടാതെ അപ്പീല്‍ നല്‍കി പ്രായോഗിക പരീക്ഷയില്‍ പങ്കെടുത്ത് വിജയിച്ചവര്‍ക്കുള്ള ശാരീരിക പുനരളവെടുപ്പ് ഓഗസ്റ്റ് 10ന് ഉച്ചയ്ക്ക് രണ്ടുമുതല്‍ തിരുവനന്തപുരത്തെ പട്ടം പി എസ് സി കമ്മീഷന്‍ ആസ്ഥാനത്ത് നടത്തും. അന്നേദിവസം ഉച്ചയ്ക്ക് 12ന് ബന്ധപ്പെട്ട പ്രമാണങ്ങളും പ്രൊഫൈലില്‍ നിന്നും ഡൗണ്‍ലോഡ് ചെയ്ത പഴയ പ്രവേശന ടിക്കറ്റും സഹിതം ഹാജരാകണം. ഫോണ്‍ 0474 2743624.

കടയ്ക്കല്‍ താലൂക്ക് ആശുപത്രിയുടെ ആഭിമുഖ്യത്തില്‍ ശുചിത്വകേരളമെന്ന വിഷയത്തില്‍ കടയ്ക്കല്‍ ബസ് സ്റ്റാന്‍ഡില്‍ ഫ്‌ളാഷ്‌മോബ് സംഘടിപ്പിച്ചു. പൊതുജനാരോഗ്യം മുന്‍നിര്‍ത്തി മാലിന്യം വലിച്ചെറിയല്‍, ഇ- വേസ്റ്റ് മാനേജ്‌മെന്റ്, വ്യക്തിശുചിത്വം തുടങ്ങിയവയെക്കുറിച്ച് അവബോധം നല്‍കുകയാണ് ലക്ഷ്യം. പാരിപ്പളളി മെഡിക്കല്‍ കോളജിലെ ഹൗസ് സര്‍ജ•ാര്‍ നേതൃത്വം നല്‍കി.

തൊഴിലുറപ്പ് പദ്ധതിയില്‍ 100 തൊഴില്‍ദിനങ്ങള്‍ പൂര്‍ത്തിയാക്കിയവരുടെ കുടുംബാംഗങ്ങള്‍ക്കായി കുടുംബശ്രീയും തൊഴിലുറപ്പ് മിഷനും കൊട്ടാരക്കര ബ്ലോക്ക് പഞ്ചായത്തും സംയുക്തമായി ഉന്നതി തൊഴില്‍ പരിശീലന പരിപാടി സംഘടിപ്പിച്ചു. സ്വരാജ് പുരസ്‌കാര ഓഡിറ്റോറിയത്തില്‍ ബ്ലോക്ക് പഞ്ചായത്ത് പ്രസിഡന്റ് എ അഭിലാഷ് ഉദ്ഘാടനം ചെയ്തു.

കൊട്ടാരക്കര ബ്ലോക്ക് പഞ്ചായത്ത് സ്ഥിരംസമിതി അധ്യക്ഷന്‍ എം തങ്കപ്പന്‍ അധ്യക്ഷനായി. ബ്ലോക്ക് പഞ്ചായത്ത് അംഗം എം ശിവപ്രസാദ്, ജോയിന്റ് ബി ഡി ഒ ബിനു വി നായര്‍, കുടുംബശ്രീ ബ്ലോക്ക് കോ-ഓര്‍ഡിനേറ്റര്‍ എ എസ് പാര്‍വതി, സെക്രട്ടറി ആര്‍ ദിനില്‍ എന്നിവര്‍

കൊട്ടാരക്കര നഗരസഭാ സ്‌പോര്‍ട്‌സ് കൗണ്‍സിലിന്റെ നേതൃത്വത്തില്‍ നഗരസഭാ പരിധിയില്‍പ്പെട്ടവര്‍ക്കായി ഫുട്ബോള്‍, ക്രിക്കറ്റ്, ബോള്‍ ബാഡ്മിന്റണ്‍, വോളിബോള്‍ ഇനങ്ങളിലും, മറ്റ് കായിക ഇനങ്ങളിലും ടീമുകള്‍ സജ്ജമാക്കുന്നു. ജൂനിയര്‍, സബ് ജൂനിയര്‍, സീനിയര്‍- പുരുഷ, വനിത ടീമുകളെയുമാണ് തയ്യാറാക്കുന്നത്.

കൊല്ലം ആര്‍ ഐ സെന്ററിന്റെ ആഭിമുഖ്യത്തില്‍ ഓഗസ്റ്റ് 14ന് പ്രധാനമന്ത്രി നാഷണല്‍ അപ്രന്റീസ്ഷിപ്പ് മേള ചന്ദനത്തോപ്പ് സര്‍ക്കാര്‍ ഐ ടി ഐ ഓഡിറ്റോറിയത്തില്‍ നടത്തുന്നു. ജില്ലയിലെ സര്‍ക്കാര്‍- സഹകരണ- സ്വകാര്യ മേഖലയിലുള്ള വാണിജ്യ- വ്യവസായ സ്ഥാപനങ്ങളിലെ വിവിധ അപ്രന്റീസ് ഒഴിവിലേക്ക് ഐ ടി ഐ വിജയിച്ച ട്രെയിനികളെ അഭിമുഖത്തിലൂടെ തിരഞ്ഞെടുക്കും. വിവരങ്ങള്‍ക്ക് kollamricentre@gmail.com, kollamricentre@yahoo.com ഫോണ്‍: 0474 2713332.

തേവലക്കര സര്‍ക്കാര്‍ ഐ ടി ഐയില്‍ 2023 അധ്യയനവര്‍ഷത്തെ പ്രവേശനത്തിനുള്ള റാങ്ക് പട്ടിക ജാലകം പോര്‍ട്ടലിലും ഐ ടി ഐ നോട്ടീസ് ബോര്‍ഡിലും പരിശോധിക്കാം. പ്രത്യേക വിഭാഗത്തിന് പ്രവേശനം ഇന്ന് (ഓഗസ്റ്റ് എട്ട്) രാവിലെ 11 നും വനിതകള്‍ക്കുള്ള മെട്രിക് -നോണ്‍ മെട്രിക് പ്രവേശനം ഓഗസ്റ്റ് ഒമ്പതിന് രാവിലെ 10 മുതല്‍ നടത്തും. ഫോണ്‍: 0476 2835221.

സംസ്ഥാനത്തെ കൈത്തറി മേഖലയുടെ സമഗ്ര പുരോഗതി ലക്ഷ്യംവച്ചുള്ള കർമ പദ്ധതി നടപ്പാക്കുമെന്നു വ്യവസായ മന്ത്രി പി. രാജീവ്. കൈത്തറി മേഖലയെക്കുറിച്ചു സമഗ്രമായി പഠിച്ചു റിപ്പോർട്ട് സമർപ്പിക്കാൻ നിയോഗിച്ച വിദഗ്ധ സമിതി ഉടൻ റിപ്പോർട്ട് സമർപ്പിക്കുമെന്നും ഇതിന്മേൽ ഈ മേഖലയുമായി ബന്ധപ്പെട്ടവരുമായി വിശദമായ ചർച്ച നടത്തിയാകും കർമപദ്ധതിക്കു രൂപം നൽകുകയെന്നും മന്ത്രി പറഞ്ഞു.

എറണാകുളത്തെ അര്‍ധസര്‍ക്കാര്‍ സ്ഥാപനത്തില്‍ ഡെപ്യൂട്ടി ജനറല്‍ മാനേജര്‍ തസ്തികയിലെ സ്ഥിരംഒഴിവിലേക്ക് അപേക്ഷിക്കാം. യോഗ്യത- ഏതെങ്കിലും വിഷയത്തില്‍ ബിരുദവും സി എ/ഐ സി ഡബ്ല്യൂ എ യും 15 വര്‍ഷത്തെ പ്രവൃത്തിപരിചയവും. പ്രായപരിധി 50 വയസ് (ഇളവുകള്‍ അനുവദനീയം). യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം ഓഗസ്റ്റ് 14നകം പ്രൊഫഷണല്‍ ആന്‍ഡ് എക്‌സിക്യൂട്ടീവ് എംപ്ലോയ്മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്യണം. നിലവില്‍ ജോലി ചെയ്യുന്നവര്‍ എന്‍ ഒ

കെല്‍ട്രോണില്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്സ് ആന്‍ഡ് സപ്ലൈ ചെയിന്‍ മാനേജ്മെന്റ്, കമ്പ്യൂട്ടര്‍ ഹാര്‍ഡ്‌വെയര്‍ ആന്‍ഡ് നെറ്റ്‌വര്‍ക്ക് മെയിന്റനന്‍സ് വിത്ത് ഇ-ഗാഡ്ജറ്റ് ടെക്നോളജീസ്, വേഡ് പ്രോസസിങ് ആന്‍ഡ് ഡേറ്റാ എന്‍ട്രി, മോണ്ടിസോറി/പ്രീ -സ്‌കൂള്‍ ടി ടി സി കോഴ്സുകളിലേക്ക് അപേക്ഷിക്കാം.

വിവരങ്ങള്‍ക്ക് ഹെഡ് ഓഫ് സെന്റര്‍, കെല്‍ട്രോണ്‍ നോളജ് സെന്റര്‍, ടൗണ്‍ അതിര്‍ത്തി, കൊല്ലം. ഫോണ്‍: 0474 2731061.  

ഗർഭിണികളായ സ്ത്രീകളുടെയും മുലയൂട്ടുന്ന അമ്മമാരുടെയും പോഷണ നിലവാരം ഉയർത്തുക, ആരോഗ്യ പരിരക്ഷ ഉറപ്പാക്കുക എന്നീ ലക്ഷ്യങ്ങളോടെ വനിതാ ശിശുവികസന വകുപ്പ് നടപ്പാക്കുന്ന പ്രധാനമന്ത്രി മാതൃവന്ദന യോജനയിൽ 31 വരെ അപേക്ഷിക്കാം.