ഭാരതപ്പുഴ പുനരുജ്ജീവന പദ്ധതി സമ്പൂര്‍ണ ശുചീകരണ യജ്ഞത്തിന്റെ ഭാഗമായി കിഴക്കഞ്ചേരി ഗ്രാമപഞ്ചായത്ത് എട്ടാം വാര്‍ഡില്‍ പൂച്ചാടി തോട് ശുചീകരിച്ചു. വൃത്തിയാക്കിയ ഇടങ്ങളില്‍ തൈകള്‍ നട്ടുപിടിപ്പിച്ചു. ആലത്തൂര്‍ ബ്ലോക്കിന് കീഴില്‍ ഇന്നും ശുചീകരണം നടക്കും. നെന്മാറ ബ്ലോക്കിന് കീഴില്‍ മേലാര്‍കോട്, എലവഞ്ചേരി, നെന്മാറ, അയിലൂര്‍, വണ്ടാഴി, നെല്ലിയാമ്പതി എന്നിവിടങ്ങളില്‍ ശുചീകരണം നടക്കും. കിഴക്കഞ്ചേരി ഗ്രാമപഞ്ചായത്ത് പ്രസിഡന്റ് കവിത മാധവന്‍ ശുചീകരണ പ്രവൃത്തി ഉദ്ഘാടനം ചെയ്തു. വൈസ് പ്രസിഡന്റ് രാധാകൃഷ്ണന്‍ അധ്യക്ഷനായി. നവകേരളം കര്‍മ്മപദ്ധതി റിസോഴ്സ്പേഴ്സണ്‍ വീരാസാഹിബ് വിഷയാവതരണം നടത്തി.

ഭവന പദ്ധതിയില്‍ 500 വീടുകള്‍ നല്‍കുക, വഴിവിളക്കുകള്‍ സൗരോര്‍ജത്തിലൂടെ പദ്ധതിയ്ക്ക് തുടക്കം കുറിക്കുക എന്നിവയ്ക്ക് പ്രാധാന്യം നല്‍കി തേങ്കുറിശ്ശി ഗ്രാമപഞ്ചായത്ത് 2024-25 വര്‍ഷത്തെ വാര്‍ഷിക ബജറ്റ് അവതരിപ്പിച്ചു. 30.17 കോടി വരവും 20.75 കോടി ചെലവും പ്രതീക്ഷിക്കുന്ന ബജറ്റാണ് അവതരിപ്പിച്ചത്. ദാരിദ്ര്യ ലഘൂകരണ പദ്ധതിക്കും പ്രത്യേക ഊന്നല്‍ നല്‍കി.

ജില്ലയില്‍ നെന്മാറ, തെക്കേദേശം, കോട്ടത്തറ, അകത്തേത്തറ, നെല്ലായ, ഒറ്റപ്പാലം-1, വണ്ടാഴി-1, ഓങ്ങല്ലൂര്‍-2 എന്നീ വില്ലേജുകളില്‍ ഡിജിറ്റല്‍ റിസര്‍വീസ് ഫീല്‍ഡ് ജോലികള്‍ക്ക് ഉപയോഗിക്കുന്നതിന് ഫോര്‍ വീലര്‍(7 സീറ്റര്‍) ടാക്സി പെര്‍മിറ്റ് വാഹനങ്ങള്‍ വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഫെബ്രുവരി 27 ന് രാവിലെ 11 നകം പാലക്കാട് റീസര്‍വേ അസിസ്റ്റന്റ് ഡയറക്ടര്‍ക്ക് നല്‍കണമെന്ന് അസിസ്റ്റന്റ് ഡയറക്ടര്‍ അറിയിച്ചു. ഫോണ്‍: 0491 2957154
 

നെന്മാറ അഡീഷണല്‍ ഐ.സി.ഡി.എസ് പ്രോജക്റ്റിന് കീഴിലുള്ള 99 അങ്കണവാടികളിലേക്കുള്ള പ്രീ സ്‌കൂള്‍ കിറ്റ് വിതരണം ചെയ്യുന്നതിന് താത്പര്യമുള്ള വ്യക്തികള്‍/സ്ഥാപനങ്ങളില്‍ നിന്നും ടെന്‍ഡറുകള്‍ ക്ഷണിച്ചു. നിരതദ്രവ്യം 2970 രൂപ. ഫെബ്രുവരി 26 ന് ഉച്ചയ്ക്ക് 12 വരെ ടെന്‍ഡറുകള്‍ സ്വീകരിക്കും. അന്നേദിവസം ഉച്ചയ്ക്ക് ഒന്നിന് ടെന്‍ഡറുകള്‍ തുറക്കും. കൂടുതല്‍ വിവരങ്ങള്‍ക്ക് പ്രവൃത്തി സമയങ്ങളില്‍ ശിശു വികസന പദ്ധതി ഓഫീസുമായി ബന്ധപ്പെടണമെന്ന് ശിശു വികസന പദ്ധതി ഓഫീസര്‍ അറിയിച്ചു. ഫോണ്‍: 9747167674.

ജില്ലാ ആശുപത്രികള്‍ സ്റ്റാഫ് നേഴ്‌സുമാരെ കരാര്‍ അടിസ്ഥാനത്തില്‍ നിയമിക്കുന്നു. അപേക്ഷകര്‍ ജി.എന്‍.എം/ബി.എസ്.സി നേഴ്‌സിങ് പാസായവരും കേരള നഴ്‌സിങ് കൗണ്‍സില്‍ രജിസ്‌ട്രേഷന്‍ ഉള്ളവരുമായിരിക്കണം. പ്രായപരിധി 2024 ജനുവരി ഒന്നിന് 40 ന് മുകളിലുളളവര്‍. പ്രവൃത്തിപരിചയം അഭികാമ്യം. താത്പര്യമുള്ളവര്‍ പ്രായം, യോഗ്യത, മാര്‍ക്ക് ലിസ്റ്റ്, പ്രവൃത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം ഫെബ്രുവരി 24 ന് വൈകിട്ട് അഞ്ചിനകം ജില്ലാ ആശുപത്രി സൂപ്രണ്ടിന്റെ ഓഫീസില്‍ നേരിട്ട് നല്‍കണമെന്ന് സൂപ്രണ്ട് അറിയിച്ചു. ഫോണ്‍: 0491-2533327, 2534524.
 

പട്ടികജാതി വികസന വകുപ്പിന് കീഴിലുള്ള മംഗലം ഗവ ഐ.ടി.ഐയിലെ ഐ.എം.സിയുടെ ഭാഗമായി ഐ.ടി.ഐയിലെ പുതുക്കി ചെയ്ത പഴയ കെട്ടിടത്തിനു മുകളില്‍ റൂഫ് വര്‍ക്ക് ചെയ്യുന്നതിന് ടെന്‍ഡര്‍ ക്ഷണിച്ചു. കൂടുതല്‍ വിവരങ്ങള്‍ക്ക് 04922-258545 എന്ന നമ്പറില്‍ ബന്ധപ്പെടണമെന്ന് പ്രിന്‍സിപ്പാള്‍ അറിയിച്ചു.
 

അഞ്ചാം തവണയും മികച്ച തദ്ദേശസ്വയംഭരണ സ്ഥാപനത്തിനുള്ള സ്വരാജ് ട്രോഫി നേടി വെള്ളിനേഴി ഗ്രാമപഞ്ചായത്ത് ജില്ലാതലത്തില്‍ ഒന്നാം സ്ഥാനം കരസ്ഥമാക്കി. സമ്പൂര്‍ണ കുടിവെള്ളം, മാലിന്യമുക്ത ഗ്രാമം, തരിശുരഹിത പഞ്ചായത്ത്, ജൈവഗ്രാമം, പരിസ്ഥിതി സംരക്ഷണ പ്രവര്‍ത്തനങ്ങള്‍, എല്ലാ വീട്ടുപടിക്കലേക്കും റോഡ്, ആശുപത്രികളുടെ നവീകരണം, വിദ്യാലയങ്ങളുടെ നവീകരണം തുടങ്ങിയ ലക്ഷ്യങ്ങളുമായാണ് പഞ്ചായത്ത് പ്രവര്‍ത്തനങ്ങള്‍ നടത്തിയത്. 2022-23 വര്‍ഷത്തില്‍ ഗ്രാമപഞ്ചായത്ത് 100 ശതമാനം നികുതി പിരിവ് 100 ശതമാനം പദ്ധതി നിര്‍വഹണവും നടത്തിയിട്ടുണ്ട്. ഗ്രാമപഞ്ചായത്തിലെ നെല്‍കൃഷിയുടെ വിസ്തൃതി മുന്‍വര്‍ഷങ്ങളിലേക്കാള്‍ വര്‍ധിച്ചു.

മാലിന്യമുക്തം നവകേരളം ക്യാമ്പയിന്റെ ഭാഗമായി ശുചിത്വമിഷന്റെ നേതൃത്വത്തില്‍ സംസ്ഥാന വ്യാപകമായി YouthMeetsHarithakarmasena എന്ന പേരില്‍ ക്യാമ്പയിന്‍ സംഘടിപ്പിക്കുന്നു. കേരളത്തിലെ യുവജനങ്ങള്‍ ഹരിതകര്‍മ്മസേനയുടെ പ്രവര്‍ത്തനങ്ങള്‍ നേരിട്ട് മനസിലാക്കി ഹരിതകര്‍മ്മസേനക്കൊപ്പം ഒരു ദിവസം പ്രവര്‍ത്തിക്കുകയാണ് ക്യാമ്പയിനിലൂടെ ലക്ഷ്യമിടുന്നത്. കേരളത്തിലെ മാലിന്യ സംസ്‌കരണ പ്രവര്‍ത്തനങ്ങള്‍ മനസിലാക്കാനും അത് കൂടുതല്‍ ജനങ്ങള്‍ക്കിടയിലേക്ക് വ്യാപിപ്പിക്കാനും ക്യാമ്പയിന്‍ വഴി യുവജനങ്ങള്‍ക്ക് സാധിക്കും. കേരളത്തിലെ എല്ലാ ജില്ലകളിലും തെരഞ്ഞെടുത്ത സ്ഥലങ്ങളില്‍ ഫെബ്രുവരി 18 ന് ആണ് ക്യാമ്പയിന്‍ നടക്കുക.

എല്‍.ജി.ബി.ടി.ക്യു കമ്മ്യൂണിറ്റിയുടെ ശാക്തീകരണവും അവര്‍ക്ക് അനുകൂലമായി സാമൂഹ്യാവസ്ഥയും ലക്ഷ്യമിട്ട് പാലക്കാട് ജില്ലാ പഞ്ചായത്ത്, ചിറ്റൂര്‍ ഗവ കോളെജ് റെയിന്‍ബോ ക്ലബ്ബ്, നീതി കളക്ടീവ്, സാമൂഹ്യനീതി വകുപ്പ്, വനിതാ ശിശുവികസന വകുപ്പ്, ജില്ലാ യുവജനക്ഷേമ ബോര്‍ഡ് എന്നിവ സംയുക്തമായി 'കം ഔട്ട് പാലക്കാട്' എന്ന പേരില്‍ നടത്തുന്ന പൊതുപരിപാടിയുടെ ഭാഗമായി ഇന്ന് (ഫെബ്രുവരി 16) ചുമര്‍ചിത്ര രചന നടത്തും. രാവിലെ 10.30 ന് ചെറിയ കോട്ടമൈതാനത്ത് നടക്കുന്ന പരിപാടി ജില്ലാ പഞ്ചായത്ത് പ്രസിഡന്റ് കെ. ബിനുമോള്‍ ഉദ്ഘാടനം ചെയ്യും. പാലക്കാട് നഗരസഭ ചെയര്‍പേഴ്‌സണ്‍ പ്രമീള ശശിധരന്‍ അധ്യക്ഷയാകും. ജില്ലാ കലക്ടര്‍ ഡോ. എസ്.

സംസ്ഥാനതല പട്ടയമേള/ജില്ലാതല പട്ടയമേളയുടെ നടത്തിപ്പ് സംബന്ധിച്ച് ചര്‍ച്ച ചെയ്യുന്നതിന് ഇന്ന് (ഫെബ്രുവരി 16) രാവിലെ 11 ന് വൈദ്യുത വകുപ്പ് മന്ത്രി കെ. കൃഷ്ണന്‍കുട്ടിയുടെ അധ്യക്ഷതയില്‍ ജില്ലാ പഞ്ചായത്ത് കോണ്‍ഫറന്‍സ് ഹാളില്‍ യോഗം ചേരും. ഫെബ്രുവരി 22 ന് വൈകിട്ട് 3.30 ന് തൃശൂരില്‍ നടക്കുന്ന സംസ്ഥാനതല പട്ടയമേളയുമായി ബന്ധപ്പെട്ടാണ് ജില്ലയില്‍ യോഗം നടക്കുന്നത്.