ഓച്ചിറ ബ്ലോക്ക് പഞ്ചായത്ത് ക്ഷീരസംഗമം മൃഗസംരക്ഷണ വകുപ്പ് മന്ത്രി ജെ ചിഞ്ചുറാണി ഉദ്ഘാടനം ചെയ്തു. കടത്തൂര്‍ പാഴൂത്തങ്കയത്തില്‍ ക്ഷേത്ര ഓഡിറ്റോറിയത്തില്‍ തഴവ ക്ഷീരസംഘത്തിന്റെ നേതൃത്വത്തിലാണ് സംഘടിപ്പിച്ചത്. സി ആര്‍ മഹേഷ് എം എല്‍ എ അധ്യക്ഷനായി.

കന്നുകാലി - ഉരുക്കളുടെ മൂല്യനിര്‍ണയം, ക്ഷീരവികസന സെമിനാര്‍ എന്നിവയും നടന്നു. മികച്ച ക്ഷീരകര്‍ഷകരെ ആദരിക്കലും, അവാര്‍ഡ്ദാനവും നടന്നു.

പോരുവഴി ഗ്രാമപഞ്ചായത്ത് സി ഡി എസിന്റെ നേതൃത്വത്തിലുള്ള തിരികെ സ്‌കൂള്‍ ക്യാമ്പയിന്‍ രണ്ടാം ഘട്ടം പോരുവഴി സര്‍ക്കാര്‍ എച്ച്എസ്എസില്‍ പഞ്ചായത്ത് പ്രസിഡന്റ് ബിനു മംഗലത്ത് ഉദ്ഘാടനം ചെയ്തു. സി ഡി എസ് ചെയര്‍പേഴ്‌സണ്‍ പുഷ്പലത അധ്യക്ഷയായി.

സംസ്ഥാന സര്‍ക്കാരിന്റെ സാമൂഹിക ഐക്യദാര്‍ഢ്യ പക്ഷാചരണത്തിന്റെ ഭാഗമായി പട്ടികജാതി വികസന വകുപ്പിന്റെ ആഭിമുഖ്യത്തില്‍ കണ്ണനലൂര്‍ ചേരിക്കോണം കോളനിയില്‍ ലഹരിവിരുദ്ധ ബോധവത്കരണ ക്ലാസ് സംഘടിപ്പിച്ചു. തലച്ചിറ മഹാത്മാ ലൈബ്രറി ആര്‍ട്സ് ആന്‍ഡ് സ്പോര്‍ട്സ് ക്ലബ്ബില്‍ തൃക്കോവില്‍വട്ടം ഗ്രാമപഞ്ചായത്ത് പ്രസിഡന്റ് ജി എസ് സിന്ധു ഉദ്ഘാടനം നിര്‍വഹിച്ചു. വിമുക്തി കോര്‍ഡിനേറ്റര്‍ അനില്‍കുമാര്‍ ക്ലാസ് നയിച്ചു.

പൂതക്കുളം ഗ്രാമപഞ്ചായത്തിന്റെയും സംസ്ഥാന യുവജനക്ഷേമ ബോര്‍ഡിന്റെയും സംയുക്താഭിമുഖ്യത്തില്‍ സംഘടിപ്പിക്കുന്ന കേരളോത്സവം-2023 ന്റെ മത്സരങ്ങള്‍ക്ക് തുടക്കമായി. ഉദ്ഘാടനം പൂതക്കുളം സര്‍വീസ് സഹകരണ ബാങ്ക് ഓഡിറ്റോറിയത്തില്‍ ഇത്തിക്കര ബ്ലോക്ക് പഞ്ചായത്ത് പ്രസിഡന്റ് എം കെ ശ്രീകുമാര്‍ നിര്‍വഹിച്ചു. പൂതക്കുളം സര്‍വീസ് സഹകരണ ബാങ്ക് ഓഡിറ്റോറിയം, ഗ്രാമപഞ്ചായത്ത് ഹാള്‍, പാര്‍ക്ക് മുക്ക് ബ്രദേഴ്സ് ക്ലബ്ബ് ഗ്രൗണ്ട് എന്നിവിടങ്ങളിലായി അത്‌ലറ്റിക്സ്, ഫുട്ബോള്‍, ക്രിക്കറ്റ്, വോളിബോള്‍, വടംവലി, ഷട്ടില്‍ ബാഡ്മിന്റണ്‍, കബഡി, ചെസ്സ്, സാഹിത്യ രചന തുടങ്ങി ഇനങ്ങളിലാണ് മത്സരങ്ങള്‍.

കേരള ഖാദി ഗ്രാമവ്യവസായ ബോര്‍ഡില്‍ നിന്നും പാറ്റേണ്‍/ സി ബി സി പദ്ധതി പ്രകാരം വായ്പ എടുത്ത് കുടിശിക വരുത്തിയിട്ടുള്ള വ്യക്തികള്‍ക്കും സ്ഥാപനങ്ങള്‍ക്കും കടാശ്വാസം നല്‍കുന്നതിനായി കൊല്ലം, പത്തനംതിട്ട ജില്ലകളില്‍ ഇന്ന് (ഒക്ടോബര്‍ 10) കുടിശികനിവാരണ അദാലത്ത് നടത്തും. രാവിലെ 11 ന് ജില്ലാ ഖാദി ഗ്രാമവ്യവസായ കാര്യാലയത്തില്‍ ഖാദി ബോര്‍ഡ് വൈസ് ചെയര്‍മാന്‍ പി ജയരാജന്‍ ഉദ്ഘാടനം ചെയ്യും. കോര്‍പ്പറേഷന്‍ വാര്‍ഡ് കൗണ്‍സിലര്‍ എ കെ സവാദ് അധ്യക്ഷനാകും. ഫോണ്‍ - 0474-2743587 , 9895116004, ഇ-മെയില്‍: poklm@kkvib.org

കുരീപ്പുഴ സ്വീവേജ് ട്രീറ്റ്‌മെന്റ് പ്ലാന്റ് നിര്‍മാണത്തിനായി കൊല്ലം താലൂക്കിലെ കൊല്ലം വെസ്റ്റ് വില്ലേജിലെ ബ്ലോക്ക് 297ല്‍ സര്‍വ്വെ നം.51/1-2, 52 ല്‍ പ്പെട്ട 10.99 ആര്‍സ് ഭൂമി ഏറ്റെടുത്തു.

ജില്ലാ വ്യവസായ കേന്ദ്രം ഒക്ടോബര്‍ 16 മുതല്‍ സൗജന്യ സംരംഭകത്വവികസന പരിശീലന പരിപാടി നടത്തും. നാളെ (ഒക്ടോബര്‍ 11) വരെ അപേക്ഷിക്കാം. 15 ദിവസമാണ് പരിശീലനം. നൂതന സംരംഭങ്ങള്‍ ആരംഭിക്കുന്നതിനുള്ള മാര്‍ഗനിര്‍ദ്ദേശം, വിവിധ വകുപ്പുകളില്‍ നിന്നുള്ള ലൈസന്‍സ്, എന്‍ ഒ സി, പ്രോജക്ട് റിപ്പോര്‍ട്ട് തയ്യാറാക്കല്‍ എന്നിവയില്‍ പരിശീലനവും ബാങ്കുകളില്‍ നിന്നുള്ള വായ്പ ലഭിക്കുന്നതിനുള്ള സഹായവും ലഭിക്കും. ഫോണ്‍ 0474 2748395, 9188401702, 9446701409, 9446365147.

പടിഞ്ഞാറേ കല്ലട പഞ്ചായത്തിലെ ഉള്ളൂരുപ്പ് (കെ എല്‍ എം 172) പേരയം പഞ്ചായത്തിലെ കാഞ്ഞിരംകോട് (കെ എല്‍ എം 098) ശൂരനാട് വടക്ക് പഞ്ചായത്തിലെ കണ്ണമം (കെ എല്‍ എം 027) മണ്‍ട്രോതുരുത്ത് പഞ്ചായത്തിലെ റെയില്‍വേ സ്റ്റേഷന്‍ (കെ എല്‍ എം 088) എന്നീ അക്ഷയ കേന്ദ്രങ്ങള്‍ ജില്ലാ കളക്ടറുടെ ശുപാര്‍ശ പ്രകാരം റദ്ദ് ചെയ്തു.

കുടുംബശ്രീ ഗുണഭോക്താക്കള്‍, ഓക്‌സിലറി ഗ്രൂപ്പംഗങ്ങള്‍ എന്നിവയ്ക്ക് സൂഷ്മ സംരംഭങ്ങള്‍/ഷീ സ്റ്റാര്‍ട്ട് സംരംഭങ്ങള്‍ തുടങ്ങുന്നതിനായി താത്പര്യപത്രം ക്ഷണിച്ചു. വൈദഗ്ധ്യപരിശീലന സ്ഥാപനങ്ങള്‍/ സംഘടനകള്‍/ കുടുംബശ്രീ സംരംഭ കണ്‍സോര്‍ഷ്യം, വൈദഗ്ധ്യപരിശീലനം നല്‍കാന്‍ ശേഷിയുള്ള കുടുംബശ്രീ യൂണിറ്റുകള്‍, ദേശീയ നഗര ഉപജീവന മിഷന്‍, ദീന്‍ദയാല്‍ ഉപാധ്യായ ഗ്രാമീണ കൗശല്യയോജന എന്നീ പദ്ധതികളില്‍ വൈദഗ്ധ്യപരിശീലനത്തിനായി കുടുംബശ്രീ തിരഞ്ഞെടുത്തിട്ടുള്ള സ്ഥാപനങ്ങള്‍ എന്നിവയ്ക്ക് താത്പര്യപത്രം നല്‍കാം.

നിബന്ധനകള്‍:

ജില്ലാ എംപ്ലോയ്മെന്റ് എക്സ്ചേഞ്ചിലെ എംപ്ലോയബിലിറ്റി സെന്ററില്‍ സ്വകാര്യസ്ഥാപനങ്ങളിലെ ഒഴിവുകളിലേക്ക് നാളെ (ഒക്ടോബര്‍ 11) രാവിലെ 10.30 ന് അഭിമുഖം നടത്തും. എസ് എസ് എല്‍ സി, പ്ലസ്ടു കൂടുതലോ യോഗ്യതയുള്ള 18 നും 35 നും ഇടയില്‍ പ്രായമുള്ളവര്‍ക്ക് മൂന്ന് സെറ്റ് ബയോഡാറ്റയുമായി രജിസ്റ്റര്‍ചെയ്ത് പങ്കെടുക്കാം. നൈപുണ്യപരിശീലനവും, വിവിധഅഭിമുഖങ്ങള്‍ നേരിടുന്നതിനുള്ള പരിശീലനവും കരിയര്‍ കൗണ്‍സിലിങ് ക്ലാസ്സുകളും നല്‍കും. ഫോണ്‍ 7012212473, 8281359930.