അയിലൂര്‍ കോളജ് ഓഫ് അപ്ലൈഡ് സയന്‍സില്‍ യു ജി സി നെറ്റ് കോച്ചിങ് ക്ലാസുകള്‍ നടത്തും. ഹ്യൂമാനിറ്റീസ്, കമ്പ്യൂട്ടര്‍ ആപ്ലിക്കേഷന്‍, ഇംഗ്ലീഷ് , കൊമേഴ്‌സ് എന്നീ വിഷയങ്ങളില്‍ പി ജി കഴിഞ്ഞവര്‍ക്കും പി ജി ചെയ്യുന്നവര്‍ക്കും അപേക്ഷിക്കാം. ഫോണ്‍ 8547005029, 9495069307.

സംസ്ഥാന സര്‍ക്കാരിന്റെ സാമൂഹിക ഐക്യദാര്‍ഢ്യ പക്ഷാചാരണത്തിന്റെ ഭാഗമായി പട്ടികജാതി വികസന വകുപ്പിന്റെ ആഭിമുഖ്യത്തില്‍ ചാത്തന്നൂര്‍ ജയന്തി കോളനിയില്‍ ലഹരിവിരുദ്ധ ബോധവത്കരണ ക്ലാസ് സംഘടിപ്പിച്ചു. ലഹരിയുടെ ദൂഷ്യവശങ്ങളെക്കുറിച്ച് യുവതലമുറയെ ബോധവാ•ാരാക്കുകയെന്ന ലക്ഷ്യത്തോടെയാണ് ക്ലാസ് സംഘടിപ്പിച്ചത്. ഉദ്ഘാടനം ഇത്തിക്കര ബ്ലോക്ക് പഞ്ചായത്ത് അംഗം എ ദസ്തക്കീര്‍ നിര്‍വഹിച്ചു.

ചാത്തന്നൂര്‍ റേഞ്ചിലെ വിമുക്തി കോര്‍ഡിനേറ്റര്‍ അനില്‍കുമാര്‍ ക്ലാസ് നയിച്ചു. പട്ടികജാതി വികസന ഓഫീസര്‍ ഡി ഷാജി, വിജ്ഞാന്‍വാടി കോഡിനേറ്റര്‍ ശ്രീവിദ്യ ബാലചന്ദ്രന്‍ തുടങ്ങിയവര്‍ പങ്കെടുത്തു.

പന്മന പഞ്ചായത്തിൽ അങ്കണവാടികള്‍ക്ക് അടുക്കള ഉപകരണം നല്‍കുന്ന പദ്ധതിയുടെ ഉദ്ഘാടനം പ്രസിഡന്റ് എം ഷെമി നിര്‍വഹിച്ചു. 2023-24 സാമ്പത്തിക വര്‍ഷ പദ്ധതിയിലെ വിഹിതം ഒരു ലക്ഷം രൂപ ചെലവിലാണ് ഉപകരണങ്ങള്‍ വാങ്ങി നല്‍കിയത്. പഞ്ചായത്ത് വൈസ് പ്രസിഡന്റ് പ•ന ബാലകൃഷ്ണന്‍ അധ്യക്ഷനായി.

കേരളീയം മഹോത്സവത്തിന്റെ ഭാഗമായി ഓണ്‍ലൈന്‍ ക്വിസ് മത്സരം ഒക്ടോബര്‍ 19ന് വൈകിട്ട് 7.30ന് നടത്തും. പ്രായപരിധിയില്ല. keraleeyam.kerala.gov.in എന്ന വെബ്സൈറ്റില്‍ രജിസ്റ്റര്‍ ചെയ്‌തോ ക്യൂആര്‍ കോഡ് സ്‌കാന്‍ ചെയ്‌തോ പങ്കെടുക്കാം. മല്‍സരത്തിന്റെ വിശദാംശങ്ങള്‍ കേരളീയം വെബ്‌സൈറ്റില്‍ ലഭിക്കും. കേരളവുമായി ബന്ധപ്പെട്ട ചരിത്രം, കല, സംസ്‌കാരം, സയന്‍സ്, ഗണിതം, സാമൂഹ്യശാസ്ത്രം, സാഹിത്യം തുടങ്ങിയ വിഷയങ്ങളെ ആസ്പദമാക്കിയാണ് ചോദ്യങ്ങള്‍.  

ചാത്തന്നൂര്‍ ഗ്രാമപഞ്ചായത്തിലെ ഇടനാട് വാര്‍ഡില്‍ കവണാപള്ളി പട്ടികജാതി കോളനിയിലെ അടിസ്ഥാന സൗകര്യ വികസനം ലക്ഷ്യമിട്ട് ആരംഭിച്ച വിവിധ വികസന പ്രവര്‍ത്തനങ്ങള്‍ പൂര്‍ത്തീകരിച്ചു. പട്ടികജാതി വികസന വകുപ്പിന്റെ അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തി 50 ലക്ഷം രൂപ ചെലവില്‍ റോഡ് നിര്‍മ്മാണം, വീടുകളുടെ പുനരുദ്ധാരണം, കുടിവെള്ള വിതരണം തുടങ്ങി നിരവധി പ്രവര്‍ത്തനങ്ങളാണ് നടപ്പിലാക്കിയത്.

ഇട്ടിവ ഗ്രാമപഞ്ചായത്തിലെ ലൈഫ് 2020 പട്ടികയില്‍ ഉള്‍പ്പെട്ട പട്ടികജാതി ഗുണഭോക്താക്കള്‍ക്ക് നിര്‍മാണം പൂര്‍ത്തീകരിച്ച 40 വീടുകളുടെ താക്കോല്‍ദാനവും ജനറല്‍ വിഭാഗത്തിലെ 40 ഗുണഭോക്താക്കള്‍ക്ക് വീട് അനുവദിച്ചതിന്റെ ഒന്നാം ഗഡു വിതരണവും നടന്നു. കൂടാതെ 2023-24 വാര്‍ഷിക പദ്ധതികളുടെ നിര്‍വഹണ ഉദ്ഘാടനം ഗ്രാമപഞ്ചായത്ത് പ്രസിഡന്റ് കുമാരി സി അമൃത നിര്‍വഹിച്ചു.

മഴക്കെടുതിയുമായി ബന്ധപ്പെട്ട് വിവിധ വകുപ്പ് മേധാവികളുടെ അവലോകനം ചേര്‍ന്നു. തുടര്‍ച്ചയായ ദിവസങ്ങളില്‍ പെയ്ത അതിശക്തമായ മഴമൂലം പുനലൂര്‍ നിയോജക മണ്ഡലത്തിന്റെ വിവിധ പഞ്ചായത്തികളിലായി ചെറുതും വലുതുമായ നിരവധി നാശനഷ്ടങ്ങള്‍ ഉണ്ടായ സാഹചര്യത്തിലായിരുന്നു യോഗം. പി എസ് സുപാല്‍ എം എല്‍ എ അധ്യക്ഷത വഹിക്കും.  

നവംബര്‍ 20ന് നടക്കുന്ന എഴുപതാമത് അഖിലേന്ത്യ സഹകരണ വാരാഘോഷത്തിന്റെ സംസ്ഥാനതല സമാപന സമ്മേളനത്തിന്റെ സ്വാഗതസംഘം ഓഫീസ് ഇന്ന് (ഒക്‌ടോബര്‍ 17) രാവിലെ 11ന് കേരള ബാങ്ക് സി പി സി മിനി ഹാളില്‍ ധനമന്ത്രി കെ എന്‍ ബാലഗോപാല്‍ ഉദ്ഘാടനം ചെയ്യും. സംസ്ഥാന സഹകരണ യൂണിയന്‍ മാനേജിങ് കമ്മിറ്റി അംഗം കെ രാജഗോപാല്‍ അധ്യക്ഷനാകും

കൊട്ടാരക്കര മണ്ഡലത്തിന്റെ സുസ്ഥിര വികസനം ലക്ഷ്യമാക്കിയുള്ള സമഗ്ര വികസന പദ്ധതിയുമായി ബന്ധപ്പെട്ട് വിവിധ വകുപ്പുകളുടെ ഏകോപനത്തില്‍ ഏകദിന സെമിനാര്‍ സംഘടിപ്പിക്കും. ത്രിതല പഞ്ചായത്ത് പ്രതിനിധികള്‍, ഉദ്യോഗസ്ഥര്‍, ആസൂത്രകര്‍, ശാസ്ത്രജ്ഞര്‍ തുടങ്ങിയവര്‍ സെമിനാറില്‍ പങ്കെടുക്കും. ഒക്ടോബര്‍ 21 രാവിലെ 10 മണിക്ക് കൊട്ടാരക്കര ഹൈലാന്‍ഡ് ഓഡിറ്റോറിയത്തില്‍ നടക്കുന്ന സെമിനാര്‍ ധനകാര്യ വകുപ്പ് മന്ത്രി കെ എന്‍ ബാലഗോപാല്‍ ഉദ്ഘാടനം ചെയ്യും.

            കേരള സ്റ്റേറ്റ് സെന്റർ ഫോർ  അഡ്വാൻസ്ഡ് പ്രിന്റിംഗ് ആൻഡ് ട്രെയിനിംഗിന്റെ ആഭിമുഖ്യത്തിൽ തിരുവനന്തപുരത്തുള്ള ട്രെയിനിംഗ് ഡിവിഷനിൽ ആരംഭിക്കുന്ന ഡിപ്ലോമ ഇൻ കമ്പ്യൂട്ടർ ഹാർഡ്‌വെയർ ആൻഡ് നെറ്റ്‌വർക്കിംഗ്‌, ഡിപ്ലോമ ഇൻ മൾട്ടിമീഡിയ, ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻസ് എന്നീ ഗവൺമെന്റ് അംഗീകൃത തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു.