എല്‍. ബി. എസ്. സെന്ററിന്റെ മഞ്ചേരി കേന്ദ്രത്തില്‍ ഡാറ്റാ എന്‍ട്രി ആന്റ് ഓഫീസ് ഓട്ടോമേഷന്‍ കോഴ്‌സിന് സീററുകള്‍  ഒഴിവുണ്ട.് പ്രവേശനം ആഗ്രഹിക്കുന്നവര്‍   എല്‍. ബി.എസ് സെന്ററുമായി ബന്ധപ്പെടണം. ഫോണ്‍ 0483 2764674 എന്ന നമ്പറിലോ ബന്ധപ്പെടുക.

വൈദ്യുതി അപകടങ്ങള്‍ ഒഴിവാക്കുന്നതിന്റെ ഭാഗമായി പൊതുജനങ്ങളെ ബോധവത്കരിക്കുന്നതിന് വൈദ്യുതി ജിവനക്കാര്‍ നടത്തുന്ന ബോധവത്കരണ ക്ലാസുകള്‍ എല്ലാ ഗ്രാമ പഞ്ചായത്തുകളിലും നടത്തിയെന്ന് ഉറപ്പാക്കുന്നതിന് വൈദ്യുതി അപകട ദുരന്തനിവാരണ സമിതി തീരുമാനിച്ചു. ഗ്രാമസഭകള്‍ കേന്ദ്രീകരിച്ചാണ് ക്ലാസുകള്‍ നടത്തുന്നത്. സമിതിയുടെ കലക്‌ട്രേറ്റില്‍ നടന്ന യോഗത്തില്‍ എ.ഡി.എം. ടി.വിജയന്‍ അധ്യക്ഷത വഹിച്ചു.

ജില്ലയില്‍ നടപ്പാക്കികെണ്ടണ്‍ിരിക്കുന്ന ഗെയില്‍ പദ്ധതി പൈപ്പ് ലൈന്‍ പോകുന്ന പ്രദേശത്തെ  മുഴുവന്‍ ഭൂവുടമകളേയും ജനപ്രതിനിധികളെയും ബോദ്ധ്യപ്പെടുത്തികൊണ്ടാ യിരിക്കും നടപ്പിലാക്കുകയെന്ന് ജില്ലാകലക്ടര്‍ അമിത് മീണ അറിയിച്ചു. പദ്ധതി നടപ്പാക്കുന്ന പ്രദേശത്തെ എം.എല്‍.എ. മാരുടെയും പഞ്ചായത്ത് പ്രസിഡന്റുമാരുടെയും യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു കലക്ടര്‍. പൈപ്പ് ലൈന്‍ കടന്നു പോകുന്ന പ്രദേശത്തെ ആളുകളെ നേരിട്ട് കണ്ട് കാര്യങ്ങള്‍ ബോധ്യപ്പെടുത്തക യാണെങ്കില്‍ പദ്ധതിയോട് പൂര്‍ണമായി സഹകരിക്കുമെന്ന് യോഗത്തില്‍ പങ്കടുത്ത എം.എല്‍.എ. മാര്‍ ജില്ലാകലക്ടര്‍ ഉറപ്പ് നല്‍കി.

ജില്ലയില്‍ ഒരാഴ്ചയായി വിവിധ പരിപാടികളോടെ നടക്കുന്ന ഭരണഭാഷ വാരാചണത്തിന് ഇന്ന്  (നവംബര്‍ 7) സമാപനമാവും. ജില്ല തല സമാപനം മഞ്ചേരി ഗവ ഗേള്‍സ് ഹയര്‍സെക്കന്ററി സ്‌കൂളില്‍ ഉച്ചക്ക് രണ്ടിന് നടക്കും. ഇന്‍ഫര്‍മേഷന്‍-പബ്‌ളിക് റിലേഷന്‍സ് വകുപ്പ് മഞ്ചേരി പബ്‌ളിക് ലൈബ്രറിയുമായി സഹകരിച്ച് നടത്തുന്ന പരിപാടി അഡ്വ.എം.ഉമ്മര്‍ ഉദ്ഘാടനം ചെയ്യും. പരിപാടിയില്‍ മലയാള ഭാഷയും സംസ്‌കാരവും എന്ന വിഷയത്തില്‍ എഴുത്തുകാരനും സാംസ്‌കാരിക പ്രവര്‍ത്തകനുമായ പി.ടി.മണികണ്ഠന്‍ ക്ലാസ്സെടുക്കും.

ജില്ല കലക്ടറുടെ പ്രഥമ പരാതി പരിഹാര അദാലത്ത് വടകര സെന്റ് ആന്റണീസ് ഹൈസ്‌ക്കൂളില്‍ ഇന്ന്  നടക്കും. രാവിലെ 9 മണിയ്ക്ക് അദാലത്ത് ആരംഭിക്കും. അദാലത്തിലേക്ക് ഇതുവരെ 226 അപേക്ഷകള്‍ ലഭിച്ചിട്ടുണ്ട്. പരാതികള്‍ ഇന്ന് തന്നെ പരിഗണിച്ച് കക്ഷികള്‍ക്ക് മറുപടി നല്‍കും. വടകര താലൂക്കുമായി ബന്ധപ്പെട്ട പരാതികളാണ് ആദ്യഘട്ടത്തില്‍ പരിഗണിക്കുക. പരാതികളുമായി ബന്ധപ്പെട്ട വകുപ്പ്തല ഉദ്യോഗസ്ഥര്‍ അദാലത്തില്‍ പങ്കെടുക്കും. 

 
64-ാമത് അഖിലേന്ത്യ സഹകരണ വാരാഘോഷത്തിന്റെ സംസ്ഥാനതല സമാപനം നവംബര്‍ 20ന് നടക്കും. രാവിലെ 10ന് കോട്ടയം മാമ്മന്‍ മാപ്പിള ഹാളില്‍ നിയമസഭ സ്പീക്കര്‍ പി. ശ്രീരാമകൃഷ്ണന്‍ സമ്മേളനം ഉദ്ഘാടനം ചെയ്യും. തിരുവഞ്ചൂര്‍ രാധാകൃഷ്ണന്‍ എം.എല്‍.എ അദ്ധ്യക്ഷത വഹിക്കും. ഇടുക്കി ജില്ലാ സഹകരണ ബാങ്ക് ജനറല്‍ മാനേജര്‍ എ.ആര്‍ രാജേഷ്  വിഷയാവതരണം നടത്തും. സംസ്ഥാന സഹകരണ യൂണിയന്‍ കണ്‍വീനര്‍ കോലിയക്കോട് എന്‍. കൃഷ്ണന്‍ നായര്‍ സ്വാഗതവും സെക്രട്ടറി സി. വിജയന്‍ നന്ദിയും പറയും. 

ശബരിമല: ശിങ്കാരിമേളത്തിന്റെ അകമ്പടിയോടെ ഭക്തന്മാര്‍ സന്നിധാനത്ത്. തിരുവനന്തപുരം വിതുര സ്വദേശികളും വിതുര നാദരുദ്ര കലാസമിതിയിലെ അംഗങ്ങളുമായ 13 അയ്യപ്പഭക്തന്മാരാണ് ശിങ്കാരിമേളത്തിന്റെ അകമ്പടിയോടെ മല ചവിട്ടിയത്. ആനന്ദ്, അനന്തു, സുനില്‍, സുജിത്ത്. അനന്തു എടം, രാഹുല്‍, അബിന്‍, ജെവിന്‍, അഭി, ശ്യം, നന്ദു, അഖില്‍, മഹേഷ് എന്നിവരാണ് സംഘത്തിലുണ്ടായിരുന്നത്.

സന്നിധാനത്തെ വലിയ നടപ്പന്തലില്‍ വെള്ളിയാഴ്ച രാത്രി ഒന്‍പതോടെ എത്തിയ സംഘം അവതരിപ്പിച്ച ശിങ്കാരിമേളം ഏവരുടേയും ശ്രദ്ധപിടിച്ചുപറ്റി. ആദ്യമായാണ് ഇവര്‍ ശിങ്കാരിമേളത്തിന്റെ അകമ്പടിയോടെ സന്നിധാനത്ത് വരുന്നത്.  (പി.ആര്‍. ശബരി-33)
 

ശബരിമല: സന്നിധാനത്തും പരിസരപ്രദേശങ്ങളിലുമുള്ള കടകളില്‍ ജില്ലാ കളക്ടര്‍ അംഗീകരിച്ചു നല്‍കിയ വിലവിവര പട്ടിക പ്രദര്‍ശിപ്പിച്ചില്ലെങ്കില്‍ കര്‍ശന നടപടി സ്വീകരിക്കുമെന്ന് ഡ്യൂട്ടി മജിസ്‌ട്രേട്ട് അറിയിച്ചു.

പമ്പ-സന്നിധാനം ശരണപാതയില്‍ ചരക്ക് ഗതാഗതത്തിനു വേണ്ടി ഉപയോഗിക്കുന്ന ട്രാക്ടറുകളില്‍ തീര്‍ഥാടകരെയും യാത്രക്കാരെയും കയറ്റുന്ന വാഹനങ്ങളുടെയും ഡ്രൈവര്‍മാരുടെയും പേരില്‍ കര്‍ശന നിയമ നടപടി സ്വീകരിക്കും.

(പി.ആര്‍. ശബരി-32) 
 

കേരള വനിതാ കമ്മീഷന്‍ കോട്ടയം ജില്ലയില്‍ സംഘടിപ്പിക്കുന്ന മെഗാ  അദാലത്ത് ഇന്ന് (നവംബര്‍ 18) രാവിലെ 10.30ന് ജില്ലാ പഞ്ചായത്ത് ഹാളില്‍            നടക്കും.

ശബരിമല: ദര്‍ശനത്തിനെത്തിയ അയ്യപ്പഭക്തന്മാര്‍ അവതരിപ്പിച്ച ശാസ്താംപാട്ട് തീര്‍ഥാടകര്‍ക്ക് ആനന്ദമായി. ദേവസ്വം ബോര്‍ഡിന്റെ ആഭിമുഖ്യത്തില്‍ സന്നിധാനം വലിയ നടപ്പന്തലിലെ ഓഡിറ്റോറിയത്തിലായിരുന്നു പരിപാടി. കൊട്ടാരക്കര ഓടനാവട്ടം കുടവട്ടൂര്‍ അയ്യപ്പകലാസമിതിയിലെ അംഗവും തിരുവനന്തപുരം റേഡിയോ നിലയം ജീവനക്കാരനുമായ ഉദയകുമാറിന്റെ നേതൃത്വത്തിലുള്ള സംഘമാണ് ശാസ്താംപാട്ട് അവതരിപ്പിച്ചത്.