ഗവ.ആയുർവേദ കോളേജിൽ പി.ജി ഡെസർട്ടേഷന്റെ ഭാഗമായി വിവിധ രോഗങ്ങൾക്ക് ഗവേഷണാടിസ്ഥാനത്തിൽ സൗജന്യ ചികിത്സ നൽകുന്നതായി പ്രിൻസിപ്പാൾ അറിയിച്ചു. പാർക്കിൻസൺസ് രോഗത്തിന് ഗവ.ആയുർവേദ കോളേജ് ആശുപത്രിയിലും പൂജപ്പുര പഞ്ചകർമ്മ ആശുപത്രിയിലും വിളർച്ച (18 മുതൽ 50 വയസ് വരെ), പ്രമേഹ സംബന്ധമായ നാഡീരോഗം (40 മുതൽ 70 വയസ് വരെ), മൂത്രാശയ കല്ല് ( 20 മുതൽ 60 വയസ് വരെ) , ഉറക്കമില്ലായ്മ ( 20 മുതൽ 60 വയസ് വരെ) എന്നിവയ്ക്ക് ഗവ.ആയുർവേദ കോളേജ് ആശുപത്രിയിലും സൗജന്യ ചികിത്സ ലഭ്യമാണ്.

കൂടുതൽ വിവരങ്ങൾക്ക് താഴെക്കാണുന്ന നമ്പരുകളിൽ ബന്ധപ്പെടാവുന്നതാണ്.

2024 ലോക്സഭാ പൊതുതിരഞ്ഞെടുപ്പുമായി ബന്ധപ്പെട്ട് തിരുവനന്തപുരം ജില്ലയിലെ രണ്ട് പാർലമെൻ്ററി മണ്ഡലങ്ങളിലായുള്ള 14 നിയോജക മണ്ഡലങ്ങളിലെ പോളിംഗ് ഉദ്യോഗസ്ഥർക്ക് പോസ്റ്റൽ വോട്ട് രേഖപ്പെടുത്തുന്നതിനായുള്ള VFC  കേന്ദ്രങ്ങളുടെ പ്രവർത്തനം ഏപ്രിൽ 24, 25 തീയതികളിൽ കൂടി തുടരുമെന്ന് ജില്ലാ തിരഞ്ഞെടുപ്പ് ഓഫീസർ അറിയിച്ചു.

ലോക്‌സഭാ തെരഞ്ഞെടുപ്പിന് മുന്നോടിയായി വയനാട് ലോക്‌സഭാ മണ്ഡലത്തിലെ വോട്ടെടുപ്പ് ക്രമീകരണങ്ങള്‍ തെരഞ്ഞെടുപ്പ് നിരീക്ഷകര്‍ വിലയിരുത്തി. വോട്ടെടുപ്പ് പ്രക്രിയ സ്വതന്ത്ര്യവും സുതാര്യവുമാകാന്‍ മണ്ഡലങ്ങളില്‍ ആവശ്യമായ ക്രമീകരണങ്ങള്‍ ഉറപ്പാക്കണമെന്ന് തെരഞ്ഞെടുപ്പ് പൊതു നിരീക്ഷകന്‍ നികുഞ്ച് കുമാര്‍ ശ്രീവാസ്തവ, ചെലവ് നിരീക്ഷകന്‍ കൈലാസ് പി ഗെയ്ക് വാദ് എന്നിവര്‍ അസിസ്റ്റന്റ് റിട്ടേണിങ് ഓഫീസര്‍മാര്‍ക്ക് നിര്‍ദേശം നല്‍കി.

ഡ്രൈവിംഗ് ടെസ്റ്റിന് പരിവാഹന്‍ സോഫ്റ്റ് വെയർ മുഖേന മെയ്  ഒന്ന് മുതല്‍ ടെസ്റ്റ് തിയതി കിട്ടിയ അപേക്ഷകര്‍ വീണ്ടും ഡ്രൈവിംഗ് ടെസ്റ്റ് സ്ലോട്ടുകള്‍ മെയ് ഒന്ന് മുതല്‍  എടുക്കണമെന്ന് റീജണല്‍ ട്രാന്‍സ്‌പോര്‍ട്ട് ഓഫീസര്‍ അറിയിച്ചു. ഫോണ്‍ - 04936 202607

ജില്ലയില്‍ ലോക്‌സഭാ തെരഞ്ഞെടുപ്പുമായി ബന്ധപ്പെട്ട് മാലിന്യ സംസ്‌കരണം ശാസ്ത്രീയമാക്കും. ലോക്സഭാ തെരഞ്ഞെടുപ്പുമായി ബന്ധപ്പെട്ട് കളക്ടറേറ്റില്‍ ചേര്‍ന്ന യോഗത്തിലാണ് തീരുമാനം. പോളിങ് ബൂത്തുകള്‍, വിതരണ സ്വീകരണ കേന്ദ്രങ്ങള്‍, എന്നിവിടങ്ങളില്‍ പരമാവധി മാലിന്യം കുറച്ചും ഹരിത ചട്ടം പാലിച്ചുമായിരിക്കും പരിപാടികള്‍ നടത്തുക. ബൂത്തുകള്‍ അടക്കമുള്ള എല്ലാ കേന്ദ്രങ്ങളിലും തരം തിരിച്ച് മാലിന്യം ഇടാനുള്ള ബിന്നുകള്‍, സൂചനാ ബോര്‍ഡുകള്‍ എന്നിവ ഒരുക്കുന്നതിനും ഹരിത കര്‍മ്മ സേനയെ നിയോഗിക്കുന്നതിനും യോഗത്തില്‍ നിര്‍ദ്ദേശം നല്‍കി.

ആലപ്പുഴ: ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ആലപ്പുഴ, മാവേലിക്കര പാര്‍ലമെന്റ് മണ്ഡലത്തില്‍ സി- വിജില്‍ ആപ്പ് വഴി ഇന്നലെ (22) വരെ ലഭിച്ചത് 8931 പരാതികളാണ്. ഇതില്‍ 8662 പരാതികളും തീർപ്പാക്കി. വിവിധ കാരണങ്ങളെ തുടർന്ന് 239 പരാതികൾ ഒഴിവാക്കി. 30 പരാതികൾ പരിശോധനയിലാണ്. 7960 പരാതികള്‍ തീര്‍പ്പാക്കിയത് 100 മിനിറ്റിനുള്ളിലാണ്. സ്ഥാനാര്‍ത്ഥികളുടെ ചുവരെഴുത്തുകളും പോസ്റ്ററുകളും അനധികൃതമായി പതിപ്പിച്ചിട്ടുണ്ടെങ്കില്‍ ജനങ്ങള്‍ക്ക് സി-വിജില്‍ ആപ്പ് വഴി പരാതി രേഖപ്പെടുത്താം.

ആലപ്പുഴ: ലോക് സഭാ തിരഞ്ഞെടുപ്പിന്‍റെ ഭാഗമായി പൊതു സ്ഥലങ്ങളില്‍ സ്ഥാപിച്ച 33,135 അനധികൃത  തിരഞ്ഞെടുപ്പു പ്രചാരണബോര്‍ഡുകളും പോസ്റ്ററുകളും ചുവരെഴുത്തുകളും മാതൃക പെരുമാറ്റച്ചട്ട ലംഘനം കണ്ടെത്തിയതിനെത്തുടര്‍ന്ന് ഫ്ലൈയിങ് സ്ക്വാഡുകൾ നീക്കം ചെയ്തു. സര്‍ക്കാര്‍ കെട്ടിടങ്ങളിലും പൊതുമേഖലാസ്ഥാപനങ്ങളുടെ അധീനതയിലുള്ള ഭാഗങ്ങളിലും തിരഞ്ഞെടുപ്പ് പെരുമാറ്റ ചട്ടപ്രകാരം രാഷ്ട്രീയ പോസ്റ്ററുകളും പ്രചാരണ സാമഗ്രികളും പതിക്കുന്നത് വിലക്കിയിട്ടുണ്ട്. സ്വുകാര്യ വ്യക്തിയുടെ ഭൂമിയിലും അനുവാദമില്ലാതെ തിരഞ്ഞെടുപ്പ് പോസ്റ്ററുകളോ എഴുത്തുകളോ പതിക്കുന്നത് വിലക്കിയിട്ടുള്ളതാണ്.

ആലപ്പുഴ: വോട്ടെടിപ്പില്‍ ബഹുജന പങ്കാളിത്തം ഉറപ്പാക്കുന്നതിനായി ആലപ്പുഴയിലെ വോട്ടര്‍ ബോധവത്കരണ പരിപാടിയായ സ്വീപ്പിന്‍റെയും പോലീസ് വകുപ്പിന്‍റെയും നേതൃത്വത്തില്‍ സൈക്കിള്‍ റാലി സംഘടിപ്പിച്ചു.
ആലപ്പുഴ വിജയ പാർക്കിൽ ഡെപ്യൂട്ടി പോലീസ് സൂപ്രണ്ട് കെ.എൽ സജിമോൻ റാലി ഫ്ലാഗ് ഓഫ് ചെയ്തു. വിജയ പാർക്കിൽ നിന്നും ആരംഭിച്ച റാലി നഗരം ചുറ്റി കളക്ടറേറ്റിൽ സമാപിച്ചു. നാൽപത് വിദ്യാർത്ഥികളാണ്  റാലിയിൽ പങ്കെടുത്തത്.

ആലപ്പുഴ : ജില്ല തെരഞ്ഞെടുപ്പ് പ്രചാരണ വിഭാഗമായ സ്വീപ്പിന്റ ആഭിമുഖ്യത്തിൽ സിഗനേച്ചർ ക്യാമ്പയിൻ ആലപ്പുഴ റെയിൽവേ സ്റ്റേഷനിലും നടന്നു. റെയിൽവേ ഡെപ്യൂട്ടി ചീഫ് കൊമേഷ്യൽ മാനേജർ  രാഖി ക്യാമ്പയിൻ ഉദ്ഘാടനം ചെയ്തു. എൽ. എസ്. ജി.ഡി അസിസ്റ്റന്റ് ഡയറക്ടർ ജി.പി ശ്രീജിത്, ജോയിന്റ് ബി. ഡി. ഒ ഹരികുമാർ,സി. പി ജോസഫ് തുടങ്ങിയവർ പങ്കെടുത്തു. ആലപ്പുുഴ ആഘോഷിക്കും, ജനാധിപത്യത്തിന്‍രെ ഉത്സവം എന്നപേരില്‍ കൂടുതല്‍ പേരെ വോട്ടെടുപ്പിന്‍റെ ഭാഗമാക്കാന്‍ പരിപാടികള്‍ സംഘടിപ്പിച്ചുവരുകയാണ് സ്വീപ്പ്.

ആലപ്പുഴ: ഏപ്രിൽ 26ന് നടക്കുന്ന ലോക്സഭ തിരഞ്ഞെടുപ്പിന്റെ പോളിംഗ് ശതമാനം ജനങ്ങളെ വേഗത്തിൽ അറിയിക്കാൻ തിരഞ്ഞെടുപ്പ് കമ്മീഷൻ്റെ വോട്ടർ ടേൺഔട്ട് ആപ്പ്. നിയോജകമണ്ഡലത്തിൽ നിന്നുള്ള പോളിംഗ് ശതമാനം രണ്ടുമണിക്കൂർ ഇടവിട്ട് ഇതിൽ ലഭ്യമാകും. പോളിംഗ് ദിവസത്തിൻ്റെ തൊട്ടടുത്ത ദിവസം ബൂത്ത് തിരിച്ചുള്ള വിവരങ്ങളും പൊതുജനങ്ങൾക്ക് ലഭ്യമാകും.

പോള്‍ മാനേജരും റഡി