കോട്ടയം: കോട്ടയം ലോക്സഭ മണ്ഡലത്തിൽ അവശ്യസർവീസിലെ തപാൽ ബാലറ്റ് വോട്ടെടുപ്പിൽ മൂന്നു ദിവസങ്ങളിലായി 307 പേർ വോട്ടു ചെയ്തു. തിങ്കളാഴ്ച  122 പേർ സമ്മതിദാനാവകാശം രേഖപ്പെടുത്തി. കോട്ടയം ബസേലിയസ് കോളജിലെ പോസ്റ്റൽ വോട്ടിംഗ് സെന്ററിലാണ് അവശ്യസർവീസുകാർക്കുള്ള തപാൽ വോട്ടിങ് കേന്ദ്രം ഒരുക്കിയിരുന്നത്.

കോട്ടയം: കോട്ടയം ലോക്സഭാ മണ്ഡലത്തിലെ സ്ഥാനാർഥികളുടെ തെരഞ്ഞെടുപ്പു പ്രചാരണ ചെലവുകളുടെ മൂന്നാംഘട്ട പരിശോധന ഏപ്രിൽ 23ന് (ചൊവ്വ) രാവിലെ പത്തുമണി മുതൽ വൈകിട്ട് അഞ്ചുമണി വരെ കോട്ടയം കളക്ട്രേറ്റ് വിപഞ്ചിക ഹാളിൽ തെരഞ്ഞെടുപ്പു കമ്മിഷൻ നിയോഗിച്ച ചെലവു നിരീക്ഷകന്റെ സാന്നിധ്യത്തിൽ നടക്കും. സ്ഥാനാർഥികളോ പ്രത്യേകം നിയോഗിക്കപ്പെട്ട ഏജന്റുമാരോ നിശ്ചിത മാതൃകയിൽ തയാറാക്കിയ വരവു ചെലവു കണക്കുകൾ, വൗച്ചറുകൾ, ബില്ലുകൾ, ബാങ്ക് സ്റ്റേറ്റ്‌മെന്റുകൾ എന്നിവ ഹാജരാക്കണം

കോട്ടയം: ലോക്‌സഭ തെരഞ്ഞെടുപ്പിൽ പോളിങ് ഡ്യൂട്ടിക്ക് നിയോഗിക്കപ്പെട്ട ശേഷം നടന്ന പരിശീലനത്തിൽ പങ്കെടുക്കാത്ത കോട്ടയം ജില്ലയിലെ ഉദ്യോഗസ്ഥർക്ക് പരിശീലനം നൽകി. തിങ്കളാഴ്ച ഉച്ചകഴിഞ്ഞ് രണ്ടുമണി മുതൽ അഞ്ചുമണിവരെ കളക്്‌ട്രേറ്റ് കോൺഫറൻസ് ഹാളിലായിരുന്നു പരിശീലനം. പോളിങ് ഉദ്യോഗസ്ഥർക്കുള്ള ആദ്യഘട്ടം പരിശീലനം ഏപ്രിൽ മൂന്നുമുതൽ അഞ്ചുവരെയും  രണ്ടാംഘട്ട പരിശീലനം ഏപ്രിൽ 18,19,20 തിയതികളിലുമായി അതത് നിയോജകമണ്ഡലങ്ങളിലെ പരിശീലനകേന്ദ്രങ്ങളിൽ സംഘടിപ്പിച്ചിരുന്നു.  

കോട്ടയം: കോട്ടയം ജില്ലയിലെ എല്ലാ നിയമസഭാ നിയോജകമണ്ഡലങ്ങളിലും പോളിങ് ഡ്യൂട്ടിയുള്ള ഉദ്യോഗസ്ഥർക്കു ബുധൻ(ഏപ്രിൽ 24) രാവിലെ 10 മണി മുതൽ പരിശീലനകേന്ദ്രങ്ങളിൽ റിഫ്രെഷ്‌മെന്റ് പരിശീലനം നൽകും.  രണ്ടാം ഘട്ട പരിശീലനം ലഭിച്ച കേന്ദ്രങ്ങളിൽ പ്രിസൈഡിങ് ഓഫീസർമാരും പോളിങ് ഓഫീസർമാരും അന്നേദിവസം പരിശീലനത്തിനു ഹാജരാകണമെന്ന് ജില്ലാതെരഞ്ഞെടുപ്പ് ഓഫീസറായ ജില്ലാ കളക്ടർ വി. വിഗ്‌നേശ്വരി അറിയിച്ചു. 

പരിശീലനകേന്ദ്രങ്ങൾ (നിയമസഭാമണ്ഡലം തിരിച്ച്) ചുവടെ:

കോട്ടയം: കോട്ടയം ലോക്സഭാ മണ്ഡലത്തിൽ അസന്നിഹിത വോട്ടർമാർക്കുള്ള വോട്ടെടുപ്പിൽ 10545 പേർ വീടുകളിൽ വോട്ട് ചെയ്തു. ഏപ്രിൽ 20 വരെയുള്ള കണക്കാണിത്. 85 വയസു പിന്നിട്ടവർക്കും ഭിന്നശേഷിക്കാർക്കുമാണ് വീട്ടിൽ വോട്ടിന് സൗകര്യമൊരുക്കിയിരുന്നത്. 85 വയസു പിന്നിട്ട 8136 പേരും ഭിന്നശേഷിക്കാരായ 2379 പേരുമാണ് വോട്ട് ചെയ്തത്. 
 

കോട്ടയം: ലോക്സഭ തെരഞ്ഞെടുപ്പുമായി ബന്ധപ്പെട്ട് ജില്ലയിൽ പോളിങ് ബൂത്തുകളിലേക്ക് നിയോഗിച്ചിട്ടുള്ള  ഉദ്യോഗസ്ഥർക്ക് വിതരണം ചെയ്യാൻ വാടകയ്ക്ക് പായ നൽകുന്നതിന് മുദ്രവച്ച ക്വട്ടേഷൻ  ക്ഷണിച്ചു.  4'x 6' അളവിലുള്ള 7820 പ്ലാസ്റ്റിക് പായകളാണ് ലഭ്യമാക്കേണ്ടത്. ഏപ്രിൽ  24ന് വൈകിട്ട് അഞ്ചിനകം മുഴുവൻ പായകളും എത്തിക്കണം.   ക്വട്ടേഷനുകൾ ഏപ്രിൽ 22ന് ഉച്ചയ്ക്ക് 12നകം  കോട്ടയം ജില്ലാ കളക്ടറുടെ കാര്യാലയത്തിലെ ജില്ലാ ഇലക്ഷൻ ഓഫീസിൽ നൽകണം.വിശദവിവരങ്ങൾക്ക് ജില്ലാ ഇലക്ഷൻ ഓഫീസിലോ 0481 2560085 എന്ന ഫോൺ നമ്പരിലോ ബന്ധപ്പെടുക

കോട്ടയം: ലോക്സഭ തെരഞ്ഞെടുപ്പിൻ്റെ പോളിങ് ഡ്യൂട്ടിക്ക് നിയോഗിക്കപ്പെട്ട ശേഷം നടന്ന പരിശീലനത്തിൽ പങ്കെടുക്കാത്ത കോട്ടയം ജില്ലയിലെ ഉദ്യോഗസ്ഥർക്ക് തിങ്കളാഴ്ച (ഏപ്രിൽ 22 ) പരിശീലനം നൽകുന്നു. ഉച്ചകഴിഞ്ഞ് രണ്ടിന്  കളക്ടറേറ്റിലെ വിപഞ്ചിക ഹാളിലാണ്  പരിശീലനം. മുമ്പ് നടന്ന പരിശീലനത്തിൽ പങ്കെടുക്കാത്ത ഉദ്യോഗസ്ഥർ നിർബന്ധമായും ഇതിൽ പങ്കെടുക്കണമെന്നും അല്ലാത്ത പക്ഷം കർശന നടപടിയെടുക്കുമെന്നും ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടർ വി. വിഗ്‌നേശ്വരി അറിയിച്ചു.

.