കോവിഡ് 19: ജില്ലയില്‍ 4963 പേര്‍ ചികിത്സയില്‍

കോവിഡ് 19 ബാധിതരായി  ജില്ലയില്‍ നിലവില്‍ 4963 പേരാണ് ചികിത്സയിലുള്ളത്.  ഇന്ന് (നവംബർ 18) ജില്ലയില്‍ 377 പേര്‍ക്കാണ് രോഗം സ്ഥിരീകരിച്ചത്. ഇന്ന് 118 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 87533 സാമ്പിളുകള്‍ പരിശോധനയ്ക്കായി അയച്ചതില്‍ 85905 പരിശോധനാ ഫലങ്ങളാണ് ലഭ്യമായത്. ഇന്ന് 519 പരിശോധനാ ഫലങ്ങളാണ് ലഭിച്ചത്. പുതുതായി 488 സാമ്പിളുകൾ അയച്ചു. 33277 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 27971 പേർ രോഗമുക്തി നേടി. ഇനി 477 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

ഇതുവരെ 193552 പേരാണ് നിരീക്ഷണ കാലാവധി പൂര്‍ത്തിയാക്കിയത്. ഇതില്‍ ഇന്ന് മാത്രം 838 പേര്‍ ക്വാറന്റൈന്‍ പൂര്‍ത്തിയാക്കി. ജില്ലയിൽ 15042 പേർ  വീടുകളിൽ നിരീക്ഷണത്തില്‍ തുടരുന്നുണ്ട്.

24*7 കോള്‍ സെന്റര്‍ നമ്പര്‍ 0491 2505264, 2505189, 2505847