സായുധസേനാ പതാക ദിനാചരണം ഏഴിന്

രാഷ്ട്രത്തിന് വേണ്ടി ജീവ്യൻ ത്യജിച്ച ധീരസൈനികരോടുള്ള ആദര സൂചകമായും വിമുക്തഭടൻമാരുടെയും സായുധ സേനാംഗങ്ങളുടെയും സേവനത്തെ സ്മരിച്ചും സായുധസേനാ പതാക ദിനാചരണം ഡിസംബർ ഏഴിന് കണ്ണൂരിൽ നടക്കും. രാവിലെ 10.15ന് കലക്ടറേറ്റ് ഓഡിറ്റോറിയത്തിൽ രജിസ്‌ട്രേഷൻ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. എഡിഎം സി പദ്മചന്ദ്രക്കുറുപ്പ് അധ്യക്ഷനാവും. റിട്ട. വിങ് കമാൻഡർ പി എ വിജയൻ സായുധസേനാ പതാകദിന സന്ദേശം നൽകും. തുടർന്ന് വിമുക്തഭട സെമിനാർ നടക്കും. രാവിലെ 9.30ന് കണ്ണൂരിലെ യുദ്ധസ്മാരകത്തിൽ പുഷ്പചക്രം സമർപ്പിക്കും.