അപേക്ഷ ക്ഷണിച്ചു

ശ്രീ അയ്യൻകാളി മെമ്മോറിയൽ ടാലന്റ് സേർച്ച് ആൻഡ് ഡെവലപ്മെന്റ് പദ്ധതിയിലേക്ക് അപേക്ഷ ക്ഷണിച്ചു. 2025-2026  അധ്യയന വർഷം സർക്കാർ/ എയ്ഡഡ് സ്‌കൂളുകളിൽ പഠിക്കുന്ന അഞ്ച്, എട്ട് ക്ലാസ്സുകളിൽ പഠിക്കുന്നതും നാല്, ഏഴ് ക്ലാസ്സുകളിൽ എല്ലാ വിഷയങ്ങൾക്കും എ ഗ്രേഡ് ലഭിച്ചവരുമാരായ പട്ടികജാതി വിദ്യാർഥികൾക്ക് സ്‌കോളർഷിപ്പിന് അപേക്ഷിക്കാം. അഞ്ചാം ക്ലാസ് വിദ്യാർഥികൾ നാലാം ക്ലാസിലെ വാർഷിക പരീക്ഷയുടെ മാർക്ക് ലിസ്റ്റും എട്ടാം  ക്ലാസ് വിദ്യാർഥികൾ ഏഴാം ക്ലാസ്സിലെ വാർഷിക പരീക്ഷയുടെ മാർക്ക് ലിസ്റ്റും അപേക്ഷയോടൊപ്പം നൽകണം. കോർപറേഷൻ/ബ്ലോക്ക് / മുനിസിപ്പാലിറ്റി പട്ടികജാതി വികസന ഓഫീസുകളിൽ നിന്ന് അപേക്ഷാഫോം ലഭിക്കും. അപേക്ഷയും അനുബന്ധ രേഖകളും സ്‌കൂളിൽ നിന്നുള്ള സാക്ഷ്യപത്രവും സഹിതം ജൂലൈ 28 ന് മുൻപായി  ബന്ധപ്പെട്ട കോർപറേഷൻ/ ബ്ലോക്ക് /മുനിസിപ്പാലിറ്റി പട്ടികജാതി വികസന ഓഫീസുകളിൽ നൽകണം. വിശദവിവരങ്ങൾക്ക് ഫോൺ: 0481-2562503.