നവകേരളം സിറ്റിസണ് റെസ്പോണ്സ് പ്രോഗ്രാം: കര്മ്മ സേനാംഗങ്ങള്ക്കുള്ള പരിശീലന പരിപാടി നടന്നു
നവകേരളം സിറ്റിസണ് റെസ്പോണ്സ് പ്രോഗ്രാം വികസന ക്ഷേമ പഠന പരിപാടിയുടെ ഭാഗമായി ഒറ്റപ്പാലം മണ്ഡലത്തിലെ കര്മ്മ സേനാംഗങ്ങള്ക്കുള്ള പരിശീലന പരിപാടി നടന്നു. പൂക്കോട്ടുകാവ്, കടമ്പഴിപ്പുറം ഗ്രാമ പഞ്ചായത്തുകളിലെ കര്മ്മ സേനാംഗങ്ങള്ക്കാണ് പരിശീലനം നല്കിയത്.
ജനങ്ങളില് നിന്ന് വികസന നിര്ദ്ദേശങ്ങളും ക്ഷേമ പദ്ധതികള് സംബന്ധിച്ച അഭിപ്രായങ്ങളും ആശയങ്ങളും ലഭ്യമാക്കുന്നതിനും പ്രാദേശികമായി വികസന ആവശ്യങ്ങള് മനസ്സിലാക്കി ആസൂത്രണം നടത്തുന്നതിനുമായി അഭിപ്രായങ്ങള് സമാഹരിക്കുകയാണ് പരിപാടിയുടെ ലക്ഷ്യം. ഇതിന്റെ തുടര്ച്ചയായി ജനുവരി 31 വരെ ഗൃഹ സന്ദര്ശന പരിപാടി നടക്കും.
കടമ്പഴിപ്പുറം പഞ്ചായത്ത് ഹാളില് നടന്ന പരിപാടിയില് മണ്ഡലതല ചാര്ജ്ജ് ഓഫീസര് കെ. ആര് ശ്രീലത പരിപാടിയുടെ വിശദീകരണം നല്കി. പഞ്ചായത്ത് തല കമ്മിറ്റിയംഗമായ കെ.എസ് ശ്രീജിത്ത്, കില റിസോഴ്സ് പേഴ്സണ്മാരായ ശ്രീനിവാസന്, സി.ആര് മണികണ്ഠന്, രവിചന്ദ്രന്,എന്നിവര് പരിശീലന പരിപാടിയ്ക്ക് നേതൃത്വം നല്കി.
- Log in to post comments