അക്ഷരോന്നതി  പുസ്തക വിതരണോദ്ഘാടനം

തദ്ദേശസ്വയംഭരണ വകുപ്പിൻ്റെയും പട്ടികജാതി - പട്ടികവർഗ വികസന വകുപ്പിൻ്റെയും ആഭിമുഖത്തിൽ  വിദ്യാർത്ഥികളിൽ വായനാശീലം വളർത്തുകയെന്ന ലക്ഷ്യത്തോടെ നടത്തുന്ന  പദ്ധതിയായ അക്ഷരോന്നതിയുടെ  ജില്ലാതല പുസ്തക വിതരണോദ്ഘാടനം അടിമാലി ബ്ലോക്ക്‌ പഞ്ചായത്ത്‌ ഹാളിൽ സംഘടിപ്പിച്ചു. അക്ഷരോന്നതി ജില്ലാ ജോയിന്റ് ഡയറക്ടർ അജേഷ് ടി.ജെ പരിപാടി  ഉദ്ഘാടനം ചെയ്തു. അടിമാലി ബ്ലോക്ക്‌  പഞ്ചായത്ത്‌  പ്രസിഡന്റ്‌ വി.കെ മോഹനൻ നായർ  അധ്യക്ഷത വഹിച്ചു.
വിവിധ ഉന്നതികളിൽ നിന്ന് പരിപാടിയിൽ പങ്കെടുത്ത വിദ്യാർഥികൾക്ക്  പുസ്തകങ്ങളും വിതരണം ചെയ്തു.
ഉന്നതികളിലെ വായനാശീലം വളർത്തുന്നതിന് ബ്ലോക്ക് പഞ്ചായത്ത് പദ്ധതി ഏറ്റെടുത്ത് പുസ്തകങ്ങൾ വിതരണം ചെയ്യുമെന്ന് ബ്ലോക്ക് പഞ്ചായത്ത് പ്രസിഡന്റ് വി.കെ മോഹനൻ നായർ പറഞ്ഞു. അടിമാലി ബ്ലോക്ക് പഞ്ചായത്ത് പരിധിയിൽ നിന്നും സമാഹരിച്ച 542 പുസ്തകങ്ങൾ സാമൂഹിക പഠനമുറികളിലേക്കും വിജ്ഞാന വാടികളിലേക്കും കൈമാറി.  കുട്ടികളുടെ വിവിധ കലാപരിപാടികളും അരങ്ങേറി.

യോഗത്തിൽ രാഷ്ട്രീയ ഗ്രാമ സ്വരാജ് അഭിയാൻ (RGSA) അടിമാലി ബ്ലോക്ക് കോ-ഓർഡിനേറ്റർ  രാഹുൽ ദേവദാസ്,
ബ്ലോക്ക്‌ പഞ്ചായത്ത്‌ വൈസ് പ്രസിഡന്റ്‌ മിനി ബിജു, കമ്യൂണിറ്റി ഡെവലപ്മെന്റ് എക്സ്പർട്ട് അഖിലേഷ് അയ്യപ്പൻ, ഡെപ്യൂട്ടി ഡയറക്ടർ അനീസ് ജി, ഐവിഒ മാരായ അബ്ദുൾസമദ് പി.എം, ജോസഫ് ടി.എഫ് , ബ്ലോക്ക് പഞ്ചായത്ത് സെക്രട്ടറി നിസ്സാർ സി.എ, ജോയിന്റ് ബിഡിഒ ജയകൃഷ്ണൻ എന്നിവർ സംസാരിച്ചു.

ചിത്രം: അക്ഷരോന്നതി പുസ്തക വിതരണോദ്ഘാടനത്തിൽ നിന്ന്