പ്രമോദ് കുമാർ കെ.ആർ. കേരള മീഡിയ അക്കാദമി സെക്രട്ടറി

കേരള മീഡിയ അക്കാദമി  സെക്രട്ടറിയായി  പ്രമോദ് കുമാർ കെ.ആർ. ചുമതലയേറ്റു. കോട്ടയം വൈക്കം സ്വദേശിയാണ്. ഇൻഫർമേഷൻ - പബ്ലിക് റിലേഷൻസ് വകുപ്പിന്റെ കോട്ടയം മേഖലാ ഡെപ്യൂട്ടി ഡയറക്ടറായി പ്രവർത്തിച്ചു വരികയായിരുന്നു പ്രമോദ് കുമാർ. ആലപ്പുഴ, ഇടുക്കി ജില്ലാ ഇൻഫർമേഷൻ ഓഫീസറായും വകുപ്പ് ആസ്ഥാനത്ത് പരസ്യം വിഭാഗം ഇൻഫർമേഷൻ ഓഫീസറായും പത്രപ്രവർത്തക - പത്രപ്രവർത്തകേതരപെൻഷൻ വിഭാഗം ഡെപ്യൂട്ടി ഡയറക്ടറായും സേവനമനുഷ്ഠിച്ചിട്ടുണ്ട്. മുമ്പ് അക്കാദമിയിൽ അസിസ്റ്റന്റ് സെക്രട്ടറിയായും പ്രവർത്തിച്ചിട്ടുണ്ട്.

അസിസ്റ്റന്റ് സെക്രട്ടറിയായി എൻ ബി ബിജുവും ചുമതലയേറ്റു. എറണാകുളം ജില്ലാ ഇൻഫർമേഷൻ ഓഫീസറായി പ്രവർത്തിച്ചുവരുകയായിരുന്നു.  കുറവിലങ്ങാട് ഇലക്കാട് സ്വദേശിയാണ്.

പി.എൻ.എക്‌സ്. 1936/2026