സ്വയംതൊഴിൽ പദ്ധതികളിലേക്ക് അപേക്ഷ ക്ഷണിച്ചു

മലപ്പുറം ജില്ലാ എംപ്ലോയ്മെന്റ്റ് എക്സ്ചേഞ്ച് മുഖേന യുവ സംരംഭകർക്കായി നടപ്പാക്കുന്ന കെസ്‌റു, മൾട്ടിപർപ്പസ് ജോബ്ക്ലബ് എന്നീ പദ്ധതികളിലേക്ക് അപേക്ഷ ക്ഷണിച്ചു. ഈ വർഷം പുതിയ സംരംഭങ്ങൾ തുടങ്ങാൻ ആഗ്രഹിക്കുന്നവർക്ക് കെസ്‌റു പദ്ധതി പ്രകാരം ഒരു ലക്ഷം രൂപ വരെ ബാങ്ക് വായ്പ ലഭിക്കും. വായ്പ തുകയുടെ 20 ശതമാനം സബ്‌സിഡി ലഭിക്കും. 21നും 50നും ഇടയിൽ പ്രായമുള്ള കുടുംബ വാർഷിക വരുമാനം ഒരു ലക്ഷം വരെ ഉള്ളവർക്ക് അപേക്ഷിക്കാം. സംയുക്ത സംരംഭങ്ങളും അനുവദിക്കുന്നതാണ്. മൾട്ടിപർപ്പസ് ജോബ് ക്ലബ് പദ്ധതി പ്രകാരം 10 ലക്ഷം രൂപയുടെ പ്രോജക്ട് കൾക്ക് ബാങ്ക് വായ്പ അനുവദിക്കും. 25 ശതമാനം (പരമാവധി രണ്ട് ലക്ഷം ) സബ്‌സിഡി ലഭിക്കും. 21നും 45നും മദ്ധ്യേ പ്രായമുള്ള രണ്ടിൽ കുറയാത്ത അംഗങ്ങളുള്ള കൂട്ടായ്മക്കാണ് അവസരം. നൂതന ആശയങ്ങൾക്ക് മുൻഗണന. ഫോൺ: 0483 2734737.