207 ലിറ്റര്‍ മദ്യവുമായി രണ്ട് പേര്‍ പിടിയില്‍
ഓപ്പറേഷന്‍ 'ഡി ഹണ്ടി'ന്റെ ഭാഗമായി കാറില്‍ അനധികൃതമായി കടത്തിയ 207 ലിറ്റര്‍ മദ്യവുമായി രണ്ട് പേര്‍ പടിയില്‍. അമ്പലപ്പാറ സ്വദേശികളായ
കാളിയന്‍ പറമ്പില്‍ വീട്ടില്‍ ശരത്ത്(28), മൂച്ചിക്കുണ്ടില്‍ വീട്ടില്‍ പ്രകാശന്‍(37) എന്നിവരാണ് പിടിയിലായത്. 270 ബോട്ടിലുകളിലായാണ് മദ്യം എത്തിച്ചത്. മദ്യം കടത്തിയ കാര്‍ പൊലീസ് പിടിച്ചെടുത്തു. ഒറ്റപ്പാലം പൊലീസും പാലക്കാട് ജില്ലാ ലഹരി വിരുദ്ധ സ്‌ക്വാഡും നടത്തിയ പരിശോധനയിലാണ് വാണിയംകുളം കോതകുറുശ്ശി റോഡില്‍ കരുമാനാംകുന്ന് കുണ്ടടിയില്‍ പൊലീസ് മദ്യം പിടികൂടുന്നത്.
പാലക്കാട് ജില്ലാ പോലീസ് മേധാവി അജിത്ത് കുമാര്‍ ഐ.പി.എസിന്റെ നിര്‍ദ്ദേശപ്രകാരം ഷൊര്‍ണൂര്‍ ഡി.വൈ.എസ്.പി. ആര്‍. മനോജ്കുമാര്‍, പാലക്കാട് നാര്‍ക്കോട്ടിക് സെല്‍ ഡി.വൈ.എസ്.പി അബ്ദുള്‍ മുനീര്‍ എന്നിവരുടെ നേത്യത്വത്തില്‍ എ.എസ്. പി. അച്ചുത് അശോക് ഐ.പി.എസ് , സബ്ബ് ഇന്‍സ്പെക്ടര്‍ എം. സുനില്‍ എന്നിവരുടെ സംഘമാണ് പിടികൂടിയത്.
- Log in to post comments