ലാബറട്ടറി ടെക്നീഷ്യൻ / ലാബറട്ടറി അസിസ്റ്റന്റ് ഗ്രേഡ് II: അഭിമുഖം ഓഗസ്റ്റ് 19-ന്

മൃഗസംരക്ഷണ വകുപ്പിൽ ലാബറട്ടറി ടെക്നീഷ്യൻ ഗ്രേഡ് II / ലാബറട്ടറി അസിസ്റ്റന്റ് ഗ്രേഡ് II (കാറ്റഗറി നമ്പർ: 614/2024) തസ്തികയിലേക്ക് 2026 ഏപ്രിൽ 27-ന് പ്രസിദ്ധീകരിച്ച ചുരുക്കപ്പട്ടികയിൽ (14/2026/ഡി.ഒ.ആർ) ഉൾപ്പെട്ട യോഗ്യരായ ഉദ്യോഗാർത്ഥികൾക്കുള്ള അഭിമുഖം നടത്തുന്നു. ഓഗസ്റ്റ് 19-ന് കേരള പബ്ലിക് സർവീസ് കമ്മീഷൻ എറണാകുളം ജില്ലാ ഓഫീസിലാണ് അഭിമുഖം നടത്തുക.

ഉദ്യോഗാർത്ഥികൾക്ക് ഇതുസംബന്ധിച്ച എസ്.എം.എസ്, പ്രൊഫൈൽ സന്ദേശം എന്നിവ നൽകിയിട്ടുണ്ട്. ഉദ്യോഗാർത്ഥികൾ അഡ്മിഷൻ ടിക്കറ്റ് ഡൗൺലോഡ് ചെയ്ത് നിശ്ചിത സമയത്തും സ്ഥലത്തും ആവശ്യമായ രേഖകൾ സഹിതം ഹാജരാകണം.