ആസാദി കാ അമൃത് മഹോത്സവ് - സ്വാതന്ത്ര്യസമരചരിത്രക്വിസ് മത്സരം ഞായറാഴ്ച നടക്കും

ആസാദി കാ അമൃത് മഹോത്സവിനോട് അനുബന്ധിച്ച് കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് യുപി-ഹൈസ്‌കൂൾ കുട്ടികൾക്കായി സംഘടിപ്പിക്കുന്ന സ്വാതന്ത്ര്യസമരചരിത്രക്വിസ് മത്സരം 2022 ആഗസ്റ്റ് 7 ഞായറാഴ്ച  രാവിലെ 11ന് തിരുവനന്തപുരം എസ് എം വി സ്‌കൂളിൽ നടക്കും. പങ്കെടുക്കാൻ രജിസ്റ്റർ ചെയ്തിട്ടുള്ള കുട്ടികൾ സ്‌കൂൾ ഐഡി കാർഡോ പ്രധാന അധ്യാപകനിൽനിന്നുള്ള സാക്ഷ്യപത്രമോ സഹിതം അന്നേദിവസം രാവിലെ പത്തുമണിക്കു മുൻപ് തിരുവനന്തപുരം എസ് എം വി ഗവൺമന്റ് മോഡൽ ഹയർ സെക്കൻഡറി സ്‌കൂളിൽ ഹാജരാകേണ്ടതാണ്. കുട്ടികളുടെ രജിസ്‌ട്രേഷൻ നമ്പറുകൾ https://ksicl.org/india75quiz/ എന്ന ലിങ്കിൽ ലഭ്യമാണ്. പരിപാടിയോട് അനുബന്ധിച്ച് ബാലസാഹിത്യ ഇൻസ്റ്റിറ്റ്യൂട്ട് പുസ്തകങ്ങളുടെ പ്രദർശനവും വിൽപ്പനയും അൻപതുശതമാനം വിലക്കിഴിവിൽ സ്‌കൂളിൽ ഒരുക്കിയിട്ടുണ്ട്. തളിര് സ്‌കോളർഷിപ്പിൽ ചേരാനുള്ള രജിസ്‌ട്രേഷൻ കൗണ്ടറും അന്നേ ദിവസം സ്‌കൂളിൽ പ്രവർത്തിക്കുന്നതാണ്.
പി.എൻ.എക്സ്. 3524/2022