*പ്ലാസ്റ്റിക് ഉൽപ്പന്നങ്ങൾ പിടിച്ചെടുത്തു*

നിരോധിത പ്ലാസ്റ്റിക് ഉൽപ്പന്നങ്ങൾ സൂക്ഷിച്ചതിന് തൊണ്ടർനാട് ഗ്രാമപഞ്ചായത്തിലെ  വി വൺ വെജിറ്റബിൾ ആൻഡ് ഫ്രൂട്സ് മക്കിയാട്, ചോമ്പാൽ ഫ്രഷ് ഫിഷ് മറച്ചുവട് എന്നീ സ്ഥാപനങ്ങളിൽ നിന്ന് ജില്ലാ എൻഫോഴ്സ്മെൻ്റ് സ്ക്വാഡ് 20000 രൂപ പിഴ ഈടാക്കി. ജില്ലാ എൻഫോഴ്സ്മെന്റ് സ്‌ക്വാഡിന്റെ മിന്നൽ പരിശോധനയിലാണ് നിരോധിത പ്ലാസ്റ്റിക് ഉൽപ്പന്നങ്ങൾ പിടിച്ചത്. ജില്ലാ എൻഫോഴ്സ്മെൻ്റ് സ്ക്വാഡ് ലീഡർ ടി കെ സുരേഷ്, സ്ക്വാഡ് അംഗം എം ബി ലീബ, എം ദേവേന്ദു, തൊണ്ടർനാട് ഗ്രാമപഞ്ചായത്ത് ഹെൽത്ത് ഇൻസ്പെക്ടർ അക്ഷര ജ്യോതി എന്നിവർ പരിശോധനയ്ക്ക് നേതൃത്വം നൽകി.