സംസ്ഥാന മലിനീകരണ നിയന്ത്രണ ബോർഡ് പുരസ്‌കാരങ്ങൾക്ക് അപേക്ഷിക്കാം

മലിനീകരണ നിയന്ത്രണ പ്രവർത്തനരംഗത്ത് മികച്ച പ്രകടനം കാഴ്ചവച്ചതിന് തിരഞ്ഞെടുത്ത മേഖലകൾക്ക് കീഴിലുള്ള യൂണീറ്റുകൾക്ക് നൽകുന്ന മലിനീകരണ നിയന്ത്രണ ബോർഡ് അവാർഡിനായി അപേക്ഷിക്കാം. മലിനീകരണ നിയന്ത്രണം, പരിസ്ഥിതി സംരക്ഷണം, മിഷൻ ലൈഫ് ലക്ഷ്യങ്ങൾ നേടിയെടുക്കൽ എന്നീ മേഖലകളിൽ മികവ് പുലർത്താനുള്ള മനോഭാവം സ്ഥാപനങ്ങൾക്കിടയിൽ സൃഷ്ടിക്കുന്നതിനാണ് അവാർഡ്, വ്യവസായശാലകൾ (വൻകിടം, ഇടത്തരം, ചെറുകിടം), സ്റ്റോൺ ക്രഷർ, ഡയറി വ്യവസായം, ആശുപതികൾ (സർക്കാർ, സ്വകാര്യ), വേസ്റ്റ് മാനേജ്‌മെന്റ് ഫെസിലിറ്റീസ് (യൂസ്ഡ് ഓയിൽ / വേസ്റ്റ് ഓയിൽ റീസൈക്ലിങ് യൂണിറ്റ്, വേസ്റ്റ് ടയർ റീസൈക്ലിങ് യൂണിറ്റ്, പ്ലാസ്റ്റിക് വേസ്റ്റ് റീസൈക്ലിങ് യൂണിറ്റ്, റെൻഡറിങ് പ്ലാന്റ്, കോമൺ ബയോ-മെഡിക്കൽ വേസ്റ്റ് ട്രീറ്റ്മെന്റ് പ്ലാന്റ്) തദ്ദേശസ്വയംഭരണ സ്ഥാപനങ്ങൾ (കോർപ്പറേഷൻ & മുനിസിപ്പാലിറ്റി), ഹോട്ടൽ, റിസോർട്ട്‌സ്, പ്രിന്റ് ആൻഡ് വിഷ്വൽ മീഡിയ, എയർപോർട്ട്, റെയിൽവേ സ്റ്റേഷൻ, സീപ്പോർട്ട്, വിദ്യാഭ്യാസ സ്ഥാപനങ്ങൾ, വാട്ടർ തീം പാർക്ക്, ആരാധനാലയങ്ങൾ, ബസ്സ് ടെർമിനൽ (കൊമേഴ്‌സ്യൽ സ്‌പേസ് ഡിപ്പോ, സർവീസ് സ്റ്റേഷൻ തുടങ്ങിയ സംയോജിത സൗകര്യങ്ങളോടെ), CETP, CSTP, FSTP, റസിഡൻഷ്യൽ അപ്പാർട്ട്മെന്റസ്, ഹരിത വിദ്യാലയം എന്നീ മേഖലകളിലാണ് പുരസ്കാരം നൽകുന്നത്. ട്രോഫിയും സർട്ടിഫിക്കറ്റും അടങ്ങുന്നതാണ് അവാർഡ്. അപേക്ഷ ഫോറം kspcb.kerala.gov.in ൽ ലഭ്യമാണ്. പൂരിപ്പിച്ച അപേക്ഷ keralastatepcbawards@gmail.com എന്ന ഈ-മെയിൽ ഐഡിയിൽ മെയ് 20 ന് മുൻപ് സമർപ്പിക്കണം. വിശദവിവരങ്ങൾക്ക്: 0471 – 2312910, 2318153, 2318154, 2318155.

പി.എൻ.എക്‌സ്. 1432/2026