വിനോദ സഞ്ചാര വാരാഘോഷത്തിന്റെ ഭാഗമായി ജില്ലാ ടൂറിസം പ്രൊമോഷൻ കൗൺസിലും എന്റെ താനൂരും സംയുക്തമായി നടത്തുന്ന അഖില കേരള വടംവലി മത്സരം ഇന്ന് (ആഗസ്റ്റ് 31) വൈകീട്ട് അഞ്ചു മണി മുതൽ ഉണ്യാൽ ഫിഷറീസ് സ്റ്റേഡിയത്തിൽ നടക്കും. മന്ത്രി വി.അബ്ദുറഹിമാൻ ഉദ്ഘാടനം ചെയ്യും.

തലശ്ശേരി മഹിളാമന്ദിരത്തിൽ ഓണാഘോഷം നടത്തി. നഗരസഭാ ചെയർപേഴ്‌സൺ ജമുനറാണി ടീച്ചർ ഓണക്കോടി വിതരണം ചെയ്തു. നഗരസഭാ ക്ഷേമകാര്യ സ്റ്റാന്റിങ്് കമ്മിറ്റി ചെയർമാനും മഹിളാമന്ദിരം മാനേജ്‌മെന്റ് കമ്മിറ്റി ചെയർമാനുമായ ടി സി അബ്ദുൾ ഖിലാബ് അധ്യക്ഷത വഹിച്ചു. സ്ഥാപന സൂപ്രണ്ട് എം ഷീജ, മാനേജ്‌മെന്റ് കമ്മിറ്റി അംഗങ്ങളായ വിനയരാജ്, കെ പി സുരാജ്, വാഴയിൽ വാസു, കാന്തലോട്ട് വത്സൻ, വാഴയിൽ ലക്ഷ്മി, പ്രമീള ടീച്ചർ എന്നിവർ പങ്കെടുത്തു.

 മലപ്പുറം കെ.എസ്.ആർ.ടി.സി ബസ് ടെർമിനൽ കം ഷോപ്പിങ് കോംപ്ലക്സ് നിർമ്മാണം പൂർത്തീകരിക്കുന്നതിനായി എം.എൽ.എയുടെ 2022-23 വർഷത്തെ മണ്ഡലം ആസ്തി വികസന ഫണ്ടിൽ നിന്നും അനുവദിച്ച രണ്ട് കോടി രൂപയുടെ പ്രവൃത്തികൾ ഇന്ന് (ആഗസ്റ്റ് 31 ന് വ്യാഴാഴ്ച) രാവിലെ 9.30 ന് ആരംഭിക്കുമെന്ന് പി. ഉബൈദുള്ള എം.എൽ.എ അറിയിച്ചു.

ശ്രീകണ്ഠപുരം നഗരസഭയിൽ അമൃത് 20ൽ ഉൾപ്പെടുത്തി നടപ്പാക്കുന്ന മടമ്പം കുടിവെള്ള പദ്ധതിക്കുള്ള ഡി പി ആർ തയ്യാറാക്കി സമർപ്പിക്കാൻ താൽപര്യമുള്ള കൺസൾട്ടന്റുമാരിൽ നിന്നും താൽപര്യപത്രം ക്ഷണിച്ചു. വിശദാംശങ്ങൾ നഗരസഭയുടെ നോട്ടീസ് ബോർഡിലും വെബ്‌സൈറ്റിലും ലഭിക്കും. അവസാന തീയതി സെപ്റ്റംബർ 11. ഫോൺ: 0460 2230261, 9188955308.

ആറൻമുള വാസ്തുവിദ്യാ ഗുരുകുലത്തിൽ വാസ്തുശാസ്ത്രത്തിൽ നാലുമാസ  ഹ്രസ്വകാല സർട്ടിഫിക്കറ്റ് കോഴ്‌സിന്റെ   ഒക്ടോബർ മാസത്തിൽ തുടങ്ങുന്ന പുതിയ ബാച്ചിലേക്ക് അപേക്ഷ ക്ഷണിച്ചു. യോഗ്യത: ഐ ടി ഐ സിവിൽ ഡ്രാഫ്റ്റ്‌സ്മാൻ, കെ ജി സി ഇ, സിവിൽ എഞ്ചിനീയറിങ്, ഐ  ടി ഐ ആർക്കിടെക്ചറൽ അസിസ്റ്റൻസ്ഷിപ്പ് അല്ലെങ്കിൽ ഡിപ്ലോമ ഇൻ സിവിൽ എഞ്ചിനീയറിങ്, ആർക്കിടെക്ചർ, പ്രൊഫഷണൽ ഡിപ്ലോമ ഇൻ സിവിൽ ആന്റ് കൺസ്ട്രക്ഷൻ എഞ്ചിനീയറിങ്.

കണ്ണൂർ താലൂക്ക് വികസന സമിതി യോഗം സെപ്റ്റംബർ രണ്ടിന് രാവിലെ 11 മണിക്ക് താലൂക്ക് ഓഫീസ് കോൺഫറൻസ് ഹാളിൽ ചേരും.

ജില്ലാ വിദ്യാഭ്യാസ ഓഫീസിന്റെ  പരിധിയിൽ വരുന്ന സ്‌കൂളുകളിൽ മെയ് 30, 31 തീയതികളിൽ നടന്ന മാർച്ച് 2023 കെ ടെറ്റ് പരീക്ഷയും മുൻ വർഷങ്ങളിൽ നടന്ന കെ ടെറ്റ് പരീക്ഷയും (കാറ്റഗറി ഒന്ന്, രണ്ട്, മൂന്ന്, നാല്) വിജയിച്ചവരുടെ യോഗ്യത സർട്ടിഫിക്കറ്റുകളുടെ അസ്സൽ പരിശോധന സെപ്റ്റംബർ നാല് മുതൽ എട്ട് വരെ കണ്ണൂർ ജി വി എച്ച് എസ് എസ് (സ്‌പോർട്‌സ്)ൽ രാവിലെ 10 മുതൽ വൈകിട്ട് മൂന്ന് മണി വരെ നടത്തും.

കണ്ണൂർ ഗവ.എഞ്ചിനീയറിങ് കോളേജിലെ കണ്ടിന്യൂയിങ് എജുക്കേഷൻ സെന്ററിനു കീഴിൽ ഇലക്ട്രിക്കൽ ആന്റ് ഇലക്ട്രോണിക്‌സ് എഞ്ചിനീയറിങ് വിഭാഗം അവധി ദിവസങ്ങളിൽ തുടങ്ങുന്ന ഇലക്ട്രിക്ക് വെഹിക്കിൾ ബാറ്ററി അസംബ്ലിങ് ആന്റ് റിപ്പയറിങ് കോഴ്‌സിന് അപേക്ഷ ക്ഷണിച്ചു.  

ജില്ലയിലെ ഒരു സർക്കാർ സ്ഥാപനത്തിൽ ഡാറ്റ എൻട്രി ഓപ്പറേറ്റർ തസ്തികയിൽ ഓപ്പൺ വിഭാഗത്തിനായി സംവരണം ചെയ്ത ഒരു താൽക്കാലിക ഒഴിവുണ്ട്. യോഗ്യത: ബിരുദവും, ഡാറ്റാ മാനേജ്മെന്റിൽ മൂന്ന് വർഷം പ്രവൃത്തി പരിചയം. പ്രായപരിധി 40 വയസ്സ്. ഉദ്യോഗാർഥികൾ എല്ലാ അസ്സൽ സർട്ടിഫിക്കറ്റുകളുമായി അതാത് എംപ്ലോയ്‌മെന്റ് എക്‌സ്‌ചേഞ്ചുകളിൽ സെപ്റ്റംബർ നാലിനകം പേര് രജിസ്റ്റർ ചെയ്യുക. ഫോൺ. 04972700831.

ജില്ലയിലെ കൺസ്യൂമർ ഫെഡിന്റെയും വിവിധ സർവ്വീസ് സഹകരണ ബാങ്കുകൾ നടത്തുന്ന നീതി മെഡിക്കൽ സ്റ്റോറുകളിലേക്കും മരുന്നുകളെത്തിക്കുന്നതിനുള്ള ഡെലിവറി വാഹനം കൺസ്യൂമർഫെഡ് എക്സിക്യൂട്ടീവ് ഡയറക്ടർ കൊല്ലോൽ മോഹനൻ ഫ്ളാഗ് ഓഫ് ചെയ്തു. റീജിയണൽ മാനേജർ വി കെ രാജേഷ് അധ്യക്ഷത വഹിച്ചു. ജില്ലയിലെ 140 നീതി മെഡിക്കൽ സ്റ്റോറുകൾക്ക് ഈ വാഹനത്തിന്റെ പ്രയോജനം ലഭിക്കും. ആഴ്ചയിൽ ഒരു ദിവസമെങ്കിലും വാഹനം മെഡിക്കൽ സ്റ്റോറുകളിൽ എത്തുന്ന രീതിയിൽ ക്രമീകരിക്കും. അസി.