ആലപ്പുഴ: ജില്ലയില്‍ ഓണക്കിറ്റ് വിതരണം പുരോഗമിക്കുന്നു. മഞ്ഞ (എ.എ.വൈ.) കാര്‍ഡ് ഉടമകള്‍ക്കാണ് ഭക്ഷ്യ കിറ്റുകള്‍ നല്‍കുന്നത്. ജില്ലയില്‍ ഇതുവരെ 4000 ഓളം പേര്‍ക്കാണ് കിറ്റുകള്‍ വിതരണം ചെയ്തത്. 

അമ്പലപ്പുഴ- 547, കുട്ടനാട്- 31, ചേര്‍ത്തല- 1643, മാവേലിക്കര- 96, ചെങ്ങന്നൂര്‍- 549, കാര്‍ത്തികപ്പള്ളി- 454 എന്നിങ്ങനെയാണ് 26ന് വൈകിട്ട് 4വരെയുള്ള താലൂക്ക് അടിസ്ഥാനത്തിലുള്ള കണക്ക്.

ആലപ്പുഴ: വിവിധ നിര്‍മാണ പദ്ധതികള്‍ സമയബന്ധിതമായി പൂര്‍ത്തിക്കാന്‍ നിര്‍ദേശം നല്‍കി ജില്ല വികസന സമിതി യോഗം. ജില്ലാ കളക്ടര്‍ ഹരിതാ വി. കുമാറിന്റെ അധ്യക്ഷത വഹിച്ചു. മുപ്പാലത്തിന്റെ നിര്‍മാണം ഡിസംമ്പറിനകം പൂര്‍ത്തീകരിക്കാനാവുമെന്ന് യോഗം വിലയിരുത്തി. തോമസ് കെ. തോമസ് എം.എല്‍.എ., എം.എസ്. അരുണ്‍കുമാര്‍ എം.എല്‍.എ.യുടെ പ്രതിനിധി സഞ്ജയ് നാഥ്, കൊടിക്കുന്നില്‍ സുരേഷ് എം.പി.യുടെ പ്രതിനിധി കെ. ഗോപകുമാര്‍ എന്നിവരും യോഗത്തില്‍ സംസാരിച്ചു.

ആലപ്പുഴ: പുന്നപ്ര സഹകരണ എഞ്ചിനീയറിംഗ് കോളേജിലെ ത്രിവത്സര ഡിപ്ലോമ കോഴ്‌സായ കമ്മ്യൂണിക്കേഷന്‍ & കമ്പ്യൂട്ടര്‍ നെറ്റ് വര്‍ക്കിങില്‍ 2023-24 അധ്യായന വര്‍ഷത്തെ അലോട്ട്‌മെന്റിനു ശേഷം ഒഴിവുവന്ന സീറ്റുകളിലേക്കുള്ള സ്‌പോട്ട് അഡ്മിഷന്‍ സെപ്റ്റംബര്‍ 5 ന് ആരംഭിക്കും. എസ്.എസ്.എല്‍.സി വിജയിച്ചവര്‍ക്ക് അസ്സല്‍ സര്‍ട്ടിഫിക്കറ്റുകള്‍ സഹിതം കോളേജില്‍ നേരിട്ടെത്തി അഡ്മിഷന്‍ നേടാം. ഫോണ്‍: 9846597311, 9388068006, 0477 2267311.

ആലപ്പുഴ: ചേര്‍ത്തല സെന്റ് മൈക്കിള്‍സ് കോളേജിലെ സുവോളജി മ്യൂസിയം പുതുക്കിപ്പണിയുന്നതിനായി ടെന്‍ഡര്‍ ക്ഷണിച്ചു. സെപ്റ്റംബര്‍ എട്ടിന് ഉച്ചയ്ക്ക് 3 മണി വരെ പ്രിന്‍സിപ്പല്‍ സെന്റ് മൈക്കിള്‍സ് കോളേജ്, ചേര്‍ത്തല, മായിത്തറ പി.ഒ. ആലപ്പുഴ എന്ന വിലാസത്തില്‍ ടെന്‍ഡറുകള്‍ സമര്‍പ്പിക്കാം. ഫോണ്‍: 0478 2822387

ആലപ്പുഴ : ഗവ: റ്റി.ഡി മെഡിക്കല്‍ കോളേജിലെ പള്‍മണറി മെഡിസിന്‍ വിഭാഗത്തിന് കീഴിലുള്ള അസിസ്റ്റന്റ് പ്രൊഫസര്‍ തസ്തികയിലേയ്ക്ക് കരാര്‍ അടിസ്ഥാനത്തില്‍ സീനിയര്‍ റസിഡന്റ് നിയമനം നടത്തുന്നു. പള്‍മണറി മെഡിസിന്‍ വിഭാഗത്തിലെ മെഡിക്കല്‍ പോസ്റ്റ് ഗ്രാജുവേഷന്‍ ബിരുദവും ടി.സി.എം.സി രജിസ്‌ട്രേഷനുമുള്ളവര്‍ക്ക് അപേക്ഷിക്കാം. 

ഉദ്യോഗാര്‍ത്ഥികള്‍ സെപ്റ്റംബര്‍ ഏഴിന് രാവിലെ 11 മണിക്ക് പ്രിന്‍സിപ്പാള്‍ ഓഫീസില്‍ നടക്കുന്ന കൂടിക്കാഴ്ചയില്‍ പ്രായം, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസ്സല്‍ രേഖകള്‍ സഹിതം എത്തണം.

ആലപ്പുഴ: സംസ്ഥാന എയിഡ്‌സ് കണ്‍ട്രോള്‍ സൊസൈറ്റി ജില്ല എയിഡ്‌സ് നിയന്ത്രണ ഓഫീസ് മുഖേന നടത്തുന്ന ഐ.ഡി.യു (ഇന്‍ജക്ടബില്‍ ഡ്രഗ് യൂസേഴ്‌സ്) പ്രോജക്ടിന്റെ പ്രോജക്ട് മാനേജര്‍, കൗണ്‍സിലര്‍ തസ്തികകളിലേക്ക് അപേക്ഷ ക്ഷണിച്ചു. 

സൈക്കോളജി/ആന്ത്രൊപ്പോളജി/സോഷ്യോളജി/സോഷ്യല്‍ വര്‍ക്ക്/ഹ്യൂമന്‍ ഡവലപ്പ്‌മെന്റ്/നേഴ്‌സിംഗ് കോഴ്‌സില്‍ ബിരുദാനന്തര ബിരുദമുള്ളവര്‍ക്ക് പ്രോജക്ട് മാനേജര്‍ തസ്തികയിലേക്കും ബിരുദമുള്ളവര്‍ക്ക് കൗണ്‍സിലര്‍ തസ്തികയിലേക്കും അപേക്ഷിക്കാം. 

കോഴിക്കോടിന്റെ ഓണാഘോഷ പരിപാടി പൊന്നോണം 2023 ന്റെ ഭാഗമായുള്ള നാടകോത്സവത്തിന് ടൗൺഹാളിലെ നിറഞ്ഞ സദസ്സിന് മുന്നിൽ തുടക്കമായി. കെ.എം സച്ചിൻദേവ് എം. എൽ.എ നാടകോത്സവം ഉദ്ഘാടനം ചെയ്തു. മറ്റ് ജില്ലകളിൽ നിന്നുള്ളവർ വരെ കോഴിക്കോടിന്റെ ഓണാഘോഷ പരിപാടികൾ കാണാൻ എത്തുന്നത് സന്തോഷമുള്ള കാര്യമാണെന്ന് അദ്ദേഹം പറഞ്ഞു. നാടകങ്ങളെ ഏറെ സ്നേഹിക്കുന്ന കോഴിക്കോട്  നാടകരംഗത്തെ ഇടപെടലുകൾ കൊണ്ടും നാടക പ്രവർത്തകരാലും സമ്പന്നമാണെന്നും അദ്ദേഹം പറഞ്ഞു.

ജില്ലയിലെ കാഴ്ച പരിമിതരായ  കുട്ടികൾക്ക് സ്മാർട്ട് വൈറ്റ് കെയിൻ ഉപയോഗിക്കാനുള്ള അവസരമൊരുക്കുകയാണ് എസ്.എസ്.കെ. ഇരുവള്ളൂർ ഗവൺമെന്റ് യു.പി.സ്കൂളിന്റെ സഹകരണത്തോടെ നടപ്പിലാക്കുന്ന പദ്ധതി നാളെ (സെപ്റ്റംബർ ഒന്ന് ) രാവിലെ 10 മണിക്ക് കാരപ്പറമ്പ് ഗവ. ഹയർസെക്കണ്ടറി സ്കൂളിൽ ജില്ലാ കലക്ടർ എ ഗീത ഉദ്ഘാടനം ചെയ്യും.  എസ് എസ് കെ ജില്ലാ പ്രോജക്ട് കോർഡിനേറ്റർ ഡോ. എ.കെ അബ്ദുൾ ഹക്കീം അധ്യക്ഷത വഹിക്കുന്ന ചടങ്ങിൽ കോഴിക്കോട് കോംപസിറ്റ് റീജിനൽ സെന്റർ ഡയറക്ടർ ഡോ. റോഷൻ ബിജിലി മുഖ്യാതിഥിയാവും.

കിഴക്കോത്ത് പഞ്ചായത്തിലെ മൂന്നാം വാർഡിലെ രണ്ട് അങ്കണവാടികളിൽ മൈക്ക് സെറ്റുകൾ സ്ഥാപിച്ചു.
പാറക്കുണ്ടം, വെള്ളിലാട്ട്പൊയിൽ അങ്കണവാടികളിലാണ് മൈക്ക് സെറ്റുകൾ സ്ഥാപിച്ചത്. പാറക്കുണ്ടം അങ്കണവാടിയിലെ മൈക്ക് സെറ്റിന്റെ ഉദ്ഘാടനം ഗ്രാമപ്പഞ്ചായത്ത് പ്രസിഡന്റ് സി.കെ. സാജിദത്തും വെള്ളിലാട്ട്പൊയിൽ അങ്കണവാടിയിലെ മൈക്ക് സെറ്റിന്റെ ഉദ്ഘാനം കീം പരീക്ഷാ വിജയി ഷാന ജാസ്മിനും നിർവഹിച്ചു. വാർഡ് അംഗം കെ.കെ.എ. ജബ്ബാർ അധ്യക്ഷനായി.

ചടങ്ങിൽ അങ്കണവാടി ജീവനക്കാർ, ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു.