ജില്ലാതല ഉദ്ഘാടനം കോട്ടക്കുന്നില്‍ മന്ത്രി വി. അബ്ദുറഹിമാന്‍ നിര്‍വഹിക്കും

ജില്ലയിലെ ഒരു അർദ്ധസർക്കാർ സ്ഥാപനത്തിൽ കാർപെന്റർ ( ഹെൽപ്പർ) തസ്തികയിൽ ഒരു താൽക്കാലിക ഒഴിവുണ്ട്. മുസ്ലിം സമുദായത്തിനായി സംവരണം ചെയ്യപ്പെട്ട താൽക്കാലിക ഒഴിവിലേക്ക് താല്പര്യമുള്ള ഉദ്യോഗാർത്ഥികൾ സെപ്റ്റംബർ 11ന് മുമ്പ് അതത് എംപ്ലോയ്മെന്റ് എക്സ്ചേഞ്ചിൽ പേര് രജിസ്റ്റർ ചെയ്യണം.  വിദ്യാഭ്യാസ യോഗ്യത: എസ്.എസ്.എൽ.സി, കാർപെന്റർ ട്രേഡിൽ നാഷണൽ ട്രേഡ് സർട്ടിഫിക്കറ്റ്, കാർപെന്ററായി രണ്ടു വർഷത്തെ പ്രവർത്തി പരിചയം എന്നിവ ഹാജരാക്കണം. പ്രായപരിധി 18 മുതൽ 41 വയസ്സ് വരെയുള്ളവർക്ക് അപേക്ഷിക്കാം. ഉദ്യോഗാർത്ഥികൾക്ക് നിയമാനുസൃതമായ വയസിളവ് അനുവദിക്കും.

ആലപ്പുഴ: അമ്പലപ്പുഴ- ഹരിപ്പാട് റെയിൽവേ സ്റ്റേഷനുകൾക്കുടയിലുള്ള ആയാപറമ്പ്, ബ്രഹ്മനന്ദപുരം ലെവൽ ക്രോസുകളിൽ അറ്റകുറ്റപ്പണികൾ നടക്കുന്നതിനാൽ സെപ്റ്റംബർ 1ന് രാവിലെ 8 മുതൽ 2ന് വൈകിട്ട് 6 വരെ അടച്ചിടും.

വിവിധ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ (Yellow) അലർട്ട് പ്രഖ്യാപിച്ചിരിക്കുന്നു.

30.08.2023 : ആലപ്പുഴ, എറണാകുളം, ഇടുക്കി

31.08.2023 : എറണാകുളം, മലപ്പുറം  

എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

പുറപ്പെടുവിച്ച സമയം: 01.00 PM 30-08-2023

IMD-KSEOC-KSDMA

ആലപ്പുഴ: 38-ാമത് ദേശീയ നേത്രദാന പക്ഷാചരണതിൻറെ ജില്ലാതല ഉദ്ഘാടനം തൃക്കുന്നപ്പുഴ സാമൂഹിക ആരോഗ്യ കേന്ദ്രത്തിൽ ഹരിപ്പാട് ബ്ലോക്ക് പഞ്ചായത്ത് പ്രസിഡൻറ് രുഗ്മിണി രാജു നിർവഹിച്ചു. തൃക്കുന്നപ്പുഴ ഗ്രാമപഞ്ചായത്ത് പ്രസിഡന്റ് എസ്. വിനോദ് കുമാർ അധ്യക്ഷനായി. ജില്ല പഞ്ചായത്തംഗം ടി.എസ് താഹ നേത്രദാന സമ്മതപത്രം സ്വീകരിച്ചു. 

നേത്രദാനത്തിന്റെ പ്രാധാന്യത്തെക്കുറിച്ച് പൊതുജനങ്ങളിൽ അവബോധം സൃഷ്ടിക്കുന്നതിനായാണ് ഓഗസ്റ്റ് 25 മുതൽ സെപ്റ്റംബർ 8 വരെ ദേശീയ നേത്രദാന  പക്ഷാചരണം നടത്തുന്നത്. പക്ഷാചരണത്തിന്റെ ഭാഗമായി സഞ്ചരിക്കുന്ന നേത്ര ചികിത്സ വിഭാഗത്തിന്റെ നേതൃത്വത്തിൽ സൗജന്യ നേത്ര പരിശോധന ക്യാമ്പും നടത്തി.

ആലപ്പുഴ: നവംബർ ഒന്നു മുതൽ ഒരാഴ്ച തിരുവനന്തപുരത്ത് നടക്കുന്ന 'കേരളീയം-2023' സാംസ്കാരികോത്സവത്തിന്റെ ലോഗോയ്ക്കായി എൻട്രികൾ ക്ഷണിച്ചു. കേരളീയത, കേരളം കൈവരിച്ച നേട്ടങ്ങൾ, ഭാവി കേരളം എന്നിവ പ്രതിഫലിപ്പിക്കുന്ന എൻട്രികൾ സെപ്റ്റംബർ 4, വൈകീട്ട് അഞ്ച് മണിക്ക് മുൻപായി keraleeyam2023official@gmail.com എന്ന മെയിലിൽ ലഭിക്കണം. തെരഞ്ഞെടുക്കപ്പെടുന്ന ലോഗോയ്ക്ക് സമ്മാനം ലഭിക്കും.

ആലപ്പുഴ:സാമൂഹ്യനീതി വകുപ്പ്, ഓർഫനേജ് കൺട്രോൾ ബോർഡ് എന്നിവയുടെ ആഭിമുഖ്യത്തിൽ അഗതി അനാഥ ദിനം ആചരിച്ചു.
ദിനാചരണവുമായി ബന്ധപ്പെട്ട ജില്ലാതല പരിപാടികൾ പാതിരപ്പള്ളിയിലുള്ള കാരുണ്യദീപത്തിൽ എ.എം ആരിഫ് എം.പി ഉദ്ഘാടനം ചെയ്തു.ജില്ല പഞ്ചായത്ത് പ്രസിഡന്റ് കെ.ജി. രാജേശ്വരി  അധ്യക്ഷത വഹിച്ചു. 

ആലപ്പുഴ: ജില്ലയില്‍ ഓണക്കിറ്റ് വിതരണം പുരോഗമിക്കുന്നു. മഞ്ഞ (എ.എ.വൈ.) കാര്‍ഡ് ഉടമകള്‍ക്കാണ് ഭക്ഷ്യ കിറ്റുകള്‍ നല്‍കുന്നത്. ജില്ലയില്‍ ഇതുവരെ 4000 ഓളം പേര്‍ക്കാണ് കിറ്റുകള്‍ വിതരണം ചെയ്തത്. 

അമ്പലപ്പുഴ- 547, കുട്ടനാട്- 31, ചേര്‍ത്തല- 1643, മാവേലിക്കര- 96, ചെങ്ങന്നൂര്‍- 549, കാര്‍ത്തികപ്പള്ളി- 454 എന്നിങ്ങനെയാണ് 26ന് വൈകിട്ട് 4വരെയുള്ള താലൂക്ക് അടിസ്ഥാനത്തിലുള്ള കണക്ക്.