ഈ ലക്ഷണങ്ങൾ അവഗണിക്കരുത് 

പനി, തലവേദന, കണ്ണിനു പുറകിൽ വേദന, ശക്തിയായ പേശി വേദന, ശരീരത്തിൽ ചുവന്ന പാടുകൾ തുടങ്ങിയവ ഡെങ്കിപ്പനിയുടെ പ്രാരംഭ ലക്ഷണങ്ങളാണ്. പനിയുള്ളപ്പോൾ ഉറങ്ങുമ്പോൾ കൊതുകുവല ഉപയോഗിക്കുക. ഡെങ്കിപ്പനി ഉള്ള ഒരാളെ കടിക്കുന്ന കൊതുക് അതിൻറെ ജീവിതകാലം മുഴുവൻ ഇടുന്ന മുട്ടകൾ  വിരിഞ്ഞുണ്ടാകുന്ന കൊതുകുകളും രോഗവാഹകരായിരിക്കും. ലക്ഷണങ്ങൾ കണ്ടാൽ ചികിത്സ തേടുക. ലക്ഷണങ്ങൾ പറഞ്ഞ് മെഡിക്കൽ ഷോപ്പിൽ നിന്ന് മരുന്നു വാങ്ങുന്നത് പോലെയുള്ള സ്വയം ചികിത്സ ഒരു കാരണവശാലും ചെയ്യരുത്. തുടർച്ചയായ ചർദ്ദി, വയറുവേദന കറുത്ത മലം ശരീരത്തിന്റെ ഏതെങ്കിലും ഭാഗത്തുനിന്ന് രക്തസ്രാവം ഉണ്ടാവുക, രക്തസമ്മർദ്ദം താഴുക, ശ്വാസംമുട്ട് തുടങ്ങിയവ അപായ സൂചനകൾ ആണ്.
പ്രായമായവർ കുഞ്ഞുങ്ങൾ മറ്റു രോഗങ്ങൾക്ക് ചികിത്സ എടുക്കുന്നവർ തുടങ്ങിയവർ  പ്രത്യേകം ശ്രദ്ധിക്കണം.