വിജീഷിന് സ്വപ്നസാഫല്യം

അതിദാരിദ്ര പട്ടികയില്‍ നിന്ന് ജില്ലയില്‍ ആദ്യമായി റവന്യൂ ഭൂമി സ്വന്തമാക്കി റാന്നി സ്വദേശി വിജീഷ്. റാന്നി താലൂക്കില്‍ ചേത്തയ്ക്കല്‍ വില്ലേജില്‍ സ്രാമ്പിക്കലില്‍ വിജീഷിന് പത്തനംതിട്ട റോയല്‍ ഓഡിറ്റോറിയത്തില്‍ നടന്ന പട്ടയമേളയില്‍ ആരോഗ്യമന്ത്രി വീണാ ജോര്‍ജ് പട്ടയം കൈമാറി. റാന്നി താലൂക്കില്‍ ചെറുകോല്‍ വില്ലേജില്‍ മൂന്ന് സെന്റ് സര്‍ക്കാര്‍ ഭൂമി വിജീഷിന് സ്വന്തമായി. പഞ്ചായത്തിലൂടെ വീടും ഇനി ലഭിക്കും.
ഇരുപതു വര്‍ഷം മുമ്പ് വീടിന് തീ പിടിച്ച് വിജീഷിന്റെ മാതാപിതാക്കള്‍ മരിച്ചിരുന്നു. മാതാവിന്റെ ബന്ധുക്കളോടൊപ്പം വെച്ചൂച്ചിറയിലാണ് വിജീഷും സഹോദരനും താമസിക്കുന്നത്.