Post Category
മനം നിറഞ്ഞ് വനമക്കള്‍
മണ്ണിന്റെ ഉടമകളായ സന്തോഷത്തില്‍ റാന്നി മഞ്ഞത്തോടിലെ വനമക്കള്‍. പത്തനംതിട്ട റോയല്‍ ഓഡിറ്റോറിയത്തില്‍ സംഘടിപ്പിച്ച പട്ടയമേളയില്‍ ജില്ലയിലെ മലമ്പണ്ടാരം വിഭാഗത്തില്‍പ്പെട്ടവര്‍ക്ക് ആരോഗ്യ വകുപ്പ് മന്ത്രി വീണാ ജോര്‍ജ് പട്ടയം കൈമാറി. പമ്പ ത്രിവേണി, ചാലക്കയം എന്നിവിടങ്ങളിലെ ഉന്നതികളിലെ 17 കുടുംബങ്ങളാണ് വനവകാശ നിയമപ്രകാരം ഭൂമിക്ക് ഉടമകളായത്.
ചാലക്കയം ഉന്നതിയിലെ ഭാസ്‌കരന്‍, അന്നമ്മ, പാര്‍വതി, ഓമന കുഞ്ഞുപിള്ള, ശരണ്യ ഹരീഷ്, കല്യാണി, പൊന്നന്‍, തനു, കുഞ്ഞുമോള്‍, രാജമ്മ കുഞ്ഞുപിള്ള, ശകുന്തള, ഭവാനി, കൊച്ചു പെണ്ണ്, വിജില, റെജി ശരണ്യ, തങ്കമ്മ രാജന്‍, മിനി രാജന്‍ എന്നിവര്‍ക്കാണ് ഭൂമി ലഭിച്ചത്. വനാവകാശ നിയമപ്രകാരം ഒരേക്കര്‍ ഭൂമിവീതം ലഭിക്കും. മഞ്ഞത്തോട് മേഖലയിലെ 37 പേരില്‍ 20 പേര്‍ക്ക് 2023 ല്‍ ഭൂമി ലഭിച്ചിരുന്നു.
date
- Log in to post comments