കരട് വോട്ടര്‍പട്ടിക പ്രസിദ്ധീകരിച്ചു

തോട്ടപ്പുഴശേരി ഗ്രാമപഞ്ചായത്തിലെ കരട് വോട്ടര്‍പട്ടിക പ്രസിദ്ധീകരിച്ചു. പഞ്ചായത്ത് ഓഫീസ്, തോട്ടപ്പുഴശ്ശേരി വില്ലേജ് ഓഫീസ്, കോയിപ്രം ബ്ലോക്ക് പഞ്ചായത്ത് ഓഫീസ്,  www.seckerala.gov.in  വെബ്‌സൈറ്റിലും പട്ടിക ലഭ്യമാണ്. പുതിയതായി വോട്ടര്‍പട്ടികയില്‍ പേര് ചേര്‍ക്കുന്നതിനും തിരുത്തല്‍ വരുത്തുന്നതിനും സ്ഥാനം മാറ്റുന്നതിനും നീക്കം ചെയ്യുന്നതിനും ഓഗസ്റ്റ്  ഏഴുവരെ അപേക്ഷ സ്വീകരിക്കും.  2025 ജനുവരി ഒന്നിനോ അതിനു മുമ്പോ 18 വയസ് പൂര്‍ത്തിയാക്കിയവര്‍ക്ക് അപേക്ഷിക്കാം.  പേര് ഉള്‍പ്പെടുത്തുന്നതിന് ഫോം നാലിലും ഉള്‍ക്കുറിപ്പുകളെ സംബന്ധിച്ച ആക്ഷേപം ഫോം ആറിലും സ്ഥാനമാറ്റത്തിനുള്ള അപേക്ഷ ഫോം ഏഴിലും ഓണ്‍ലൈനായി മാത്രം സ്വീകരിക്കും. പേര്  ഒഴിവാക്കുന്നതിനുള്ള ആക്ഷേപം ഫോം അഞ്ചില്‍ ഓണ്‍ലൈനായി സമര്‍പ്പിച്ച ശേഷം അപേക്ഷയുടെ പ്രിന്റ് ഔട്ടില്‍ ഒപ്പ് രേഖപ്പെടുത്തി ഇ ആര്‍ ഒയ്ക്ക് നല്‍കണം. വെബ്‌സൈറ്റ് : www.seckerala.gov.in   ഫോണ്‍ :04682214387.