ജില്ലാ പഞ്ചായത്തിൻ്റെ കരട് നിയോജകമണ്ഡല വിഭജനം:ഡീലിമിറ്റേഷൻ കമ്മീഷൻ പബ്ലിക് ഹിയറിങ് 31 ന്

ആലപ്പുഴ ജില്ലാപഞ്ചായത്തിൻ്റെ കരട് 

നിയോജകമണ്ഡല വിഭജന നിർദ്ദേശങ്ങൾ സംബന്ധിച്ച് നിശ്ചിത സമയപരിധിക്കുള്ളിൽ ആക്ഷേപങ്ങൾ / അഭിപ്രായങ്ങൾ സമർപ്പിച്ചവർ

ജൂലൈ 31 രാവിലെ 11 മണിക്ക്  

തിരുവനന്തപുരം, തൈക്കാട് , പി ഡബ്ല്യു ഡി റസ്റ്റ് ഹൗസിൽ നടക്കുന്ന പബ്ലിക്ക് ഹിയറിംഗിന് ഹാജരാകണമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥൻ കൂടിയായ ജില്ലാ കളക്ടർ അറിയിച്ചു. മാസ് പെറ്റീഷൻ നൽകിയവരിൽ നിന്നും ഒരു പ്രതിനിധിയെ മാത്രമേ  പങ്കെടുക്കാൻ അനുവദിക്കുകയുള്ളൂ എന്നും  കളക്ടർ പറഞ്ഞു.

ജില്ലാ പഞ്ചായത്തുകളുടെ കരട് നിയോജകമണ്ഡല  വിഭജന റിപ്പോർട്ടുകളുമായി ബന്ധപ്പെട്ട ആക്ഷേപങ്ങൾ / അഭിപ്രായങ്ങൾ സമർപ്പിക്കുന്നതിനുള്ള സമയ പരിധി  ജൂലൈ 26 ന് അവസാനിച്ചിരുന്നു. 

(പിആർ/എഎൽപി/2196)