Post Category
*പുതിയ വീട്ടില് വൈദ്യുതി കണക്ഷന് അനുവദിക്കും കളക്ടറുടെ ഇടപെടലില് പരിഹാരം*
വൈത്തിരി താലൂക്കിലെ വെങ്ങപ്പള്ളി പഞ്ചായത്തില് മൂരിക്കാപ്പ് താമസിക്കുന്ന അജിതയ്ക്ക് ജില്ലാ കളക്ടറുടെ ഇടപെടലിലൂടെ പുതിയ വീട്ടില് വൈദ്യുതി കണക്ഷന് ലഭ്യമാക്കാന് നിര്ദേശം. 2021-22 വര്ഷത്തിലെ ലൈഫ് ഭവന പദ്ധതിയിലൂടെ വിധവയും ബി.പി.എല് കുടുംബാംഗവുമായ അജിതയ്ക്ക് നാല് സെന്റ് സ്ഥലവും വീടും ലഭിച്ചിരുന്നു. എന്നാല് പുതിയ വീട്ടില് വൈദ്യുതി കണക്ഷന് ലഭികാത്തതിനെ തുടര്ന്നാണ് അജിത ജില്ലാ കളക്ടറുടെ പരിഹാര അദാലത്തില് എത്തിയത്. പരാതി പരിശോധിച്ച കളക്ടര് കല്പ്പറ്റ കെ.എസ്.ഇ.ബി സബ് ഡിവിഷനോട് വീടു നിര്മ്മാണം പൂര്ത്തിയായ ഉടന് വൈദ്യുതികരണം ഉറപ്പാക്കാന് നിര്ദേശിച്ചു.
date
- Log in to post comments