*കലാഭവന്‍ മണി മെമ്മോറിയല്‍  നാടന്‍ പാട്ട് മല്‍സരം -   മണിനാദം 2026*  

കേരള സംസ്ഥാന യുവജനക്ഷേമ ബോര്‍ഡ് കലാഭവന്‍ മണിയുടെ സ്മരണാര്‍ത്ഥം ''മണിനാദം 2026'' നാടന്‍പാട്ട് മത്സരം സംഘടിപ്പിക്കുന്നു. ആലപ്പുഴ ജില്ലയില്‍ യുവജനക്ഷേമ ബോര്‍ഡില്‍ അഫിലിയേറ്റ് ചെയ്ത യൂത്ത്/യുവ/അവളിടം ക്ലബ്ബുകള്‍ക്ക് മത്സരത്തില്‍ പങ്കെടുക്കാം. മത്സരത്തില്‍ പങ്കെടുക്കുവരുടെ പരമാവധി എണ്ണം 10 ആയിരിക്കണം. പങ്കെടുക്കുവര്‍,  18നും 40 നും മദ്ധ്യേ പ്രായമുള്ളവരായിരിക്കണം. മത്സരത്തിന് അനുവദിച്ചിട്ടുള്ള സമയം 10 മിനിട്ട്. ജില്ലാതലത്തില്‍ ഒന്ന്, രണ്ട്, മൂന്ന് സ്ഥാനം ലഭിച്ച് വിജയിക്കുന്ന ക്ലബ്ബിന് 25,000, 10000, 5000 രൂപ വീതവും സംസ്ഥാന തലത്തില്‍ വിജയിക്കുന്ന് ക്ലബ്ബിന്  1,00,000, 75,000, 50,000 രൂപ ക്രമത്തിലും പ്രൈസ് മണിയും സര്‍ട്ടിഫിക്കറ്റും നല്‍കുന്നു. താല്‍പര്യമുള്ള ടീമുകള്‍ ജനുവരി 20 നകം പങ്കെടുക്കുവരുടെ പേര്, അഡ്രസ്സ്, ജനന തീയതി, ഫോണ്‍ നമ്പര്‍ എന്നിവ സഹിതം ജില്ലാ യൂത്ത് പ്രോഗ്രാം ഓഫീസര്‍ ജില്ലാ യുവജനകേന്ദ്രം, മിനി സിവില്‍ സ്റ്റേഷന്‍, തത്തംപള്ളി പി.ഒ, ആലപ്പുഴ എന്ന വിലാസത്തിലോ, alpydyc@gmail.com എന്ന് മെയിലിലോ അപേക്ഷിക്കാവുന്നതാണ്.   ഫോണ്‍: 0477-2239736, 9847133866 എന്ന നമ്പറില്‍  ബന്ധപ്പെടുക.