വോട്ടിങ് രീതി പഠിപ്പിക്കാൻ വോട്ട് വണ്ടി വരുന്നു...

*വോട്ട് വണ്ടികൾ ജില്ലാ കളക്ടർ ഫ്ലാഗ് ഓഫ് ചെയ്തു

നിയമസഭ തിരഞ്ഞെടുപ്പിന് മുന്നോടിയായി വോട്ടിംഗ് യന്ത്രങ്ങളിൽ വോട്ട് ചെയ്യുന്നത് സംബന്ധിച്ച് ജനങ്ങളെ ബോധവൽകരിക്കുന്നതിന് വോട്ട് വണ്ടികൾ എത്തുന്നു.  ജില്ലാ തിരഞ്ഞെടുപ്പ് വിഭാഗം സജ്ജമാക്കിയ വോട്ട് വണ്ടികളുടെ ഫ്ലാഗ് ഓഫും ജില്ലാതല ഉദ്ഘാടനവും ആലപ്പുഴ കളക്ടറേറ്റിൽ നടന്ന ചടങ്ങിൽ  ജില്ലാ കളക്ടർ അലക്സ്‌ വർഗീസ്  നിർവഹിച്ചു.  

ജില്ലയിലെ എല്ലാ പോളിംഗ് സ്റ്റേഷൻ പ്രദേശങ്ങളിലും പ്രധാന കേന്ദ്രങ്ങളിലും വോട്ടു വണ്ടികൾ എത്തിച്ചേരും. വോട്ടർമാർ ഈ അവസരം പരമാവധി പ്രയോജനപ്പെടുത്തണമെന്ന് ജില്ലാ കളക്ടർ അറിയിച്ചു. 

ചടങ്ങിൽ ഇലക്ഷൻ ഡെപ്യൂട്ടി കളക്ടർ എസ് ബിജു, എ ഡി എം ആശ സി എബ്രഹാം, ഡെപ്യൂട്ടി കളക്ടർമാർ, തഹസിൽദാർമാർ, ഡെപ്യൂട്ടി തഹസിൽദാർമാർ, മറ്റ് ഉദ്യോഗസ്ഥർ എന്നിവർ പങ്കെടുത്തു.