ഹെൽത്തി ബൈറ്റ്സ് പരിപാടി സംഘടിപ്പിച്ചു

സ്റ്റേറ്റ് ന്യൂട്രീഷൻ ആൻ്റ് ഡയറ്റ് റിലേറ്റഡ് ഇൻറർവെൻഷൻ പ്രോഗ്രാമിന്റെ ഭാഗമായി ആലപ്പുഴ ജില്ലാ മെഡിക്കൽ ഓഫീസ് കേരള സർവകലാശാല അധ്യാപന കലാലയം കുന്നം, മാവേലിക്കര എൻഎസ്എസ് യൂണിറ്റുമായി സഹകരിച്ച് ഹെൽത്തി ബൈറ്റ്സ് പരിപാടി സംഘടിപ്പിച്ചു. ഇൻറർ കോളേജ് തലത്തിൽ നടന്ന മത്സരങ്ങൾ വൈവിധ്യം കൊണ്ടും വിദ്യാർത്ഥികളുടെ പങ്കാളിത്തം കൊണ്ടും ശ്രദ്ധേയമായി. ആരോഗ്യ ഭക്ഷണ ശീലങ്ങളിൽ റെയിൻബോ ഡയറ്റിന്റെ പ്രാധാന്യം വെളിവാക്കുന്ന ബുള്ളറ്റിൻ ബോർഡ് തയ്യാറാക്കുന്നതായിരുന്നു മത്സര ഇനങ്ങളിലൊന്ന്. 'ഹെൽത്തി ബൈറ്റ്' എന്ന പേരിൽ ഡെപ്യൂട്ടി ജില്ല എജ്യൂക്കേഷൻ മീഡിയ ഓഫീസർ ഡോ സേതുനാഥ് പ്രശ്നോത്തരി നയിച്ചു.   മാവേലിക്കര ജില്ല ആശുപത്രിയിലെ ഡയറ്റീഷൻ പ്രീതി പ്രസന്നകുമാർ ബോധവത്ക്കരണ ക്ലാസ് നയിച്ചു. ഡോ. ചിത്ര ഐ, കോളേജ് പ്രിൻസിപ്പൽ ഡോ. എസ്. രശ്മി, പ്രോഗ്രാം കോർഡിനേറ്റർ ഹെന ബി, ലേഖ ബി എന്നിവർ മത്സരങ്ങൾക്ക് നേതൃത്വം നൽകി. ആലപ്പുഴ, കൊല്ലം ജില്ലകളിലെ ആറ് അധ്യാപക കലായങ്ങളിൽ നിന്ന് നൂറോളം വിദ്യാർത്ഥികൾ പങ്കെടുത്തു.