*നൂൽപ്പുഴ കുടുംബാരോഗ്യ കേന്ദ്രത്തിൽ നിയമനം*

നൂൽപ്പുഴ കുടുംബാരോഗ്യ കേന്ദ്രത്തില്‍ വിവിധ തസ്തികകളിലേക്ക് താൽക്കാലിക നിയമനം നടത്തുന്നു. ​ഫിസിയോ തെറാപ്പിസ്റ്റ് (ഏഴ് ഒഴിവ്), സ്പീച്ച് തെറാപ്പിസ്റ്റ്, ഒക്യുപേഷണൽ തെറാപ്പിസ്റ്റ്, ലാബ് ടെക്നീഷ്യൻ, ​ലാബ് അസിസ്റ്റന്റ് തസ്തികകളില്‍ ​ജൂലൈ 13ന് ഇന്റർവ്യൂ നടക്കും. ​നഴ്‌സിങ് അസിസ്റ്റന്റ് (രണ്ട് ഒഴിവ്), മൾട്ടി പർപ്പസ് വർക്കർ (രണ്ട്),  ഡ്രൈവർ (മൂന്ന്), ക്ലീനിംഗ് സ്റ്റാഫ് (നാല്), ഫിറ്റ്നസ് ട്രെയിനർ (രണ്ട്), ​ഡാറ്റാ എൻട്രി ഓപ്പറേറ്റർ, കൗൺസിലർ തസ്തികകളില്‍ ​ജൂലൈ 14 നാണ് ഇന്റർവ്യൂ. ഡോക്ടർ, സ്റ്റാഫ് നഴ്‌സ് (രണ്ട്), ഫാർമസിസ്റ്റ്, ഓഫീസ് അസിസ്റ്റന്റ്, ​ജി-ഗെയ്റ്റർ ഓപ്പറേറ്റർ, ടെക്നിക്കൽ അസിസ്റ്റന്റ് തസ്തികകളില്‍ ​ജൂലൈ 15ന് ഇന്റർവ്യൂ നടക്കും. നൂൽപ്പുഴ ഗ്രാമപഞ്ചായത്ത് പരിധിയിലുള്ളവർക്ക് മുൻഗണന. ഉദ്യോഗാർത്ഥികൾ നിശ്ചയിച്ചിട്ടുള്ള തീയതികളിൽ രാവിലെ 10ന് അസ്സൽ സർട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകർപ്പുകളുമായി നൂൽപ്പുഴ കുടുംബാരോഗ്യ കേന്ദ്രത്തിൽ നേരിട്ടെത്തണം. ഫോണ്‍- 04936-270604, 7736919799