എടക്കളത്തൂര്‍ ശ്രീകൃഷ്ണ വിലാസം എല്‍.പി സ്‌കൂളില്‍ നിര്‍മ്മിച്ച പുതിയ ടോയ്‌ലറ്റ് ബ്ലോക്കിന്റെ ഉദ്ഘാടനം പഞ്ചായത്ത് പ്രസിഡന്റ് ശ്രീകല കുഞ്ഞുണ്ണി നിര്‍വ്വഹിച്ചു. തോളൂര്‍ പഞ്ചായത്ത് ശുചിത്വ മിഷന്റെ സഹകരണത്തോടെ 2023-24 വാര്‍ഷിക പദ്ധതി പ്രകാരം 4.5 ലക്ഷം രൂപ ചെലവഴിച്ചാണ് ടോയലറ്റ് ബ്ലോക്കിന്റെ നിര്‍മ്മാണം പൂര്‍ത്തീകരിച്ചത്. വികസന സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ഷീന വില്‍സണ്‍ അധ്യക്ഷത വഹിച്ചു.
 

ചേലക്കര നിയോജക മണ്ഡലത്തിലെ ജല വിതരണവുമായി ബന്ധപ്പെട്ട അവലോകന യോഗം യു.ആര്‍ പ്രദീപ് എംഎല്‍എ യുടെ അധ്യക്ഷതയില്‍ ചേര്‍ന്നു.
വേനല്‍ കടുത്തതോടെ ചേലക്കര നിയോജക മണ്ഡലത്തിലെ വിവിധ പ്രദേശങ്ങളില്‍ നേരിടുന്ന കുടിവെള്ള ക്ഷാമം യോഗം വിലയിരുത്തി. വകുപ്പ് തലത്തില്‍ പ്രശ്‌നങ്ങള്‍ ചര്‍ച്ച ചെയ്യുന്നതിനും, ആവശ്യമായ തുടര്‍നടപടികള്‍ സ്വീകരിക്കണമെന്നും എംഎല്‍എ യോഗത്തില്‍ ആവശ്യപ്പെട്ടു.

നശാമുക്ത് ഭാരത് അഭിയാന്റെ ജില്ലാതല ഉദ്ഘാടനവും ലഹരി വിരുദ്ധ സന്ദേശ ഓട്ടന്‍തുള്ളലും ഇന്ന് (മാര്‍ച്ച് 15) ഉച്ചയ്ക്ക് 2 ന് ഉന്നത വിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം ചെയ്യും. ലഹരി വസ്തുക്കളുടെ ഉപയോഗം കുറയ്ക്കുന്നതിനായി സംഘടിപ്പിക്കുന്ന ക്യാമ്പയിനാണ് നശാമുക്ത് ഭാരത് അഭിയാന്‍. തൃശ്ശൂര്‍ ടൗണ്‍ ഹാളില്‍ നടക്കുന്ന ചടങ്ങില്‍ പി. ബാലചന്ദ്രന്‍ എംഎല്‍എ അധ്യക്ഷനാകും. ജില്ലാ പഞ്ചായത്ത് പ്രസിഡന്റ് വി.എസ് പ്രിന്‍സ്, ജില്ലാ കളക്ടര്‍ അര്‍ജ്ജുന്‍ പാണ്ഡ്യന്‍ എന്നിവര്‍ മുഖ്യാതിഥികളാകും.

 
വിലക്കയറ്റത്തിന് വിരാമമിടാൻ പൊതുവിപണിയിൽ നിരന്തരം ഇടപെട്ട് എല്ലാ ഘട്ടങ്ങളിലും ജനങ്ങളെ കൊള്ളയടിക്കുന്ന മാർക്കറ്റുകളെ പിടിച്ചുനിർത്താൻ സഹായിക്കുന്ന ഇടപെടലാണ് കൺസ്യൂമർഫെഡ് സമയ-സന്ദർഭോചിതമായി നടത്തിക്കൊണ്ടിരിക്കുന്നതെന്ന്

എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ തൃശ്ശൂര്‍ മേഖലാ കേന്ദ്രത്തില്‍ മാര്‍ച്ച് ഏപ്രില്‍ മാസങ്ങളില്‍ ആരംഭിക്കുന്ന തൊഴിലധിഷ്ഠിത കമ്പ്യൂട്ടര്‍ കോഴ്‌സുകളിലേക്ക് അപേക്ഷ ക്ഷണിച്ചു.
ഡി.സി.എഫ്.എ കോഴ്‌സിലേക്ക് പ്ലസ്ടു, പ്രീഡിഗ്രി, ഡിഗ്രി (കോമേഴ്‌സ്) യോഗ്യതയുള്ളവര്‍ക്കും, ടാലി കോഴ്‌സിലേക്ക്  പ്ലസ്ടു, പ്രീഡിഗ്രി, ഡിഗ്രി (കോമേഴ്‌സ്) യോഗ്യതയുള്ളവര്‍ക്കും, ഡാറ്റ എന്‍ട്രി ആന്‍ഡ് ഓഫീസ് ഓട്ടോമേഷന്‍ കോഴ്‌സിലേക്ക് എസ്.എസ്.എല്‍.സി യോഗ്യതയുള്ളവര്‍ക്കും, ഡി.സി.എ.(എസ് ) കോഴ്‌സിലേക്ക് പ്ലസ്ടു, ഡിഗ്രി, ഡിപ്ലോമ യോഗ്യതയുള്ളവര്‍ക്കും അപേക്ഷിക്കാം.

ചാലക്കുടി ഗവ. ഐ.ടി.ഐ. യില്‍ ഇലക്ട്രോണിക്‌സ് മെക്കാനിക്ക്, മെക്കാനിക്ക് ഓട്ടോ ബോഡി പെയിന്റിംഗ് എന്നീ ട്രേഡുകളില്‍ ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നു. പി.എസ്.സി യുടെ റിസര്‍വേഷന്‍ റൊട്ടേഷന്‍ അനുസരിച്ചാണ് നിയമനം നടക്കുക. ഇലക്ട്രോണിക്‌സ് മെക്കാനിക്ക് ട്രേഡില്‍ റൊട്ടേഷന്‍ പ്രകാരം മുസ്ലിം വിഭാഗത്തില്‍ നിന്നാണ് നിയമനം നടത്തുക. മെക്കാനിക്ക് ഓട്ടോ ബോഡി പെയിന്റിംഗില്‍ റൊട്ടേഷന്‍ പ്രകാരം ഒ.സി. വിഭാഗത്തില്‍ നിന്നുമായിരിക്കും നിയമനം നടത്തുന്നത്. നിര്‍ദിഷ്ട വിദ്യാഭ്യാസ യോഗ്യതയുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം മാര്‍ച്ച് 18 ന് രാവിലെ 10 : 30 ന്  ഐ.ടി.ഐ.

 ജില്ലയിൽ മഴക്കാല രോഗങ്ങളെ പ്രതിരോധിക്കുന്നതിന് മഴക്കാല പൂർവ്വ രോഗ പ്രതിരോധ ജനകീയ കാമ്പയിൻ ആരംഭിക്കാൻ ആരോഗ്യ വകുപ്പ് തീരുമാനിച്ചു. മഴക്കാല പൂർവ്വ രോഗ പ്രതിരോധ നടപടികൾ ഇർജ്ജിതമാക്കുന്നതിനു ജില്ലാ സർവേലൻസ് ഓഫീസർ ഡോ. സച്ചിൻ കെ സി യുടെ നേതൃത്വത്തിൽ വിവിധ പ്രോഗ്രാം ഓഫീസർ മാരുടെ യോഗവും ഐ ഡി എസ് പി മീറ്റിങ്ങും ചേർന്നു.
*മഴയെത്തും മുമ്പേ മാറ്റാം.. മാലിന്യം, കാക്കാം.. ആരോഗ്യം എന്നതാണ് ക്യാമ്പയിൻ മുദ്രാവാക്യം. ലക്ഷ്യങ്ങൾ:

തൃശ്ശൂര്‍ ജില്ലാ ആസൂത്രണ സമിതി യോഗം മാര്‍ച്ച് 17 ന് ഉച്ചയ്ക്ക് രണ്ടിന് ജില്ലാ ആസൂത്രണ ഭവന്‍ കോണ്‍ഫറന്‍സ് ഹാളില്‍ ചേരും. യോഗത്തില്‍ സുലേഖ സോഫ്റ്റ്വെയറില്‍  ജില്ലാ ആസൂത്രണ സമിതി അംഗീകാരത്തിനായി സമര്‍പ്പിച്ച പ്രോജക്ടുകള്‍ പരിഗണിക്കുമെന്ന് ജില്ലാ പ്ലാനിങ് ഓഫീസര്‍ അറിയിച്ചു.
 

ദേശമംഗലം ഗവ. ഐ.ടി.ഐ യില്‍ ഇലക്ട്രീഷ്യന്‍ ട്രേഡില്‍  ഗസ്റ്റ് ഇന്‍സ്ട്രക്ടര്‍  നിയമനത്തിന് അപേക്ഷ ക്ഷണിച്ചു. റിസര്‍വേഷന്‍ റൊട്ടേഷന്‍ അടിസ്ഥാനത്തില്‍ ആയിരിക്കും നിയമനം. സംവരണ വിഭാഗത്തിന്റെ അഭാവത്തില്‍ മറ്റ് വിഭാഗം ഉദ്യോഗാര്‍ത്ഥികളെയും പരിഗണിക്കും. ബന്ധപ്പെട്ട വിഷയത്തില്‍ എന്‍.ടി.സി/എന്‍.എ.സി  യും മൂന്ന് വര്‍ഷത്തെ പ്രവൃത്തി പരിചയവും എന്‍ജിനീയറിങ് ഡിപ്ലോമയും രണ്ടുവര്‍ഷ പ്രവൃത്തി പരിചയവും എന്‍ജിനീയറിങ് ഡിഗ്രിയും ഒരുവര്‍ഷ പ്രവൃത്തി പരിചയവും ഉള്ളവര്‍ക്ക് അപേക്ഷിക്കാം.

കൊടകര ഗ്രാമപഞ്ചായത്തിലെ വാട്ടര്‍ ടാങ്ക് വിതരണോദ്ഘാടനം കൊടകര ഗ്രാമപഞ്ചായത്ത് പ്രസിഡന്റ് അമ്പിളി സോമന്‍ നിര്‍വ്വഹിച്ചു. കൊടകര പഞ്ചായത്തിന്റെ 2024-25 വാര്‍ഷിക പദ്ധതിയില്‍ ഉള്‍പ്പെടുത്തിയാണ് വാട്ടര്‍ ടാങ്കുകള്‍ വിതരണം ചെയ്തത്. പദ്ധതിയുടെ ഭാഗമായി പഞ്ചായത്തിലെ വിവിധ ഗുണഭോക്തകള്‍ക്കായി 32 വാട്ടര്‍ ടാങ്കുകള്‍ വിതരണം ചെയ്തു. ജനങ്ങളുടെ നിത്യജീവിതവുമായി ബന്ധപ്പെട്ട പ്രശ്‌നങ്ങള്‍ ഏറ്റെടുക്കുന്ന പദ്ധതികളാണ് കൊടകര പഞ്ചായത്തിലൂടെ നടത്തുന്നതെന്ന് പ്രസിഡന്റ് അമ്പിളി സോമന്‍ പറഞ്ഞു.