ദേശീയ ഭക്ഷ്യ ഭദ്രത പദ്ധതിയിലുള്‍പ്പെട്ട മുന്‍ഗണനാ കാര്‍ഡുകളില്‍ ഇ കെവൈസി ചെയ്യാത്തവര്‍ക്ക് റേഷന്‍ ലഭിക്കില്ലെന്ന് താലൂക്ക് സപ്ലൈ ഓഫീസര്‍ അറിയിച്ചു. റേഷന്‍ വിതരണം നടത്തുന്ന ഇ പോസ് മെഷീനില്‍ പേര് വരാത്തവര്‍ കോഴഞ്ചേരി താലൂക്ക് സപ്ലൈ ഓഫീസില്‍ ബന്ധപ്പെട്ട് ഇ കെവൈസി  നടപടികള്‍ പൂര്‍ത്തിയാക്കണമെന്നും താലൂക്ക് സപ്ലൈ ഓഫീസര്‍ അറിയിച്ചു.

ഇലന്തൂര്‍ ബ്ലോക്ക് പഞ്ചായത്തിന്റെ അക്ഷരജ്വാല പദ്ധതി ബ്ലോക്ക്പഞ്ചായത്ത് ഹാളില്‍ പ്രസിഡന്റ് ജെ ഇന്ദിരാദേവി ഉദ്ഘാടനം ചെയ്തു. മൊബൈല്‍ ഫോണിന്റയും സമൂഹമാധ്യമങ്ങളുടെയും യുഗത്തില്‍ കട്ടികളെ വായനയുടെ ലോകത്തേക്ക്  കൈപിടിച്ചുയര്‍ത്താന്‍ പദ്ധതി ഉപകരിക്കുമെന്ന്  പ്രസിഡന്റ് പറഞ്ഞു. ബ്ലോക്ക്പഞ്ചായത്ത് പരിധിയിലുള്ള എല്‍.പി, യു.പി, ഹൈസ്‌കൂള്‍ വിഭാഗങ്ങളിലായി 29 സ്‌കൂള്‍ ലൈബ്രറികള്‍ക്ക് പുസ്തകം വിതരണം ചെയ്യുന്ന പദ്ധതിയാണ് അക്ഷരജ്വാല.

അയിരൂര്‍ ഗ്രാമപഞ്ചായത്ത്  വാര്‍ഷിക പദ്ധതിയില്‍ ഉള്‍പെടുത്തി വയോജനങ്ങള്‍ക്കുള്ള കട്ടില്‍ വിതരണ ഉദ്ഘാടനം പ്രസിഡന്റ് അമ്പിളി പ്രഭാകരന്‍ നിര്‍വഹിച്ചു. നാല് ലക്ഷം രൂപയ്ക്ക് 84 കട്ടിലുകളാണ് വിതരണം ചെയ്തത്. വൈസ് പ്രസിഡന്റ് വിക്രമന്‍ നാരായണന്‍, അംഗങ്ങളായ ബെന്‍സണ്‍ പി.തോമസ്, കെ റ്റി സുബിന്‍, പ്രഭാവതി, പ്രീത നായര്‍, ഐസിഡിഎസ് സൂപ്പര്‍വൈസര്‍ ഷൈനി എന്നിവര്‍ പങ്കെടുത്തു.
 

തിരുവനന്തപുരം, ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോടുകൂടി ഒരുവര്‍ഷം, ആറ് മാസം, മൂന്ന് മാസം ദൈര്‍ഘ്യമുള്ള ലോജിസ്റ്റിക്‌സ് വിവിധ കോഴ്സിലേക്ക് ഇന്റേണ്‍ഷിപ്പോടുകൂടി പഠനത്തിന് റഗുലര്‍, പാര്‍ട്ട് ടൈം ബാച്ചുകളിലേക്ക് അപേക്ഷ ക്ഷണിച്ചു.
എസ്.എസ്.എല്‍.സി, പ്ലസ് ടു, ബിരുദമാണ് യോഗ്യത.
ഫോണ്‍: 7994926081.

       ഭിന്നശേഷിക്കാരിൽ നിന്നും സൂപ്പർ ന്യൂമററി നിയമനത്തിനായി സാമൂഹ്യനീതി വകുപ്പ് അപേക്ഷ ക്ഷണിച്ചു.

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്സിൽ എം.ബി.എ (ട്രാവൽ ആൻഡ് ടൂറിസം) 2025-27 ബാച്ചിലേക്ക് ഓൺലൈനായി അപേക്ഷിക്കാം.

 
വെച്ചൂച്ചിറ ഗ്രാമപഞ്ചായത്ത് വാര്‍ഷിക പദ്ധതിയില്‍ ഉള്‍പ്പെടുത്തി ഉന്നത വിദ്യാഭ്യാസം നടത്തുന്ന വിദ്യാര്‍ത്ഥികള്‍ക്കുള്ള ലാപ്‌ടോപ്പുകളുടെ വിതരണോദ്ഘാടനം പ്രസിഡന്റ് റ്റി കെ ജയിംസ് നിര്‍വഹിച്ചു. വൈസ് പ്രസിഡന്റ് പൊന്നമ്മ ചാക്കോ അധ്യക്ഷയായി. വിദ്യാഭ്യാസ സ്ഥിരംസമിതി അംഗം രമാദേവി, പഞ്ചായത്തംഗങ്ങളായ രാജി വിജയകുമാര്‍, റ്റി കെ രാജന്‍, വിദ്യാര്‍ഥികള്‍ എന്നിവര്‍ പങ്കെടുത്തു.

2024-25 അദ്ധ്യയന വർഷത്തെ കീം പ്രവേശനവുമായി ബന്ധപ്പെട്ട് പ്രവേശന പരീക്ഷാ കമ്മീഷണർക്ക് ഫീസ് ഒടുക്കിയിട്ടുള്ളവരിൽ റീഫണ്ടിന് അർഹതയുളള വിദ്യാർത്ഥികൾക്ക് ഒന്നാംഘട്ടം റീഫണ്ട് നല്കിയിരുന്നു. അതിൽ അക്കൗണ്ട് ഡീറ്റെയിൽസ് തെറ്റായതു കാരണം റീഫണ്ട് ലഭിക്കാത്തവർക്ക് ഒരിക്കൽകൂടി ബാങ്ക് അക്കൗണ്ട് വിവരങ്ങൾ അപലോഡ് ചെയ്യണം. റീഫണ്ട് റിട്ടേൺ ആയ വിദ്യാർത്ഥികളുടെ ലിസ്റ്റ് വെബ്‌സൈറ്റിൽ പ്രസിദ്ധീകരിച്ചിട്ടുണ്ട്.

ബഹ്റൈനിനെയും ഹൈദരാബാദിനെയും കീം പരീക്ഷാ കേന്ദ്രമായി തിരഞ്ഞെടുത്ത അപേക്ഷകരുടെ എണ്ണം കുറവായതിനാൽ അവിടെ കീം പരീക്ഷ നടത്തുന്നതല്ല. ആദ്യ ചോയ്സായി ബഹ്റൈനിനെയും ഹൈദരാബാദിനെയും പരീക്ഷാ കേന്ദ്രമായി തിരഞ്ഞെടുത്ത അപേക്ഷകർക്ക് അവരുടെ തുടർന്നുള്ള ഓപ്ഷനുകൾക്കു അനുസൃതമായി പരീക്ഷ കേന്ദ്രങ്ങൾ അനുവദിക്കും.

വെച്ചൂച്ചിറ ഗ്രാമപഞ്ചായത്ത് വാര്‍ഷിക പദ്ധതിയില്‍ ഉള്‍പ്പെടുത്തി ജി ബിന്നുകളുടെ വിതരണോദ്ഘാടനം പ്രസിഡന്റ് റ്റി കെ ജയിംസ് നിര്‍വഹിച്ചു. മാലിന്യമുക്ത നവ കേരളം പദ്ധതി പ്രകാരം അടുക്കള മാലിന്യങ്ങള്‍ ജൈവ വളമാക്കി മാറ്റുന്നതിനയി ആദ്യ ഘട്ടത്തില്‍ 360 പേര്‍ക്കാണ് ജി ബിന്നുകള്‍ നല്‍കിയത്.