ജില്ലാ വ്യവസായ കേന്ദ്രത്തിന്റെ നേതൃത്വത്തില്‍ സുല്‍ത്താന്‍ ബത്തേരി സപ്ത റിസോര്‍ട്ട് ആന്‍ഡ് സ്പായില്‍ ഇന്ന് (മാര്‍ച്ച് 15) രാവിലെ 10 ന് നടക്കുന്ന ബാങ്കേഴ്സ് മീറ്റ് പട്ടികജാതി-പട്ടികവര്‍ഗ്ഗ-പിന്നാക്കക്ഷേമ വകുപ്പ് മന്ത്രി ഒ.ആര്‍ കേളു  ഉദ്ഘാടനം ചെയ്യും. കേന്ദ്ര സൂക്ഷ്മ, ചെറുകിട, ഇടത്തരം വ്യവസായ മന്ത്രാലയത്തിന്റെയും വ്യവസായ വാണിജ്യ വകുപ്പിന്റെയും ആഭിമുഖ്യത്തില്‍ ലോക ബാങ്ക് പദ്ധതിയായ റൈസിംഗ് ആന്‍ഡ് ആക്സലേറ്റിംഗ് എം.എസ്.എം.ഇ പെര്‍ഫോര്‍മന്‍സ് പദ്ധതിയുടെ ഭാഗമായാണ്  ബാങ്കേഴ്സ് മീറ്റ് സംഘടിപ്പിക്കുന്നത്.

*പുനരധിവാസം*: 

*രണ്ടാംഘട്ട 2-എ അന്തിമ ലിസ്റ്റ് പ്രസിദ്ധീകരിച്ചു*

*പട്ടികയില്‍ 87 ഗുണഭോക്താക്കള്‍*

പ്രയുക്തി മിനി തൊഴില്‍മേളയിൽ 152 പേർക്ക് പ്ലേസ്മെന്റ്

ലോക ഉപഭോക്തൃ അവകാശദിനാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത്‌ കോൺഫറൻസ് ഹാളില്‍ എച്ച് സലാം എംഎൽഎ നിര്‍വഹിച്ചു. എല്ലാ മനുഷ്യരെയും നേരിട്ട് ബാധിക്കുന്ന ഉപഭോക്തൃ നിയമത്തിൻ്റെ പരിരക്ഷയെക്കുറിച്ച് ഭൂരിപക്ഷം പേർക്കും അവബോധമില്ലെന്നും പുതുതലമുറ വിദ്യാർഥികളെയും നിയമം ഉപയോഗിക്കുവാൻ പ്രാപ്തരാക്കണമെന്നും എംഎൽഎ പറഞ്ഞു. 

ആലപ്പുഴ ഗവ. ടി. ഡി മെഡിക്കല്‍ കോളേജ് ആശുപത്രിയില്‍ കാര്‍ഡിയോളജി വിഭാഗത്തിന് കീഴിലുള്ള കാത്ത് ലാബിലെ നോണ്‍ ടെക്‌നിക്കല്‍ അസിസ്റ്റന്റ് തസ്തികയിലേക്കുള്ള താല്‍ക്കാലിക ഒഴിവിലേക്ക് (2 എണ്ണം) അപേക്ഷ ക്ഷണിച്ചു.  എഴുത്തു പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് നിയമനം. യോഗ്യത പ്ലസ്ടു വിജയവും ഇംഗ്ലീഷ് ഭാഷ പ്രാവീണ്യവും ഗവണ്‍മെന്റ് ആശുപത്രിയിലെ കാത്ത് ലാബില്‍ അഞ്ചു വര്‍ഷത്തില്‍ കുറയാതെയുള്ള പ്രവൃത്തി പരിചയവും. പ്രായപരിധി 2025  മാര്‍ച്ച് ഒന്നിന് 40 വയസ് കവിയരുത്.

ആലപ്പുഴ ജില്ലാ വ്യവസായ കേന്ദ്രത്തിന്റെയും കുട്ടനാട് താലൂക്ക് വ്യവസായ ഓഫീസിന്റെയും സംയുക്താഭിമുഖ്യത്തില്‍ കുട്ടനാട് താലൂക്ക് പരിധിയിലുള്ള സംരംഭകർക്കായി മാര്‍ച്ച് 18 ന് മങ്കൊമ്പ് തെക്കേക്കര പി. കൃഷ്ണപുള്ള മെമ്മോറിയല്‍ ഓഡിറ്റോറിയത്തില്‍ ബാങ്കേഴ്‌സ് മീറ്റ്-2025 സംഘടിപ്പിക്കും. താല്‍പര്യമുള്ളവര്‍ മുന്‍കൂട്ടി രജിസ്റ്റര്‍ ചെയ്യുക. ഫോണ്‍: 9567589884 (ഐ.ഇ.ഒ വെളിയനാട് ബ്ലോക്ക്), 9188127075 (ഐ.ഇ.ഒ ചമ്പക്കുളം ബ്ലോക്ക്)
(പിആർ/എഎൽപി/818)

ആയാപറമ്പ് ഗവ. ഹയർ സെക്കൻഡറി സ്കൂളിൽ സംഘടിപ്പിച്ച പഠനോത്സവം ജില്ലാ പഞ്ചായത്തംഗം എ ശോഭ ഉദ്ഘാടനം ചെയ്തു. മികച്ച ഐസിഡിഎസ് സൂപ്പർവൈസർക്കുള്ള സംസ്ഥാന അവാർഡ് കരസ്ഥമാക്കിയ ജ്യോതി ജയദേവൻ, പൂർവ്വ വിദ്യാർഥിയായ സിവിൽ പൊലീസ് ഓഫീസർ നിഷാദ് ചെറുവള്ളിൽ, സീഡ് പദ്ധതി കോർഡിനേറ്റർ രശ്‌മി എന്നിവരെ ചടങ്ങിൽ ആദരിച്ചു. സ്കോളർഷിപ്പ് നേടിയ പ്രീപ്രൈമറി വിദ്യാർഥികൾക്കുള്ള അനുമോദനവും ലിറ്റിൽ കൈറ്റ്സ് ഡിജിറ്റൽ മാഗസിൻ പ്രകാശനവും കുട്ടികളുടെ കലാപരിപാടികളും പഠനോത്സവത്തിന്റെ ഭാഗമായി നടന്നു. 

നാറാത്ത് ഗ്രാമപഞ്ചായത്തിലെ പുല്ലൂപ്പിക്കടവ് ടൂറിസം പദ്ധതിയുടെ രണ്ടാം ഘട്ടത്തിന് ഭരണാനുമതി ലഭിച്ചുവെന്ന് കെ.വി സുമേഷ് എം.എല്‍.എ വാര്‍ത്താസമ്മേളനത്തില്‍ അറിയിച്ചു. കോഴിക്കോട് എന്‍.ഐ.ടി നടത്തിയ പരിശോധനയ്ക്ക് ശേഷം സമര്‍പ്പിച്ച സേഫ്റ്റി ഓഡിറ്റ് സര്‍ട്ടിഫിക്കറ്റിന്റെ അടിസ്ഥാനത്തിലാണ് 4,27,98,673 രൂപയുടെ പുതുക്കിയ എസ്റ്റിമേറ്റിന് ഭരണാനുമതി നല്‍കിയത്. ഇതിന്റെ ഭാഗമായി ഫ്ളോട്ടിങ് റെസ്റ്റോറന്റുകള്‍ ആരംഭിക്കുവാനുള്ള ടെണ്ടറുകള്‍ ഒരാഴ്ചയ്ക്കകം പുറത്തിറക്കും.