എറണാകുളം ജില്ലയിലെ കേന്ദ്ര അർധസർക്കാർ സ്ഥാപനത്തിൽ  ഹിന്ദി ട്രാൻസലേറ്ററിന്റെ സ്ഥിരം ഒഴിവ്. പ്രായപരിധി 35. യോഗ്യത: ബിരുദതലത്തിൽ ഹിന്ദി ഒരു വിഷയമായി പഠിച്ച് ഇംഗ്ലീഷിലുള്ള ബിരുദാനന്തര ബിരുദം. അല്ലെങ്കിൽ ബിരുദതലത്തിൽ ഇംഗ്ലീഷ് വിഷയമായി പഠിച്ച് ഹിന്ദിയിലുള്ള ബിരുദാനന്തര ബിരുദം/ ഒരു സർക്കാർ പൊതുമേഖല സ്ഥാപനത്തിൽ ഹിന്ദി ഇംഗ്ലീഷ് തർജമയിൽ രണ്ടുവർഷത്തെ പ്രവർത്തിപരിചയം, പി.ജി ഡിപ്ലോമ ഇൻ ട്രാൻസലേഷൻ, മലയാള ഭാഷാ പരിജ്ഞാനം എന്നീ യോഗ്യതയുള്ളവർക്ക് അപേക്ഷിക്കാം. അസൽ  സർട്ടിഫിക്കറ്റുകൾ സഹിതം മാർച്ച് 22ന് മുൻപ് ബന്ധപ്പെട്ട പ്രൊഫഷണൽ ആൻഡ് എക്‌സിക്യൂട്ടീവ് എംപ്ലോയ്‌മെൻറ് എക്‌സ്‌ചേഞ്ചിൽ പേര് രജിസ്റ്റർ ചെയ്യണം.

എറണാകുളം ജില്ലയിലെ അർധ സർക്കാർ സ്ഥാപനത്തിൽ സീനിയർ മാനേജർ( എച്ച്.ആർ) തസ്തികയിൽ ഒരു ഒഴിവ്.
യോഗ്യത:  ഏതെങ്കിലും വിഷയത്തിൽ ബിരുദം/  അംഗീകൃത സർവകലാശാലയിൽ നിന്നും എം.ബി.എ  അല്ലെങ്കിൽ എം.എസ് .ഡബ്ല്യൂ/ നിയമബിരുദം /എച്ച്. ആർ മാനേജ്‌മെന്റിൽ 13 വർഷത്തെ പ്രവൃത്തി പരിചയം.പ്രായ പരിധി: 18 മുതൽ 45 വരെ( ഇളവുകൾ അനുവദനീയം). അസ്സൽ  സർട്ടിഫിക്കറ്റുകൾ സഹിതം മാർച്ച് 21ന് മുൻപ് ബന്ധപ്പെട്ട പ്രൊഫഷണൽ ആൻഡ് എക്‌സിക്യൂട്ടീവ് എംപ്ലോയ്‌മെൻറ് എക്‌സ്‌ചേഞ്ചിൽ പേര് രജിസ്റ്റർ ചെയ്യണം. നിലവിൽ ജോലി ചെയ്തുകൊണ്ടിരിക്കുന്നവർ ബന്ധപ്പെട്ട സ്ഥാപനത്തിൽ നിന്നും എൻ.ഒ.സി ഹാജരാക്കണം.

തലനാട് കുടുംബാരോഗ്യ കേന്ദ്രത്തിൽ ലാബ് ടെക്‌നീഷ്യനെ ദിവസ വേതന അടിസ്ഥാനത്തിൽ നിയമിക്കുന്നു. പാരാമെഡിക്കൽ ലബോറട്ടറി ടെക്‌നോളജിയിൽ ഡിപ്ലോമയും കേരളാ പാരാമെഡിക്കൽ കൗൺസിൽ രജിസ്‌ട്രേഷനും ഉള്ളവർക്ക് അപേക്ഷിക്കാം. അപേക്ഷകൾ മാർച്ച് 20 ന് വൈകിട്ടു നാലിന് മുമ്പായി  മെഡിക്കൽ ഓഫീസർ, കുടുംബാരോഗ്യ കേന്ദ്രം ,തലനാട് പി .ഒ 686580  എന്ന വിലാസത്തിൽ ലഭിക്കണം.

 കടുത്തുരുത്തി ഗവൺമെന്റ് പോളിടെക്‌നിക് കോളജിന്റെ രജത ജൂബിലി ആഘോഷങ്ങൾക്ക് ശനിയാഴ്ച (മാർച്ച് 15) തുടക്കം. ഉച്ചകഴിഞ്ഞ് രണ്ടുമണിയ്ക്ക് സഹകരണ- തുറമുഖം- ദേവസ്വം വകുപ്പ് മന്ത്രി വി.എൻ. വാസവൻ പരിപാടി ഉദ്ഘാടനം ചെയ്യും. കോളേജ് അങ്കണത്തിൽ നടക്കുന്ന പരിപാടിയിൽ അഡ്വ. മോൻസ് ജോസഫ് അധ്യക്ഷത വഹിക്കും. ഉന്നത വിദ്യാഭ്യാസ സാമൂഹികനീതി വകുപ്പ് മന്ത്രി ആർ. ബിന്ദു ഓൺലൈനായി സന്ദേശം നൽകും.

ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ മാര്‍ച്ച് 20ന് എം.എസ്.എം.ഇ ക്ലിനിക്ക് കാസറര്‍കോട് സിറ്റി ടവറില്‍ വെച്ച് സംഘടിപ്പിക്കും. ഫിനാന്‍സ്, മാര്‍ക്കറ്റിംഗ്, ഭക്ഷ്യസംസ്‌കരണ മൂല്യവര്‍ധിത ഉത്പന്നമേഖല, കയറ്റുമതി - ഇറക്കുമതിനിയമങ്ങള്‍, ഡിജിറ്റല്‍ മാര്‍ക്കറ്റിംഗ്, ജി.എസ്.ടി, ലൈസന്‍സ് തുടങ്ങിയ മേഖലകളിലെ വിഷയ വിദഗ്ധധരുടെ ക്ലാസ്സുകളും തുടര്‍ന്ന് നേരിട്ടുള്ള സേവനവും ഉണ്ടായിരിക്കും.  ഫോണ്‍- 9188401714.
 

മലബാര്‍ ദേവസ്വം ബോര്‍ഡിന് കീഴില്‍ കാസര്‍കോട് ജില്ല, കാസര്‍കോട് താലൂക്കിലുള്ള കുറ്റിക്കോല്‍ ഗ്രാമത്തിലെ കുറ്റിക്കോല്‍ ശ്രീ വിഷ്ണുമൂര്‍ത്തി ക്ഷേത്രത്തില്‍ അഞ്ച് പാരമ്പര്യേതര ട്രസ്റ്റിമാരുടെ ഒഴിവുകളിലേക്ക് ഹിന്ദുമതം ആചരിക്കുന്ന ആളുകളില്‍ നിന്നും അപേക്ഷ ക്ഷണിച്ചു. അപേക്ഷകള്‍ മലബാര്‍ ദേവസ്വം ബോര്‍ഡ് കാസര്‍കോട് ഡിവിഷന്‍ നീലേശ്വരത്തുള്ള അസിസ്റ്റന്റ് കമ്മീഷണറുടെ ഓഫീസിലും മലബാര്‍ ദേവസ്വം ബോര്‍ഡ് വെബ് സൈറ്റിലും ലഭിക്കും. പൂരിപ്പിച്ച അപേക്ഷകള്‍ മാര്‍ച്ച് 26 ന് വൈകു ന്നേരം അഞ്ചിന് മുമ്പായി ലഭിക്കണം.

 സംസ്ഥാന സാക്ഷരതാമിഷൻ അതോറിറ്റി നടപ്പാക്കുന്ന പച്ചമലയാളം കോഴ്സിലേക്ക് ഏപ്രിൽ 12 വരെ രജിസ്റ്റർ ചെയ്യാം. മലയാളം മീഡിയത്തിൽ പഠിക്കാൻ അവസരം ലഭിക്കാത്തവർക്കും മലയാളത്തിൽ സാമാന്യ പരിജ്ഞാനം ആഗ്രഹിക്കുന്നവർക്കും കോഴ്‌സിന് അപേക്ഷിക്കാം. അപേക്ഷകർക്ക് 17 വയസ് പൂർത്തിയാകണം. ഒരുവർഷം ദൈർഘ്യമുള്ള  കോഴ്സാണ് പച്ചമലയാളം.  ആറുമാസം വീതമുള്ള ഒന്നാം ഭാഗം അടിസ്ഥാന കോഴ്സ്, രണ്ടാം ഭാഗം അഡ്വാൻസ്ഡ് കോഴ്സ് എന്നിങ്ങനെയാണ് കോഴ്സ് വിഭാവനം ചെയ്തിരിക്കുന്നത്

മലബാര്‍ ദേവസ്വം ബോര്‍ഡിന് കീഴില്‍ കാസര്‍കോട് ജില്ല, ഹൊസ്ദുര്‍ഗ്ഗ് താലൂക്കിലുള്ള ഹൊസ്ദുര്‍ഗ്ഗ് ഗ്രാമത്തിലെ ശ്രീ മാരിയമ്മ ക്ഷേത്രത്തില്‍ അഞ്ച് പാരമ്പര്യേതര ട്രസ്റ്റിമാരുടെ ഒഴിവുകളിലേക്ക് ഹിന്ദുമതം ആചരിക്കുന്ന ആളുകളില്‍ നിന്നും അപേക്ഷ ക്ഷണിച്ചു. അപേക്ഷകള്‍ മലബാര്‍ ദേവസ്വം ബോര്‍ഡ് കാസര്‍കോട് ഡിവിഷന്‍ നീലേശ്വരത്തുള്ള അസിസ്റ്റന്റ് കമ്മീഷണറുടെ ഓഫീസിലും മലബാര്‍ ദേവസ്വം ബോര്‍ഡ് വെബ് സൈറ്റിലും ലഭിക്കും. പൂരിപ്പിച്ച അപേക്ഷകള്‍ മാര്‍ച്ച് 26 ന് വൈകുന്നേരം അഞ്ചിന് മുമ്പായി ലഭിക്കണം.

 ജില്ലയിലെ ആരോഗ്യ വകുപ്പിലെ ജൂനിയർ ഹെൽത്ത് ഇൻസ്‌പെക്ടർ ഗ്രേഡ് രണ്ടു തസ്തികയിലേക്ക് നിലവിൽ വന്ന  റാങ്ക്പട്ടിക നിയമനം പൂർത്തിയായതിനാൽ റദ്ദാക്കിയതായി പി.എസ്.സി. ജില്ലാ ഓഫീസർ അറിയിച്ചു.