ആലപ്പുഴ :ലോക്സഭാ തിരഞ്ഞെടുപ്പ് ഭിന്നശേഷി സൗഹൃദമാക്കാൻ ഇവർക്ക് പ്രത്യേക ആപ്ലിക്കേഷനുമായി തിരഞ്ഞെടുപ്പ് കമ്മീഷൻ. പി.ഡബ്ല്യു.ഡി. (പേഴ്സൺ വിത്ത് ഡിസെബിലിറ്റി) എന്ന പേരിൽ പുറത്തിറക്കിയിരിക്കുന്ന ആപ്ലിക്കേഷൻ ഗൂഗിൾ പ്ലേ സ്റ്റോറിൽനിന്ന് ഡൗൺലോഡ് ചെയ്ത് ഭിന്നശേഷിക്കാർക്ക് ഉപയോഗിക്കാം. ശാരീരിക വൈകല്യമുള്ളവർക്ക് പ്രശ്‌നങ്ങൾ തിരഞ്ഞെടുപ്പ് കമ്മിഷനെ അറിയിക്കുന്നതിനും സേവനങ്ങൾ ആവശ്യപ്പെടുന്നതിനുമുള്ള സൗകര്യം ഈ ആപ്പിലുണ്ട്. പി.ഡബ്ല്യു.ഡി.

ആലപ്പുഴ: ലോക്‌സഭ തിരഞ്ഞെടുപ്പിനോടനുബന്ധിച്ച് വോട്ടർപട്ടികയുമായി  ബന്ധപ്പെട്ട് തിരഞ്ഞെടുപ്പ് രജിസ്‌ട്രേഷൻ ഓഫീസർമാർക്ക് (ഇ.ആർ.ഒ) പരിശീലനം നൽകി. പ്ലാനിങ് ഓഫീസിൽ നട പരിശീലന ക്ലാസിന് തിരഞ്ഞെടുപ്പ്  ഡപ്യൂട്ടി കളക്ടർ അതുൽ  സ്വാമിനാഥ്, എൽ.എ സ്‌പെഷ്യൽ തഹസിൽദാർ അബ്ദുൾ റഷീദ് എന്നിവർ നേതൃത്വം നൽകി. മോക്‌പോളിന് നേതൃത്വം നൽകൽ, ഇ.വി.എമ്മുകളുടെ ചുമതല, പോസ്റ്റൽ ബാലറ്റുകളുടെ ചുമതല,  പോളിങ് മെഷീനുകളുടെ സുരക്ഷിതത്വം,വി.വി പാറ്റ് പേപ്പർ സ്ലിപ്പുകൾ എണ്ണിതിട്ടപെടുത്തുന്നതിന്റെ മേൽനോട്ടം,  തുടങ്ങിയവയാണ്  സഹവരണാധികാരികളുടെ ചുമതല.

ആലപ്പുഴ: പൊതു തിരഞ്ഞെടുപ്പുമായി ബന്ധപ്പെട്ട് മാതൃക പെരുമാറ്റച്ചട്ടം നിലനിൽക്കേ സർക്കാർ ഉദ്യോഗസ്ഥർ ഫെയ്സ്ബുക്ക്, വാട്സ്അപ്പ്, ട്വിറ്റർ തുടങ്ങിയ സമൂഹ മാധ്യമങ്ങളിലൂടെയോ, മറ്റെതെങ്കിലും വിധത്തിലോ ഏതെങ്കിലും രാഷ്ട്രീയ പാർട്ടികളോട് അനുഭാവം പ്രകടിപ്പിച്ച്  പോസ്റ്റുകളിടാനോ, ഷെയർ ചെയ്യാനോ പാടില്ല. നിർദ്ദേശം പാലിക്കാത്ത സർക്കാർ ജീവനക്കാർക്കെതിരെ കർശന നടപടി സ്വീകരിക്കുമെന്ന് ജില്ല തിരഞ്ഞെടുപ്പ് ഓഫീസർ അറിയിച്ചു.

ആലപ്പുഴ: ലോകസഭ തിരഞ്ഞെടുപ്പുമായി ബന്ധപ്പെട്ടുണ്ടാകുന്ന തിരഞ്ഞെടുപ്പ് പെരുമാറ്റ ചട്ടലംഘനം സംബന്ധിച്ച് പൊതുജനങ്ങൾക്കുണ്ടാകുന്ന പരാതികളും ആക്ഷേപങ്ങളും മൊബൈൽ ഫോൺ മുഖാന്തരം  അറിയിക്കുന്നതിനുള്ള സംവിധാനമായ സി-വിജിൽ ആപ്പ് സംബന്ധിച്ച് പൊതുജനങ്ങൾക്കും രാഷ്ട്രീയ പാർട്ടി പ്രതിനിധികൾക്കായുള്ള ബോധവൽക്കരണ ക്ലാസ് ഇന്ന് (മാർച്ച് 22)ന് രാവിലെ 10.30നും 11.30നും ചേർത്തല എസ്.എൻ.എം ഗവ.ബോയ്‌സ് എച്ച്.എസ്.എസ്.  ഓഡിറ്റോറിയത്തിൽ നടത്തുമെന്ന്  അസിസ്റ്റന്റ് റിട്ടേണിങ് ഓഫീസറായ എൽ.ആർ  ഡപ്യൂട്ടി കളക്ടർ അറിയിച്ചു

ആലപ്പുഴ: മറ്റു മാധ്യമങ്ങളിലൂടെ തിരഞ്ഞെടുപ്പ് പ്രചരണം നടത്തുമ്പോൾ ബാധകമായ നിയമ വ്യവസ്ഥകൾ സോഷ്യൽ മീഡിയ തിരഞ്ഞെടുപ്പ് പ്രചരണത്തിനും ബാധകമാണെന്ന് തിരഞ്ഞെടുപ്പ് കമ്മീഷൻ. നാമനിർദ്ദേശ പത്രിക സമർപ്പിക്കുമ്പോൾ സോഷ്യൽ മീഡിയ അക്കൗണ്ടുകളെക്കുറിച്ചും സത്യവാങ്മൂലം നൽകണം. നാമനിർദ്ദേശ പത്രികയിൽ ടെലഫോൺ നമ്പർ, ഇ-മെയിൽ വിലാസം ഉണ്ടെങ്കിൽ അത് ആധികാരിക സോഷ്യൽ മീഡിയ അക്കൗണ്ട് എന്നിവയെക്കുറിച്ചാണ് വിവരം നൽകേണ്ടത്. സോഷ്യൽ മീഡിയയിലെ ഏതൊരു പരസ്യവും തിരഞ്ഞെടുപ്പ് പ്രചരണ ചെലവിന്റെ ഭാഗമായിരിക്കും.

ആലപ്പുഴ: ജില്ലയിലെ ഹരിത സ്വീപ്പ് ഐക്കോൺ ആയി രാഷ്ട്രപതിയിൽ നിന്ന് നാരിശക്തി പുരസ്‌കാരം നേടിയ ദേവകിയമ്മ. പൊതുതിരഞ്ഞെടുപ്പ് പ്രകൃതി സൗഹാർദപരമായി മാറ്റുന്നതിന്   ശുചിത്വ മിഷൻ കളക്ടറേറ്റ് പരിസരത്ത് തയ്യാറാക്കിയ പ്രകൃതി സൗഹൃദ ബൂത്ത് ഉദ്ഘടനം ദേവകിയമ്മ വെള്ളിയാഴ്ച നിർവഹിക്കുന്ന അവസരത്തിലാണ് ജില്ലാ കളക്ടർ എസ് സുഹാസ് ദേവകിയമ്മയെ ഹരിത സ്വീപ്പ് ഐക്കോൺ ആയി പ്രഖ്യാപിച്ചത്. വോട്ട് എന്റെ ജന്മാവകാശമാണെന്നും ആ അവകാശം വിനിയോഗിക്കുന്നതിൽ ഒരിക്കൽ പോലും വീഴ്ച വരുത്തിയിട്ടില്ലെന്നും ദേവകിയമ്മ പറഞ്ഞു.

ആലപ്പുഴ : ലോക് സഭ തിരഞ്ഞെടുപ്പിനോടനുബന്ധിച്ച് സെക്ടർ ഓഫീസർമാർക്കുള്ള പരിശീലനം നൽകി. സെക്ടർ ഓഫീസർമാർ തിരഞ്ഞെടുപ്പ് ദിവസം ബൂത്തുകളിൽ ഒരുക്കേണ്ട സജ്ജീകരണങ്ങളെ സംബന്ധിച്ചായിരുന്നു പരിശീലനം.  അന്നേദിവസം ഉദ്യോഗസ്ഥരെ ബൂത്തുകളിൽ എത്തിക്കേണ്ട ചുമതല മുതൽ മെഷീനുകളുടെ പ്രവർത്തനം സംബന്ധിച്ച ചുമതലകളും സെക്ടർ ഓഫീസർമാർ നിർവഹിക്കേണ്ടതാണ്.  10 മുതൽ 12 ബൂത്തുകളുടെ ചുമതലയാണ് ഒരു സെക്ടർ ഓഫീസർ വഹിക്കേണ്ടത്. കളക്ടറേറ്റ്  കോൺഫറൻസ് ഹാളിലും ജില്ലാ പ്ലാനിംഗ് ഓഫീസ് കോൺഫറൻസ് ഹാളിലും നടന്ന പരിശീലനത്തിൽ വിവിധ വില്ലേജ് ഓഫീസർമാർ പങ്കെടുത്തു. സംസഥാനതല പരിശീലകൻ ജിജോ ജോസഫ്,  ഐ. റ്റി സെൽ കോ ഓർഡിനേറ്റർ എസ്.

ആലപ്പുഴ: ലോകസഭാ തിരഞ്ഞെടുപ്പുമായി ബന്ധപ്പെട്ട് തിരഞ്ഞെടുപ്പ് ചെലവ്  നോഡൽ ഓഫീസർ കൂടിയായ ജില്ലാ ഫിനാൻസ് ഓഫീസർ പി.രജികുമാർ കൺവീനറും ആലപ്പുഴ ഡി.റ്റി.ഒ പ്രേമാനന്ദ്.എ, ജില്ലാ പി.എ.യു പ്രോജക്ട് ഡയറക്ടർ എം.കെ.ഉഷ എന്നിവർ അംഗങ്ങളുമായി  മൂന്നംഗ ജില്ലാതല സീഷർ റിലീസ് കമ്മിറ്റി രൂപീകരിച്ചതായി ജില്ലാ കളക്ടർ അറിയിച്ചു.മാതൃകാ പെരുമാറ്റച്ചട്ടം നടപ്പിലാക്കുന്നതിൻറ ഭാഗമായി ജില്ലയിലുടനീളം വിന്യസിച്ചിട്ടുള്ള വിവിധ സ്‌ക്വാഡുകൾ പിടിച്ചെടുക്കുന്ന മതിയായ രേഖകളില്ലാത്ത പണമോ മറ്റ് വസ്തുക്കളോ ആവശ്യമായ രേഖകൾ ഹാജരാക്കുന്ന മുറയ്ക്ക് വിട്ടുനല്കുന്നതിന് സീഷർ റിലീസ് കമ്മിറ്റി മുൻപാകെ അപേക്ഷ നൽകാവുന്നതാണ്. 

ആലപ്പുഴ: പൊതു തെരഞ്ഞെടുപ്പുമായി ബന്ധപ്പെട്ട് മാതൃകാ പെരുമാറ്റച്ചട്ടം നിലവിൽ