കേന്ദ്രസംസ്ഥാന സര്‍ക്കാര്‍ സ്ഥാപനങ്ങള്‍, ബാങ്കുകള്‍, പൊതുമേഖലാ സ്ഥാപനങ്ങള്‍ ഗവ.എയ്ഡഡ് സ്ഥാപനങ്ങള്‍ എന്നീ സ്ഥാപനങ്ങളില്‍ നിന്നും ഇനിയും സ്റ്റാഫ് ലിസ്റ്റ് ജില്ലാകലക്ടറുടെ  ഓഫീസില്‍ ഏല്‍പ്പിക്കാത്തവര്‍ ഇന്ന് (23.3.19) രാവിലെ 10 മണിക്ക് മുമ്പ് നല്‍കണം. ലിസ്റ്റ് എത്തിക്കാത്തവര്‍ക്കെതിരെ കര്‍ശന നടപടി സ്വീകരിക്കുമെന്ന് ജില്ലാകലക്ടര്‍ അറിയിച്ചു.

തെരഞ്ഞെടുപ്പ് ബോധവത്കരണ പരിപാടി സ്വീപിന്റെ ഭാഗമായി മൂന്നാറില്‍ തെരുവ് നാടകം സംഘടിപ്പിച്ചു. ആദിവാസി മേഖലകളിലെ പോളിംഗ് ശതമാനം ഉയര്‍ത്തുക, ജനാധിപത്യത്തില്‍ തെരഞ്ഞെടുപ്പിന്റെ പ്രാധാന്യം ജനങ്ങളിലെത്തിക്കുക, വോട്ട് ചെയ്യാന്‍ പ്രോത്സാഹിപ്പിക്കുക തുടങ്ങിയ ലക്ഷ്യങ്ങളോടെയാണ് ജില്ലയിലെ ആദിവാസി മേഖലകളില്‍ തെരഞ്ഞടുപ്പ് ബോധവത്കരണ പരിപാടി സംഘടിപ്പിച്ചത്. 

തെരഞ്ഞെടുപ്പ് ചെലവ് നിരീക്ഷകര്‍ കണ്ടെത്തി പിടിച്ചെടുക്കുന്ന പണത്തിന്റെ ആധികാരികത പരിശോധിച്ച് ഉടമസ്ഥന് വിട്ട് നല്‍കുന്നതിന് എ.ഡി.എം അനില്‍ ഉമ്മന്റെ നേതൃത്വത്തില്‍ അപ്പീല്‍ കമ്മിറ്റി രൂപീകരിച്ചു. ഫിനാന്‍സ് ഓഫീസര്‍ അജി ഫ്രാന്‍സിസാണ് നോഡല്‍ ഓഫീസര്‍. മൂലമറ്റം ജില്ലാ ട്രഷറി ഓഫീസര്‍ കെ.ബി അനില്‍കുമാര്‍ സമിതി അംഗമാണ്. നിയമപരമായ രേഖകളുള്ള പണം കൈകാര്യം ചെയ്യുമ്പോള്‍ ജനങ്ങള്‍ക്ക് ബുദ്ധിമുട്ട് ഉണ്ടാകാതിരിക്കാനാണ് തെരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരം അപ്പീല്‍ സമിതിയെ നിയമിച്ചിട്ടുള്ളത്. 

ലോക്‌സഭാ തെരഞ്ഞെടുപ്പ് പോളിംഗ് ഡ്യൂട്ടി ഉദ്യോഗസ്ഥര്‍ക്ക് പരിശീലനം നല്‍കുന്നതിന് ഓരോ നിയമസഭാമണ്ഡലത്തിലും 10 പരിശീലകരെ നിയോഗിച്ചു. പരിശീലകര്‍ക്ക് കലക്ടറേറ്റ് കോണ്‍ഫറന്‍സ് ഹാളില്‍ മാസ്റ്റര്‍ പരിശീലകരായ സജി എം.ജി, പ്രകാശ് കെ.എസ്, ബെനറ്റ് ലൂക്കോസ് എന്നിവര്‍ ക്ലാസ് എടുത്തു. പരിശീലന പരിപാടി ജില്ലാ നോഡല്‍ ഓഫീസറായ സാബു വര്‍ഗ്ഗീസ് ഉദ്ഘാടനം ചെയ്തു. ഇലക്‌ട്രോണിക് വോട്ടിംഗ് മെഷീന്‍, വിവിപാറ്റ് എന്നിവയുടെ പ്രവര്‍ത്തനം ഉള്‍പ്പെടെ എല്ലാ സംശയങ്ങള്‍ക്കും ക്ലാസില്‍ മറുപടി നല്‍കി.

അരീക്കോട് 220 കെ.വി സബ്ബ് സ്റ്റേഷനില്‍ അറ്റകുറ്റപണി നടക്കുന്നതിനാല്‍ മാര്‍ച്ച് 24 ന് രാവിലെ എട്ട് മുതല്‍  വൈകീട്ട് മൂന്നു വരെ അരീക്കോട്, മലപ്പുറം, മഞ്ചേരി, കിഴിശ്ശേരി, പരപ്പനങ്ങാടി, ചേളാരി, നിലമ്പൂര്‍, എടക്കര, മക്കരപ്പറമ്പ്, വള്ളുമ്പ്രം, എടവണ്ണ  എന്നീ സബ് സ്റ്റേഷനുകളില്‍ നിന്നുള്ള വൈദ്യതിതി വിതരണം ഭാഗികമായി മുടങ്ങും.

സംസ്ഥാന ജൈവ വൈവിധ്യ സംരക്ഷണ പുരസ്‌കാരത്തിന് അപേക്ഷ ക്ഷണിച്ചു.  ഹരിത വ്യക്തി, നാടന്‍ സസ്യ ഇനങ്ങളുടെ സംരക്ഷകന്‍, നാടന്‍ കന്നുകാലി ഇനങ്ങളുടെ സംരക്ഷകന്‍, ഹരിത വിദ്യാലയം, ഹരിത കോളേജ്, ഹരിത പത്ര പ്രവര്‍ത്തകന്‍, ഹരിത ഇലക്‌ട്രോണിക് മാധ്യമ പ്രവര്‍ത്തകന്‍, ഗവ. ഹരിത സ്ഥാപനം, ജൈവ വൈവിധ്യ സംഘടന എന്നീ മേഖലകളിലാണ് പുരസ്‌കാരങ്ങള്‍ നല്‍കുന്നത്.  അപേക്ഷ മാര്‍ച്ച് 30നകം ലഭിക്കണം.  വിവരങ്ങള്‍ ംംം.സലൃമഹമേെമലേ യശീറശ്‌ലൃശെ്യേ.ീൃഴ ല്‍ ലഭിക്കും.