തെരഞ്ഞെടുപ്പ് പെരുമാറ്റച്ചട്ടം ലംഘിച്ച് ജില്ലയിലെ പൊതുസ്ഥലങ്ങളിലും സര്‍ക്കാര്‍-അര്‍ധ സര്‍ക്കാര്‍ ഓഫീസ് പരിസരങ്ങളിലും നീക്കംചെയ്യപ്പെടാതെ കിടന്ന 7210 ബാനറുകള്‍, പോസ്റ്ററുകള്‍, ചുമരെഴുത്തുകള്‍ തുടങ്ങിയവ ആന്റി ഡീഫെയ്‌സ്‌മെന്റ് സ്‌ക്വാഡുകള്‍ നീക്കം ചെയ്തു. വിവിധ പ്രദേശങ്ങളില്‍ രാഷ്ട്രീയ പാര്‍ട്ടികളും സര്‍വീസ് സംഘടനകളും അനധികൃതമായി സ്ഥാപിച്ച ബോര്‍ഡുകളും ബാനറുകളുമാണ് നീക്കം ചെയ്തത്. 

തെരഞ്ഞെടുപ്പ് സുതാര്യമാക്കുന്നതില്‍ മാധ്യമ പങ്ക് നിര്‍ണായകം

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ പരസ്യങ്ങളും വാര്‍ത്തകളും മറ്റും നല്‍കുമ്പോള്‍  അവ മാതൃകാ പെരുമാറ്റച്ചട്ടത്തിന്റെ ലംഘനമല്ലെന്ന് ഉറപ്പുവരുത്താന്‍ മാധ്യമങ്ങള്‍ ജാഗ്രത പാലിക്കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കലക്ടര്‍ മീര്‍ മുഹമ്മദലി പറഞ്ഞു. തെരഞ്ഞെടുപ്പ് ചെലവ് നിരീക്ഷണത്തിന്റെ ഭാഗമായുള്ള മീഡിയ സര്‍ട്ടിഫിക്കേഷന്‍ ആന്റ് മോണിറ്ററിംഗ് കമ്മിറ്റി (എംസിഎംസി)യുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് ചേര്‍ന്ന മാധ്യമപ്രതിനിധികളുടെ യോഗത്തില്‍ സംസാരിക്കുകയായിരുന്നു അദ്ദേഹം. 

സ്റ്റേഷനറി വകുപ്പിന്റെ തിരുവനന്തപുരത്തെ മുഖ്യ സ്റ്റേഷനറി സ്റ്റോറിൽ വാർഷിക സ്റ്റോക്കെടുപ്പ് നടക്കുന്നതിനാൽ ഏപ്രിൽ ഒന്ന് മുതൽ അഞ്ചുവരെ സ്റ്റേഷനറി വിതരണം ഉണ്ടായിരിക്കുന്നതല്ല.

പി.എൻ.എക്സ്. 982/19

മലയിൻകീഴ് എം.എം.എസ് ഗവ: കോളേജിലെ ഡിഗ്രി വിദ്യാർത്ഥികൾക്ക് മാർച്ച് 25ന് റഗുലർ ക്ലാസ് ഉണ്ടാവില്ലെന്ന് പ്രിൻസിപ്പാൾ അറിയിച്ചു. 

പി.എൻ.എക്സ്. 981/19

മഞ്ചേശ്വരം താലൂക്കില്‍ ശാന്തിപ്പള്ളം നാരായണ മംഗലത്തെ ശ്യാം ഭട്ടിന് ഇപ്പോള്‍ 101 വയസ്. ഇപ്പോഴും വോട്ട് ചെയ്യാന്‍ തയ്യാര്‍. പ്രായത്തിന്റെ ബുദ്ധിമുട്ടുകള്‍ ഉണ്ട്. ജീവിതത്തില്‍ കൃഷിയും ശാന്തിപ്പണിയുമാണു പ്രധാന പ്രവര്‍ത്തന മേഖല. കാസര്‍കോട് ജില്ലയില്‍ സ്വീപ്പി(എസ്‌വിഇഇപി)ന്റെ ഭാഗമായുള്ള വോട്ട് വണ്ടിയുടെ പ്രയാണം  ജില്ലാ കളക്ടര്‍ ഡോ ഡി സജിത്ത് ബാബുവിന്റെ സാന്നിദ്ധ്യത്തില്‍ കുമ്പള ശാന്തിപ്പള്ളത്ത് നാരായണമംഗലം യു പി സ്‌കൂളിന് സമീപത്ത് നടന്ന ചടങ്ങില്‍ ശ്യാം ഭട്ട് ഫ്‌ലാഗ് ഓഫ് ചെയ്തു. കൂടാതെ അദ്ദേഹം ഡെമോ വോട്ടിംഗ്  യന്ത്രത്തില്‍ വോട്ട് ചെയ്ത് വിവിപാറ്റിന്റെ പ്രവര്‍ത്തനങ്ങള്‍ മനസിലാക്കുകയും ചെയ്തു.

ട്രോമാ കെയര്‍ കാസര്‍കോടിന്റെ (ട്രാക്ക്) വാര്‍ഷിക ജനറല്‍ബോഡി യോഗം കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്നു. ജില്ലാ പോലീസ് മേധാവി ജെയിംസ് ജോസഫ് മുഖ്യാതിഥിയായി. ട്രോമാ കെയര്‍ പ്രവര്‍ത്തനങ്ങളുടെ പ്രാധാന്യം പൊതു സമൂഹം ഇനിയും മനസ്സിലാക്കിയിട്ടില്ലെന്ന് അദ്ദേഹം പറഞ്ഞു. സാമൂഹിക വിഭജനത്തെ കുറച്ച് കൊണ്ട് വന്ന് മനുഷ്യ മനസ്സുകളെ ഒന്നിപ്പിക്കാന്‍ ട്രോമാ കെയര്‍ സൊസൈറ്റിയിലൂടെ സാധിക്കുമെന്ന് അദ്ദേഹം കൂട്ടിച്ചേര്‍ത്തു. ട്രാക്ക് വൈസ് പ്രസിഡന്റ് എം കെ രാധാകൃഷ്ണന്‍ അധ്യക്ഷത വഹിച്ചു. ജില്ലാ സെക്രട്ടറി വി വേണുഗോപാലന്‍ റിപ്പോര്‍ട്ട് അവതരിപ്പിച്ചു.

സംസ്ഥാനത്ത് പ്രളയക്കെടുതികള്‍മൂലം ഉപജീവന മാര്‍ഗങ്ങള്‍ നഷ്ടപ്പെട്ട കുടുംബങ്ങള്‍ക്ക് വരുമാനം കണ്ടെത്തി നല്‍കുന്നതിന്റെ ഭാഗമായി കുടുംബശ്രീയുടെ നേതൃത്വത്തില്‍ 50000 പേര്‍ക്ക് സൗജന്യ സ്വയംതൊഴില്‍ പരിശീലനം നല്‍കുന്നു. ഇതു പ്രകാരം 'എറൈസ്' (''acquiring resilience and identify through sustainable employment ) ജില്ലക്കകത്തെ കുടുംബശ്രീ കുടുംബാംഗങ്ങളായിട്ടുള്ള ഉദ്യോഗാര്‍ത്ഥികള്‍ക്ക് പരിശീലനം നല്‍കും. തൊഴിലാളികളെ കിട്ടാന്‍ പ്രയാസമുള്ള മേഖലകളായ പ്‌ളംബിങ്ങ്, ഇലക്‌ട്രോണിക് റിപ്പയറിങ്ങ്, ഇലക്ട്രിക്കല്‍ ജോലികള്‍, എന്നിവയിലാണ് ഇപ്പോള്‍ പരിശീലനം നല്‍കുന്നത്.

കുടുംബശ്രീ ജില്ലാ മിഷന്റെ നേതൃത്വത്തില്‍ വരള്‍ച്ചയെ പ്രതിരോധിക്കുന്നതിനും ജലത്തിന്റെ ദുരുപയോഗം കുറയ്ക്കുന്നതിനും വേണ്ടി ഹരിതകേരളം മിഷന്റെ സഹകരണത്തോടെ ജലസംരക്ഷണ ക്യാമ്പയിന് തുടക്കമായി. ജില്ലാ കുടുംബശ്രീ മിഷന്‍ കോഡിനേറ്റര്‍ ടി.ടി സുരേന്ദ്രന്‍ ക്യാമ്പയിന്‍ ഉദ്ഘാടനം ചെയ്തു. ക്യാമ്പയിന്റെ ഭാഗമായി ജലസംരക്ഷണ അവബോധം സൃഷ്ടിക്കുന്നതിന് ലഘുലേഖ വിതരണം ചെയ്തു. എ ഡി എം സി: ഡി ഹരിദാസന്‍ അദ്ധ്യക്ഷത വഹിച്ചു.  ഹരിതകേരള മിഷന്‍ ജില്ലാ കോര്‍ഡിനേറ്റര്‍  എം പി സുബ്രപ്മണ്യം,എ ഡി എം സി മാരായ സി ഹരിദാസന്‍, പി ജോസഫ്, പ്രകാശ് പാലായി, എം കെ എസ് പി ഡി പി എം ശ്വേതേശ്വരി മോഹന്‍  എന്നിവര്‍ സംസാരിച്ചു.

കുടുംബശ്രീ ജില്ലാ മിഷന്റെ നേതൃത്വത്തില്‍ വയോജനങ്ങളെ സഹായിക്കുന്നതിനും  സേവനങ്ങള്‍ നല്‍കുന്നതിനും ശാസ്ത്രീയമായി  പരിശീലനം നല്‍കുന്നു. ജില്ലയ്ക്കകത്തും പുറത്തും വിദേശരാജ്യങ്ങളിലുമുള്‍പ്പെടെ ജോലി ചെയ്യാന്‍ താല്‍പര്യമുള്ള കുടുംബശ്രീ അംഗങ്ങള്‍ക്കും  കുടുംബാംഗങ്ങളായ സ്ത്രീകള്‍ക്കും പുരുഷന്‍മാര്‍ക്കും   അപേക്ഷ അയക്കാം. 18 മുതല്‍ 35 വയസുവരെ പ്രായമുള്ളവര്‍ക്ക് അപേക്ഷിക്കാം. 15 ദിവസത്തെ പരിശീലനമാണ് നല്‍കുക. സര്‍ക്കാര്‍ അംഗീകൃത തൊഴില്‍ പരിശീലന സ്ഥാപനങ്ങള്‍ വഴിയും കുടുംബശ്രീ എംപാനല്‍ ചെയ്തിട്ടുള്ള പ്രമുഖ പരിശീലക ഏജന്‍സികള്‍ മുഖേനയുമായിരിക്കും പരിശീലനം നല്‍കുക.

2020 ഓടെ സംസ്ഥാനത്തെ തന്നെ ആദ്യത്തെ ക്ഷയരോഗവിമുക്ത ജില്ലയായി കാസര്‍കോട് മാറണമെന്നും  ഇതിനുള്ള പ്രവര്‍ത്തനങ്ങളുമായി ആരോഗ്യ പ്രവര്‍ത്തകര്‍ മുന്നോട്ട് പോകണമെന്നും  ജില്ലാ കളക്ടര്‍ ഡോ. ഡി സജിത്ത് ബാബു പറഞ്ഞു. ലോകക്ഷയരോഗ ദിനാചരണത്തിന്റെ  ഭാഗമായി സംഘടിപ്പിച്ച  ജില്ലാതല പരിപാടി  കാസര്‍കോട് ജനറല്‍ ആശുപത്രിക്ക് സമീപം  ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.