ലോക്‌സഭാ തെരഞ്ഞെടുപ്പില്‍ ഓരോ പോളിംഗ് ബൂത്തുകളിലും ഇക്കുറി വോട്ടര്‍മാരുടെ മൂന്ന് വീതം വരികള്‍ ഉണ്ടാകും. സ്ത്രീ, പുരുഷന്‍ എന്നീ പതിവ് വരികള്‍ക്കു പുറമേ മുതിര്‍ന്ന പൗരന്മാര്‍ക്കും ഭിന്നശേഷിക്കാര്‍ക്കുമായി മൂന്നാമതൊരു വരികൂടി ഇത്തവണ ബൂത്തുകളിലുണ്ടാവണമെന്നാണ് കേന്ദ്ര തെരഞ്ഞെടുപ്പ് കമ്മിഷന്റെ നിര്‍ദേശമെന്ന് ജില്ലാ കളക്ടര്‍ പി.ബി. നൂഹ് അറിയിച്ചു. തെരഞ്ഞെടുപ്പ് സജ്ജീകരണവുമായി ബന്ധപ്പെട്ട് കളക്ടറേറ്റില്‍ നടന്ന എ.ആര്‍.ഒ.മാരുടെയും ഇ.ആര്‍.ഒ.മാരുടേയും യോഗത്തിലാണ് കളക്ടര്‍ ഇക്കാര്യം അറിയിച്ചത്. 

കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്‌ട്രേഷനിലേയ്ക്ക് ഫാക്കൽറ്റി ഇൻ ഇൻഫർമേഷൻ ടെക്‌നോളജി എന്ന തസ്തികയിലേയ്ക്കുള്ള പരീക്ഷ ഏപ്രിൽ ഏഴിന് തിരുവനന്തപുരം പാളയത്തെ എൽ.ബി.എസ് സെന്റർ ഫോർ സയൻസ് ആന്റ് ടെക്‌നോളജിയിൽ നടക്കും.  ഹാൾടിക്കറ്റ് www.lbscentre.kerala.gov.in ൽ നിന്നും ഡൗൺലോഡ് ചെയ്യാം.  ഫോൺ: 0471-2560311, 2560312.

പി.എൻ.എക്സ്. 980/19

ന്യൂസിലൻഡിൽ ഭീകരാക്രമണത്തിൽ മരിച്ച കൊടുങ്ങല്ലൂർ സ്വദേശി അൻസി ബാവയുടെ ഭൗതിക ശരീരം 25ന് പുലർച്ചെ 3.05 ന് കൊച്ചി അന്താരാഷ്ട്ര വിമാനത്താവളത്തിൽ എത്തിക്കും. 24ന് ക്രൈസ്റ്റ് ചർച്ച് വിമാനത്താവളത്തിൽ നിന്നും ദുബായ് വഴി എമിറേറ്റ്‌സ് വിമാനത്തിലാണ് കൊച്ചിയിലെത്തുക. നോർക്കയുടെ എമർജൻസി ആംബുലൻസ് സേവനം മുഖേന ഭൗതിക ശരീരം കൊടുങ്ങല്ലൂരിലെ വീട്ടിലെത്തിക്കുന്നതിനുളള നടപടി സ്വീകരിച്ചതായി നോർക്ക റൂട്ട്‌സ്  അധികൃതർ അറിയിച്ചു.  

പി.എൻ.എക്സ്. 979/19

ജെന്റർപാർക്കിന്റെ നേതൃത്വത്തിൽ സംസ്ഥാനത്തെ പ്രളയമേഖലകളിൽ ഉപജീവന നൈപുണ്യ പരിശീലനം, ചെറുകിട കച്ചവട നൈപുണ്യ പരിശീലനം എന്നിവ നൽകുന്നു.

പരിശീലന പരിപാടി സംഘടിപ്പിക്കാൻ താൽപ്പര്യമുള്ള, ഈ മേഖലയിൽ പ്രവർത്തിക്കുന്ന സ്ഥാപനങ്ങൾ, നടത്താനുദ്ദേശിക്കുന്ന വിവിധ പരിശീലന പരിപാടികളുടെ വിശദവിവരം ഏപ്രിൽ ആറിനകം ലഭ്യമാക്കണം. കൂടുതൽ വിവരങ്ങൾക്ക് 0471-2433334.  വിലാസം: ജെന്റർ പാർക്ക്, എ17, ബ്രാഹ്മിൺസ് കോളനി റോഡ്, കവടിയാർ പി.ഒ, തിരുവനന്തപുരം - 695003.  ഇ-മെയിൽ: info@genderpark.gov.in.    

പി.എൻ.എക്സ്. 978/19

ഇടുക്കി ജില്ലയിലെ പീരുമേട് ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌കൂളില്‍ 2019-20 അധ്യയനവര്‍ഷത്തേക്ക്  ഹയര്‍സെക്കണ്‍റി വിഭാഗത്തിലും ഹൈസ്‌കൂള്‍ വിഭാഗത്തിലും (തമിഴ് മീഡിയം) അധ്യപകരെ കരാര്‍ വ്യവസ്ഥയില്‍ നിയമിക്കുന്നു. 

കേന്ദ്രസംസ്ഥാന സര്‍ക്കാര്‍ സ്ഥാപനങ്ങള്‍, ബാങ്കുകള്‍, പൊതുമേഖലാ സ്ഥാപനങ്ങള്‍ ഗവ.എയ്ഡഡ് സ്ഥാപനങ്ങള്‍ എന്നീ സ്ഥാപനങ്ങളില്‍ നിന്നും ഇനിയും സ്റ്റാഫ് ലിസ്റ്റ് ജില്ലാകലക്ടറുടെ  ഓഫീസില്‍ ഏല്‍പ്പിക്കാത്തവര്‍ ഇന്ന് (23.3.19) രാവിലെ 10 മണിക്ക് മുമ്പ് നല്‍കണം. ലിസ്റ്റ് എത്തിക്കാത്തവര്‍ക്കെതിരെ കര്‍ശന നടപടി സ്വീകരിക്കുമെന്ന് ജില്ലാകലക്ടര്‍ അറിയിച്ചു.