ആലപ്പുഴ: ലോകസഭ തിരഞ്ഞെടുപ്പിൽ 100 ശതമാനം പോളിങ്, പരിസ്ഥിതി സൗഹൃദ തിരഞ്ഞെടുപ്പ് എന്നിവ ലക്ഷ്യമിട്ട് വോട്ടു ചെയ്യൂ മരം നടൂ പദ്ധതിയുമായി ആലപ്പുഴ ജില്ല ഭരണകൂടം. ഇതിന്റെ ഭാഗമായി ചന്തകളിലും പൊതു സ്ഥലങ്ങളിലും കടന്നുചെന്ന് ജില്ല കളക്ടർ എസ്.സുഹാസ് വി.വി.പാറ്റ് മെഷീൻ പ്രവർത്തനം പരിചയപ്പെടുത്തി. തിരഞ്ഞെടുപ്പു ചൂടിലും പ്രകൃതി സംരക്ഷണത്തിന്റെയും ഹരിതചട്ടത്തിന്റെയും പുതിയ പാഠം പകർന്നുനൽകുകയാണ് ജില്ല ഭരണകൂടം.

ആലപ്പുഴ: ലോക്‌സഭാ തിരഞ്ഞെടുപ്പിന്റെ പശ്ചാത്തലത്തിൽ സർക്കാർ ഉദ്യോഗസ്ഥർ പാലിക്കേണ്ട ചട്ടങ്ങളും നിയന്ത്രണങ്ങളും വ്യക്തമാക്കിക്കൊണ്ട് സംസ്ഥാന പൊതുഭരണ വകുപ്പ് പ്രിൻസിപ്പൽ സെക്രട്ടറി ഉത്തരവിറക്കി. ഉത്തരവ് കർശനമായി പാലിക്കണമെന്നും ഏതെങ്കിലും തരത്തിലുള്ള വ്യതിയാനം ശ്രദ്ധയിൽപ്പെട്ടാൽ കർശനനടപടി സ്വീകരിക്കുമെന്നും ഉത്തരവിൽ വ്യക്തമാക്കിയിട്ടുണ്ട്. തിരഞ്ഞെടുപ്പ് കമ്മീഷൻ ലോക്‌സഭ തെരഞ്ഞെടുപ്പിന്റെ ഭാഗമായി തിരഞ്ഞെടുപ്പ് പെരുമാറ്റച്ചട്ടം ബാധകമാക്കിയിരിക്കുന്നതിന് പിന്നാലെയാണ് പൊതുഭരണ വകുപ്പിന്റെ ഉത്തരവ്.

ആലപ്പുഴ:ജില്ലയിൽ വ്യാപകമായി അനധികൃത നിലം നികത്തും മണ്ണെടുപ്പും ശ്രദ്ധയിൽപ്പെട്ട സാഹചര്യത്തിൽ ഇത് തടയുന്നതിന് താലൂക്ക് തലത്തിൽ രൂപീകൃതമായ സ്‌ക്വാഡിന്റെ പ്രവർത്തനം ഉർജ്ജിതപ്പെടുത്തുവാൻ ജില്ലാകളക്ടർ കർശന നിർദ്ദേശം നൽകി. സബ്കളക്ടർ, ചെങ്ങന്നൂർ ആർ.ഡി.ഓ എന്നിവർ ഇതിന് നേതൃത്വം നൽകുമെന്ന് കളക്ടർ അറിയിച്ചു.

ലോക്‌സഭാ തെരഞ്ഞെടുപ്പിന്റെ ഭാഗമായി തിരഞ്ഞെടുപ്പ് കമ്മീഷന്റെ ആഭിമുഖ്യത്തില്‍ നടക്കുന്ന വോട്ടര്‍ ബോധവല്‍ക്കരണ പരിപാടിയായ സ്വീപ്പിന്റെ (സിസ്റ്റമാറ്റിക് വോട്ടേഴ്‌സ് എഡ്യുക്കേഷന്‍ ആന്റ് ഇലക്ടറല്‍ പാര്‍ട്ടിസിപ്പേഷന്‍) ഭാഗമായി ജില്ലാ കലക്ടര്‍ മീര്‍ മുഹമ്മദലിയുടെ നേതൃത്വത്തിലുള്ള സംഘം കടലില്‍ നീന്തി. പയ്യാമ്പലം ബീച്ചില്‍ ജില്ലാ ഇലക്ഷന്‍ വിഭാഗവും ചാള്‍സ് നീന്തല്‍ പരിശീലന കേന്ദ്രവും സംയുക്തമായി സംഘടിപ്പിച്ച സൗഹൃദ നീന്തല്‍ പരിപാടിയുടെ ഭാഗമായാണ് കലക്ടറും 15 അംഗ സംഘവും കരയില്‍ നിന്ന് രണ്ടു കിലോമീറ്റര്‍ ദൂരം നീന്തിയത്. 

ലോക്‌സഭാ തിരഞ്ഞെടുപ്പില്‍ പോളിംഗ് ജോലിക്ക് നിയോഗിക്കുന്നതിന് ഉദ്യോഗസ്ഥരുടെ ലിസ്റ്റ് ഇനിയും സമര്‍പ്പിക്കാത്ത ഓഫീസ് മേധാവികള്‍ ഇന്ന്  (മാര്‍ച്ച് 25) ഉച്ചകഴിഞ്ഞ് രണ്ടിന് മുമ്പ് കളക്ട്രേറ്റിലെ തിരഞ്ഞെടുപ്പ് വിഭാഗത്തില്‍ നേരിട്ട് എത്തിക്കണമെന്ന് ജില്ലാ കളക്ടര്‍ അറിയിച്ചു.

യു.എ.ഇയില്‍ നടന്ന സ്‌പെഷ്യല്‍ ഒളിമ്പിക്‌സില്‍ മെഡല്‍ നേടിയ കോട്ടയം ജില്ലയില്‍നിന്നുള്ള താരങ്ങളെ ജില്ലാ ഭരണകൂടം ഇന്ന് (മാര്‍ച്ച് 25) ആദരിക്കും. രാവിലെ 10.30ന് കളക്ടേറ്റ് കോണ്‍ഫറന്‍സ് ഹാളില്‍ നടക്കുന്ന ചടങ്ങ് ജില്ലാ കളക്ടര്‍ പി.കെ. സുധീര്‍ ബാബു ഉദ്ഘാടനം ചെയ്യും മെഡല്‍ ജേതാക്കള്‍ക്കും പരിശീലകര്‍ക്കും ഉപഹാരം സമ്മാനിക്കും.

കോടതി ചിലവ്  കുടിശ്ശികയിനത്തില്‍ ഈടാക്കുന്നതിന് ജപ്തി ചെയ്തിട്ടുളള ചിറക്കടവ് വില്ലേജില്‍ ബ്ലോക്ക് നമ്പര്‍ 17 ലെ സര്‍വ്വേ നമ്പര്‍ 1 201/2-1 ല്‍ പെട്ട 02.02 ആര്‍ വസ്തു മാര്‍ച്ച് 30 രാവിലെ 11ന് വില്ലേജ് ഓഫീസില്‍ ലേലം ചെയ്യുമെന്ന് കാഞ്ഞിരപ്പള്ളി തഹസീല്‍ദാര്‍ അറിയിച്ചു.

പോളിംഗ് സ്റ്റേഷനുകളുടെ ചരിത്രം പഠിച്ച് റിപ്പോര്‍ട്ട് നല്‍കാന്‍ ഇആര്‍ഒ മാര്‍ക്ക് ജില്ലാ കളക്ടര്‍ നിര്‍ദ്ദേശം നല്‍കി. സെന്‍സിറ്റീവ്, ക്രിട്ടിക്കല്‍, വള്‍നറബിള്‍ വിഭാഗത്തില്‍പ്പെടുന്ന പോളിംഗ് സ്റ്റേഷനുകള്‍ സംബന്ധിച്ച പോലീസ് റിപ്പോര്‍ട്ടിന്റെ അടിസ്ഥാനത്തിലാണ് കൂടുതല്‍ വിവരങ്ങള്‍ ശേഖരിക്കുന്നത്. 

വോട്ടിംഗ് യന്ത്രം ഉള്‍പ്പെടെയുള്ള തിരഞ്ഞെടുപ്പു സാധന സാമഗ്രികളുടെ വിതരണത്തിനായി ജില്ലയില്‍ എട്ടു കേന്ദ്രങ്ങള്‍ സജ്ജീകരിക്കും. കാഞ്ഞിരപ്പള്ളി, പൂഞ്ഞാര്‍ നിയമസഭാ നിയോജക മണ്ഡലങ്ങളിലെ പോളിംഗ് സ്റ്റേഷനുകളുടെ വിതരണ കേന്ദ്രം കാഞ്ഞിരപ്പള്ളി അമല്‍ ജ്യോതി എന്‍ജിനീയറിംഗ് കോളേജാണ്.