അരീക്കോട് 220 കെ.വി സബ്ബ് സ്റ്റേഷനില്‍ അറ്റകുറ്റപണി നടക്കുന്നതിനാല്‍ മാര്‍ച്ച് 24 ന് രാവിലെ എട്ട് മുതല്‍  വൈകീട്ട് മൂന്നു വരെ അരീക്കോട്, മലപ്പുറം, മഞ്ചേരി, കിഴിശ്ശേരി, പരപ്പനങ്ങാടി, ചേളാരി, നിലമ്പൂര്‍, എടക്കര, മക്കരപ്പറമ്പ്, വള്ളുമ്പ്രം, എടവണ്ണ  എന്നീ സബ് സ്റ്റേഷനുകളില്‍ നിന്നുള്ള വൈദ്യതിതി വിതരണം ഭാഗികമായി മുടങ്ങും.

സംസ്ഥാന ജൈവ വൈവിധ്യ സംരക്ഷണ പുരസ്‌കാരത്തിന് അപേക്ഷ ക്ഷണിച്ചു.  ഹരിത വ്യക്തി, നാടന്‍ സസ്യ ഇനങ്ങളുടെ സംരക്ഷകന്‍, നാടന്‍ കന്നുകാലി ഇനങ്ങളുടെ സംരക്ഷകന്‍, ഹരിത വിദ്യാലയം, ഹരിത കോളേജ്, ഹരിത പത്ര പ്രവര്‍ത്തകന്‍, ഹരിത ഇലക്‌ട്രോണിക് മാധ്യമ പ്രവര്‍ത്തകന്‍, ഗവ. ഹരിത സ്ഥാപനം, ജൈവ വൈവിധ്യ സംഘടന എന്നീ മേഖലകളിലാണ് പുരസ്‌കാരങ്ങള്‍ നല്‍കുന്നത്.  അപേക്ഷ മാര്‍ച്ച് 30നകം ലഭിക്കണം.  വിവരങ്ങള്‍ ംംം.സലൃമഹമേെമലേ യശീറശ്‌ലൃശെ്യേ.ീൃഴ ല്‍ ലഭിക്കും. 

കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില്‍ തിരുവനന്തപുരം, കൊല്ലം, പത്തനംതിട്ട,ആലപ്പുഴ, കോട്ടയം, എറണാകുളം,  തൃശൂര്‍, പാലക്കാട്,  കോഴിക്കോട്, കണ്ണൂര്‍ എന്നീ  ജില്ലകളില്‍ ഉയര്‍ന്ന താപനില ശരാശരിയില്‍ നിന്നും രണ്ട് മുതല്‍ മൂന്ന് ഡിഗ്രി വരെ  22 മാര്‍ച്ച്   മുതല്‍  24 വരെ  ഉയരുവാന്‍ സാധ്യതയുണ്ട്.

പൊതു വിദ്യാലയ ശാക്തീകരണ നേട്ടങ്ങള്‍ അമ്മമാരിലേക്ക് പകരാന്‍ വേറിട്ട പ്രവര്‍ത്തനങ്ങളുമായി വെട്ടത്തൂര്‍ ഗവ. ഹൈസ്‌ക്കൂളിലെ ലിറ്റില്‍ കൈറ്റ്‌സ് പ്രവര്‍ത്തകര്‍ രംഗത്ത്. സര്‍ക്കാര്‍ സ്‌കൂളിന് അനുവദിച്ച ലാപ്പ് ടോപ്പ് കമ്പ്യൂട്ടറുകള്‍, മറ്റു സാങ്കേതിക സംവിധാനങ്ങള്‍ ഇവ നാട്ടിന്‍ പുറത്തെ വിവിധ കേന്ദ്രങ്ങളിലെത്തിച്ച് താല്ക്കാലിക ലാബ് ക്രമീകരിച്ച് അമ്മമാര്‍ക്കായി ദ്വിദിന പരിശീലന പരിപാടികള്‍ സംഘടിപ്പിച്ചാണ് വേറിട്ട ഈ മാതൃകാ പ്രവര്‍ത്തനം സംഘടിപ്പിക്കുന്നത്. വായനശാലകളുടെ സഹകരണത്തോടെയാണ് പരിപാടി നടപ്പാക്കുന്നത്.

ജില്ലയില്‍ തെരഞ്ഞെടുപ്പ് പ്രചരണത്തിന്റെ ഭാഗമായി  വിവിധ രാഷ്ട്രീയ കക്ഷികള്‍ പല ഘട്ടങ്ങളിലായി   പെരുമാറ്റ ചട്ടം ലംഘിച്ചതായി  പരാതി. ഇത് സംബന്ധിച്ച് 71 പരാതികളാണ് സി- വിജില്‍ ആപ്പ് വഴി തെരഞ്ഞെടുപ്പ് കമ്മീഷന് ലഭിച്ചതെന്ന് ഉദ്യോഗസ്ഥര്‍ പറഞ്ഞു.

തിരഞ്ഞെടുപ്പിന് മുന്നോടിയായി  വിവിധ തെരഞ്ഞെടുപ്പ് ഉദ്യോഗസ്ഥര്‍ക്കുള്ള പരിശീലനം 26 മുതല്‍ ആരംഭിക്കും.  ഡിസ്ട്രിക് ലെവല്‍ മാസ്റ്റര്‍ ട്രെയിനര്‍മാര്‍ക്കുള്ള പരിശീലനം  ഈ മാസം 26നും  27 നും കളക്ടറേറ്റ് കോണ്‍ഫറസ് ഹാളില്‍ നല്‍കും. ഇവരുടെ നേത്യത്വത്തിലായിരിക്കും പോളിംഗ് ജീവനക്കാര്‍ക്ക് വിവിധ കേന്ദ്രങ്ങളില്‍ പരിശീലനം നല്‍കുക.