ഗതാഗതം നിരോധിച്ചു

തലശ്ശേരി ടെംപിള്‍ ഗേറ്റ്-കണ്ണിച്ചിറ റോഡില്‍ കലുങ്ക് നിര്‍മ്മാണം നടക്കുന്നതിനാല്‍ നാളെ(മാര്‍ച്ച് 26) മുതല്‍ ഏപ്രില്‍ 25 വരെ ഇത് വഴിയുള്ള ഗതാഗതം നിരോധിച്ചു. ഇതുവഴി മാടപ്പീടിക ഭാഗത്തു നിന്നും തലശ്ശേരിയിലേക്കും തലശ്ശേരിയില്‍ നിന്നും മാടപ്പീടിക ഭാഗത്തേക്കും പോകുന്ന വാഹനങ്ങള്‍ ടെംപിള്‍ ഗേറ്റ്-സൈതാര്‍ പള്ളി-മട്ടാമ്പ്രം പള്ളി റോഡ് വഴി കടന്നു പോകേണ്ടതാണെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

ജല നിരപ്പ് നിരീക്ഷിക്കുന്നതിനായി ജില്ലയിലെ കുളങ്ങളില്‍ ജല സ്‌കെയില്‍ സ്ഥാപിക്കാനൊരുങ്ങി ഹരിത കേരളം മിഷനും ജല സംരക്ഷണ വകുപ്പും. തിരുവനന്തപുരം കാട്ടാക്കടയില്‍ നടപ്പാക്കി വിജയിച്ച വാട്ടര്‍സ്‌കെയില്‍ പദ്ധതിയാണ് ജില്ലയിലെ കുളങ്ങളില്‍ നടപ്പാക്കാനൊരുങ്ങുന്നത്. 

ജില്ലയില്‍ മാര്‍ച്ച് 28 വരെ ഉയര്‍ന്ന താപനില ശരാശരിയില്‍ നിന്ന് രണ്ട് മുതല്‍ മൂന്ന് ഡിഗ്രി സെല്‍ഷ്യസ് വരെ ഉയരാന്‍ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്‍കി. 

ലോക്സഭാ തെരഞ്ഞെടുപ്പുമായി ബന്ധപ്പെട്ട് ഹരിതപെരുമാറ്റച്ചട്ടം നടപ്പിലാക്കാന്‍ മാര്‍ഗനിര്‍ദേശങ്ങളുമായി ശുചിത്വ മിഷന്‍. ജില്ലാ ഭരണകൂടം, ഹരിതകേരളം മിഷന്‍ എന്നിവയുടെ സംയുക്ത സഹകരണത്തോടെ കേന്ദ്ര തെരഞ്ഞെടുപ്പ് കമ്മീഷന്‍, പരിസ്ഥിതി മന്ത്രാലയം എന്നിവരുടെ നിര്‍ദേശങ്ങളുടെയും കേരളാ ഹൈക്കോടതി ഉത്തരവിന്റെയും അടിസ്ഥാനത്തിലാണ് ഹരിതപെരുമാറ്റച്ചട്ടം നടപ്പിലാക്കുന്നത്.

ലോക്സഭാ തെരഞ്ഞെടുപ്പിനോടനുബന്ധിച്ച് ജില്ലയിലെ മാസ്റ്റര്‍ ട്രെയിനര്‍മാര്‍ക്കായി പരിശീല പരിപാടി സംഘടിപ്പിച്ചു. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടന്ന പരിപാടിയില്‍ തളിപ്പറമ്പ്, പയ്യന്നൂര്‍, കല്ല്യാശ്ശേരി, ഇരിക്കൂര്‍ മണ്ഡലങ്ങളില്‍ നിന്നുള്ള എഴുപതോളം മാസ്റ്റര്‍ ട്രെയിനര്‍മാര്‍ പങ്കെടുത്തു. ഇലക്ഷന്‍ ഡ്യൂട്ടിക്ക് നിയോഗിക്കുന്ന ഉദ്യോഗസ്ഥര്‍ക്ക് നല്‍കേണ്ട പരിശീലനങ്ങളെക്കുറിച്ചും നിര്‍ദേശങ്ങളെക്കുറിച്ചും ക്ലാസില്‍ വിശദീകരിച്ചു. ഇതിന് പുറമെ വോട്ടിംഗ് പ്രക്രിയ, ഇവിഎം വിവിപാറ്റ് മെഷീനുകളുടെ പ്രവര്‍ത്തനം എന്നിവയെക്കുറിച്ചും മാസ്റ്റര്‍ ട്രെയിനേഴ്സിന് പരിശീലനം നല്‍കി. 

ജില്ലാ ശുചിത്വ മിഷന്‍, ഹരിത കേരള മിഷന്‍, ധര്‍മ്മടം എ ആര്‍ ഒ എന്നിവയുടെ സംയുക്താഭിമുഖ്യത്തില്‍ ഹരിത തെരഞ്ഞെടുപ്പിന്റെ പ്രചരണാര്‍ഥം വിളംബര റാലി സംഘടിപ്പിച്ചു. 

വോട്ടിംഗ് മെഷീന്‍ വിവിപാറ്റ് പരിശീലനം ലൈബ്രറി കൗണ്‍സില്‍ അങ്കണത്തില്‍ നടന്നു. ഓരോ ആളും ചെയ്യുന്ന വോട്ട് താന്‍ ചെയ്ത സ്ഥാനാര്‍ത്ഥിക്ക് തന്നെയെന്ന് പ്രിന്റൗട്ടിന്റെ സഹായത്തോടെ ഉറപ്പ് വരുത്തുന്നതാണ് വി വി പാറ്റ് മെഷീന്‍. തെരഞ്ഞെടുപ്പ് കമ്മീഷന്‍ നേതൃത്വത്തില്‍ വിവിധ മണ്ഡലത്തില്‍ വോട്ടര്‍മാര്‍ക്ക് പരിശീലനം നല്‍കുന്നതിന്റെ ഭാഗമായി എത്തിയ പ്രചാരണ വാഹനം ജില്ലാ ലൈബ്രറി അങ്കണത്തില്‍ ലൈബ്രേറിയന്‍മാര്‍ക്കും കൗണ്‍സില്‍ ജീവനക്കാര്‍ക്കും മെഷീന്‍ പരിചയപ്പെടുത്തി. നിരവധി വായനക്കാരും പരിശീലനത്തില്‍ പങ്കാളികളായി. 

ലോക്‌സഭാ തെരഞ്ഞെടുപ്പ് പ്രചാരണത്തിന്റെ ഭാഗമായി അച്ചടിക്കുന്ന പോസ്റ്ററുകള്‍, ലഘുലേഖകള്‍, സ്റ്റിക്കറുകള്‍ തുടങ്ങിയവയില്‍ പ്രിന്ററുടെയും പ്രസാധകന്റെയും പേരും വിലാസവും ഇല്ലെങ്കില്‍ അവ നീക്കം ചെയ്യുമെന്ന് ജില്ലാ ഇലക്ഷന്‍ ഓഫീസര്‍ കൂടിയായ ജില്ലാ കലക്ടര്‍ അറിയിച്ചു. മാതൃകാപെരുമാറ്റച്ചട്ടത്തിന്റെ ഭാഗമായി ജനപ്രാതിനിധ്യ നിയമം 1952ലെ 127എ വകുപ്പുപ്രകാരമായിരിക്കും നടപടിയെന്നും ജില്ലാ കലക്ടര്‍ അറിയിച്ചു.