സൗദി അറേബ്യന്‍ ആരോഗ്യമന്ത്രാലയത്തിന്‍റെ കീഴിലുളള  റിയാദ് ആശുപത്രിയില്‍ ബിരുദം, ഇന്‍റണ്‍ഷിഷ് കൂടാതെ മൂന്ന് വര്‍ഷത്തില്‍ കുറയാത്ത പ്രവര്‍ത്തി പരിചയമുള്ള പെര്‍ഫ്യൂഷനിസ്റ്റിനെ ആവശ്യമുണ്ട്. താത്പര്യമുളളവര്‍ ീറലുര സൈറ്റില്‍ നല്‍കിയ മാതൃകയിലുള്ള ബയോഡാറ്റ മാര്‍ച്ച് 26 നകം മൌറശാീവ2019.ീറലുര@ഴാമശഹ.രീാ ല്‍ സമര്‍പ്പിക്കണം.  സംസ്ഥാന സര്‍ക്കാര്‍ സ്ഥാപനമായ ഒഡെപെക് ന്‍റെ നേതൃത്വത്തില്‍ ഏപ്രില്‍ ഒന്ന്, രണ്ട് തിയതികളില്‍ ഡല്‍ഹിയില്‍ അഭിമുഖം നടക്കുമെന്ന് ജനറല്‍ മാനേജര്‍ അറയിച്ചു.

    മങ്കര തേനൂര്‍ അത്താഴംപെറ്റ  വേലയോടനുബന്ധിച്ച്  പാലക്കാട്- ഒറ്റപ്പാലം പബ്ലിക്ക് റോഡില്‍ മങ്കര-പറളി റൂട്ടില്‍ ഇന്ന് (മാര്‍ച്ച് 23) ന് ഉച്ചയ്ക്ക് രണ്ട് മുതല്‍ രാത്രി 10 വരെ ഗതാഗത നിയന്ത്രണം ഏര്‍പ്പെടുത്തുമെന്ന്  മങ്കര പോലീസ് സ്റ്റേഷന്‍ ഹൗസ് ഓഫീസര്‍ അറിയിച്ചു. അതിനാല്‍ പാലക്കാട്-ഒറ്റപ്പാലം റൂട്ടില്‍ വരുന്ന വാഹനങ്ങള്‍ പറളി ചന്തപ്പുര ജംങ്ഷനില്‍ നിന്നും പറളി-ഓടനൂര്‍-കാളികാവ്-മങ്കര വഴി തിരിഞ്ഞും മങ്കരയില്‍ നിന്ന് പാലക്കാട്ടേക്കുള്ള വാഹനങ്ങള്‍ കാളികാവ്-ഓടനൂര്‍-പറളി വഴി പോകേണ്ടതാണ്. 

ജില്ലാ സ്പോര്‍ട്സ് കൗണ്‍സില്‍ സ്കൂള്‍   കുട്ടികള്‍ക്കായി ഷട്ടില്‍ ബാഡ്മിന്‍റണ്‍, ടേബിള്‍ ടെന്നീസ് എന്നീ ഇനങ്ങളില്‍ ക്യാമ്പ് സംഘടിപ്പിക്കുന്നു. ക്യാമ്പില്‍ പങ്കെടുക്കാന്‍ താല്പര്യമുള്ളവര്‍ ഏപ്രില്‍ മൂന്ന് രാവിലെ ഒന്‍പതിന് കോട്ടയം  ഇന്‍ഡോര്‍  സ്റ്റേഡിയത്തില്‍    എത്തണം. കൂടുതല്‍ വിവരങ്ങള്‍ക്ക്  ഫോണ്‍: 0481-2563825  

പോളിംഗ് ഡ്യൂട്ടിയ്ക്ക് ഉദ്യോഗസ്ഥരെ നിയമിക്കുന്നതിനായി ലഭിച്ച ലിസ്റ്റുകള്‍ പരിശോധിച്ചപ്പോള്‍ ചില സ്ഥാപനമേധാവികള്‍ പല ഉദ്യോഗസ്ഥരുടെയും പേരുകള്‍ ഈ ലിസ്റ്റില്‍ നിന്നും ഒഴിവാക്കിയതായി ശ്രദ്ധയില്‍പ്പെട്ടിട്ടുണ്ട്. ഇത്തരത്തില്‍ വിട്ടുപോയവരുടെ പേരുകള്‍ ബന്ധപ്പെട്ട സ്ഥാപനമേധാവികള്‍ ഇന്ന് (മാര്‍ച്ച് 23) വൈകിട്ട് അഞ്ചിനകം ബന്ധപ്പെട്ട വില്ലേജോഫീസുകളില്‍ സമര്‍പ്പിക്കണമെന്നും അല്ലാത്തപക്ഷം സ്ഥാപന മേധാവികള്‍ക്കെതിരെ നടപടി സ്വീകരിക്കുമെന്നും ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാകലക്ടര്‍ അറിയിച്ചു.

തിരുവാര്‍പ്പ് ഗവണ്‍മെന്‍റ് ഐടിഐയില്‍ 2014 ല്‍ ഇലക്ട്രീഷ്യന്‍ ട്രേഡ് കോഴ്സ് പൂര്‍ത്തിയാക്കിയ ട്രെയിനികളുടെ കോഷന്‍ ഡിപ്പോസിറ്റ് വിതരണം ആരംഭിച്ചു. ട്രെയിനികള്‍ തിരിച്ചറിയല്‍ രേഖയുമായി മാര്‍ച്ച് 31നകം എത്തി കോഷന്‍  ഡിപ്പോസിറ്റ് വാങ്ങണം. ഫോണ്‍: 0481 2380404

ലോക്സഭ തിരഞ്ഞെടുപ്പുമായി ബന്ധപ്പെട്ട് ജില്ലാ കള്ക്ടര്‍ പുറപ്പെടുവിച്ച ഉത്തരവു പ്രകാരം തോക്ക് കൈവശം സൂക്ഷിക്കുന്നതിന് ലൈസന്‍സ് ഉള്ള മുഴുവന്‍ പേരും തോക്ക് സറണ്ടര്‍ ചെയ്തു.  ജില്ലയില്‍ 1706 പേര്‍ക്കാണ് തോക്ക് സൂക്ഷിക്കുന്നതിന് ലൈസന്‍സ് ഉളളത്. തിരഞ്ഞെടുപ്പ് പ്രക്രിയ പൂര്‍ത്തിയാകുന്നതോടെ തോക്കുകള്‍ തിരികെ നല്‍കും.

ആലപ്പുഴ: ലോക്‌സഭാ തിരഞ്ഞെടുപ്പിനോടനുബന്ധിച്ച് രൂപവത്കരിച്ചിട്ടുള്ള എല്ലാ സ്‌ക്വാഡുകളും പ്രവർത്തനസജ്ജമാണെന്ന് എല്ലാ എ.ആർ.ഓമാരും ഉറപ്പാക്കണമെന്നും ഏതെങ്കിലും സ്‌ക്വാഡ് പ്രവർത്തന സജ്ജമല്ലെന്ന് കണ്ടാൽ ആവർക്കെതിരെ ജനപ്രാതിനിധ്യ നിയമപ്രകാരം കർശന നടപടി സ്വീകരിക്കണമെന്നും ജില്ലാ കളക്ടർ  നിർദ്ദേശം നൽകി.

ആലപ്പുഴ:ലോക്‌സഭാ തിരഞ്ഞെടുപ്പ് 2019മായി ബന്ധപ്പെട്ട് തിരഞ്ഞെടുപ്പ് ജോലിക്ക് നിയോഗിക്കുന്നതിനായി ജീവനക്കാരുടെ പേരുവിവരം ആവശ്യപ്പെട്ടുകൊണ്ടുള്ള പട്ടിക ബുധനാഴ്ച (മാർച്ച് 20) വൈകുന്നേരം നാലുമണിക്ക് മുമ്പായി എല്ലാ ഓഫീസ് മേധാവികളും ബന്ധപ്പെട്ട താലൂക്കിലോ വില്ലേജ് ഓഫീസിലോ നൽകണം. തങ്ങളുടെ കീഴിലുള്ള എല്ലാ ഉപ ഓഫീസുകളിൽ നിന്നും സമയബന്ധിതമായി പട്ടിക നൽകിയിട്ടുണ്ട് എന്ന് എല്ലാ സ്ഥാപന മേധാവികളും ഉറപ്പാക്കണമെന്ന് ജില്ലാ കളക്ടർ അറിയിച്ചു. പട്ടിക സമർപ്പിക്കാത്ത ഓഫീസ് മേലധികാരികളുടെ പേരിൽ ഇന്ത്യൻ ജനപ്രാതിനിധ്യ നിയമപ്രകാരം നടപടി സ്വീകരിക്കുമെന്ന് ജില്ലാ കളക്ടർ അറിയിച്ചു.