സംസ്ഥാന തയ്യല്‍ തൊഴിലാളി ക്ഷേമബോര്‍ഡില്‍ നിന്നും പെന്‍ഷന്‍ വാങ്ങുന്നവരില്‍ ലൈഫ് സര്‍ട്ടിഫിക്കറ്റ് ഹാജരാക്കാത്തവര്‍ ഈ മാസം 25നകം ഹാജരാക്കണമെന്നും അല്ലാത്തപക്ഷം തുടര്‍ന്ന് പെന്‍ഷന്‍ വിതരണം ചെയ്യുന്നതല്ലെന്നും ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.                                                                              (പിഎന്‍പി 957/19)

1955ലെ തിരുവിതാംകൂര്‍ കൊച്ചി സാഹിത്യ-ശാസ്ത്രീയ-ധാര്‍മിക സംഘങ്ങളുടെ രജിസ്‌ട്രേഷന്‍ നിയമപ്രകാരം രജിസ്റ്റര്‍ ചെയ്തിട്ടുള്ള നിലവില്‍ പ്രവര്‍ത്തിച്ചുകൊണ്ടിരിക്കുന്ന സംഘങ്ങളുടെ വാര്‍ഷിക റിട്ടേണ്‍സ് ഫയല്‍ ചെയ്യുന്നതിലെ കുടിശിക തീര്‍പ്പാക്കുന്നതിന് നടപ്പാക്കിയ ഒറ്റത്തവണ തീര്‍പ്പാക്കല്‍ പദ്ധതിയുടെ കാലാവധി ഈ മാസം 31ന് അവസാനിക്കും. എല്ലാ സൊസൈറ്റി ഭാരവാഹികളും പദ്ധതിയുടെ ആനുകൂല്യം പരമാവധി പ്രയോജനപ്പെടുത്തണമെന്ന് ജില്ലാ രജിസ്ട്രാര്‍ (ജനറല്‍) അറിയിച്ചു.                    (പിഎന്‍പി 956/19)

ലോക്സഭാ തെരഞ്ഞെടുപ്പിന്റെ ഭാഗമായി കളക്ടറേറ്റിലെ ജില്ലാ ഇന്‍ഫര്‍മേഷന്‍ ഓഫീസില്‍ സജ്ജീകരിച്ച മീഡിയ സര്‍ട്ടിഫിക്കേഷന്‍ ആന്‍ഡ് മോണിട്ടറിംഗ് കമ്മിറ്റി(എംസിഎംസി) സെല്ലിന്റെയും മീഡിയ സെന്ററിന്റെയും ഉദ്ഘാടനം 25ന് രാവിലെ 11ന് ജില്ലാ കളക്ടര്‍ പി.ബി. നൂഹ് നിര്‍വഹിക്കും. തെരഞ്ഞെടുപ്പില്‍ മാധ്യമങ്ങള്‍ വഴി പ്രചരിപ്പിക്കാന്‍ ഉദ്ദേശിക്കുന്ന പരസ്യങ്ങള്‍ പരിശോധിച്ച് അംഗീകാരം നല്‍കുകയും പെയ്ഡ് ന്യൂസുകള്‍ നിരീക്ഷിച്ച് തുടര്‍ നടപടി സ്വീകരിക്കുകയുമാണ് എംസിഎംസിയുടെ ചുമതല.

                    (ഇലക്ഷന്‍: 57/19)

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് പത്തനംതിട്ട ജില്ലയിലെ പോളിംഗ് സാമഗ്രികളുടെ വിതരണത്തിനും വോട്ടെണ്ണലിനുമുള്ള കേന്ദ്രങ്ങളായി. മൈലപ്ര മൗണ്ട് ബഥനി പബ്ലിക് സ്‌കൂളാണ് വോട്ടെണ്ണല്‍ കേന്ദ്രം. എല്ലാ നിയമസഭാ മണ്ഡലങ്ങളിലേയും വോട്ടെണ്ണല്‍ ഇവിടെ നടക്കും. 

ലോക്‌സഭാ തെരഞ്ഞെടുപ്പില്‍ ഓരോ പോളിംഗ് ബൂത്തുകളിലും ഇക്കുറി വോട്ടര്‍മാരുടെ മൂന്ന് വീതം വരികള്‍ ഉണ്ടാകും. സ്ത്രീ, പുരുഷന്‍ എന്നീ പതിവ് വരികള്‍ക്കു പുറമേ മുതിര്‍ന്ന പൗരന്മാര്‍ക്കും ഭിന്നശേഷിക്കാര്‍ക്കുമായി മൂന്നാമതൊരു വരികൂടി ഇത്തവണ ബൂത്തുകളിലുണ്ടാവണമെന്നാണ് കേന്ദ്ര തെരഞ്ഞെടുപ്പ് കമ്മിഷന്റെ നിര്‍ദേശമെന്ന് ജില്ലാ കളക്ടര്‍ പി.ബി. നൂഹ് അറിയിച്ചു. തെരഞ്ഞെടുപ്പ് സജ്ജീകരണവുമായി ബന്ധപ്പെട്ട് കളക്ടറേറ്റില്‍ നടന്ന എ.ആര്‍.ഒ.മാരുടെയും ഇ.ആര്‍.ഒ.മാരുടേയും യോഗത്തിലാണ് കളക്ടര്‍ ഇക്കാര്യം അറിയിച്ചത്.